مجلس الدان الحضرمي

[عمر الذيب]

بو

بو طارق ايقول يا لهاجس بغيتك تسير=توصل لجده وتنشد ع الصديق الامير
بو فضل سالم وقله كل وادي خضير=والذيب بين الصناعيه وشارع جرير
حاله من البعد والغربه مكدر كثير=يارب تعين المفارق يا صمد يا قدير

عمر الذيب

[عمر الذيب]

التخميس
يارب تعين المفارق يا صمد يا قدير

[عيون المكلا]

ياشمس شرقي وغيبي عا وطن مستدير = مايطرب الحي زماره ولاهو مثير
مجهودكم ياعمر وسط السقيفه كبير=يارب تعين المفارق ياصمد ياقدير

[عيون المكلا]

بدون مجامله لاختك ياعمر اذا فيه خلل في الوزن وضح ..متقبله كل توجيهاتك وبدون ادنى زعل او تحفظ فأنت مؤتمن هنا على ارشاداتك .

[عمر الذيب]

بكل امانه روعه

[عمر الذيب]

اشكي وابكي في الغربه وصوبي خطير=لا حل للبعد دهباني وسط عين بير
في لبس عامل مبهذل بعد مانا سفير=نتف رياشي من اجناحي ولا قدرت طير
يارب تعين المفارق يا صمد يا قدير=
عمر الذيب

[عيون المكلا]

اصبر وصابر وزد في الصبر لاتستجير = الا بخالقك سبحانه العلي الكبير
عبره وعبره حياة الحضرمي الاسير = للبعد والشوق وطريق المهاجر خطير
يارب تعين المهاجر ياصمد ياقدير

[عمر الذيب]

اقتباس : المشاركة الأصلية كتبت بواسطة عيون المكلا [ مشاهدة المشاركة ]

اصبر وصابر وزد في الصبر لاتستجير = الا بخالقك سبحانه العلي الكبير عبره وعبره حياة الحضرمي الاسير = للبعد والشوق وطريق المهاجر خطير

الصبر بيصيح من صبري الطويل المرير=ولو يشكي الصبر كانه قد شكا للوزير
والمجلس الا من لي ماشي لبوهم ضمير=يا رب تعين المفارق يا صمد يا قدير

عمر الذيب

[خالد بن مهنا]

حبه محبه وهو لازال عاده صغير=عصرت قلبي عمد من اجل يشرب عصير
ويختلط دمنا وعادم واحد نصير=بارع مهفهف على الغيد الحساني امير
لو شم ريحته اعمى بايعوّد بصير=والله ماعاتبه لو فوق قلبي يسير
بفرش له الورد في دربه وزين الحرير=ثوّر براكين في قلبي جماله مثير

[صالح باعمران ابو زايد]

الذيب بعد التعب حصّلت شفتك عبير =لجله لبست الكسا اصلي وفاخر حرير
ياريت من حب حد يلقاه فوق الغدير=يارب تعين المفارق ياصمد يا قدير