الديوان الملكي لشعراء الشِعر الشعبي .

[سبع الليل]

اقتباس : المشاركة الأصلية كتبت بواسطة ملك اليمن [ مشاهدة المشاركة ]

حذر ماكُل جمل يشبه جمل با داس لي هادر = جمل باداس يحب أرضه بها راضي ولو تعبان جمل وافي يزم بالحمل يا محفوظ لو جائر = ولكنك شبامي والشبامي نعرفه ساني قفاء الثيران

علي بالعهد ماساير عديم الشور والقاصر=انا ساير رجاجيل الوفاء ماساير الغشمان
شبامي بالوفاء والعز والاحسان بيباشر=وتشهد له جميع الناس بالحكمه وبالايمان

[سبع الليل]

عليك يالبريكي الفصل يالغالي

[ملك اليمن]

اقتباس : المشاركة الأصلية كتبت بواسطة يمامه [ مشاهدة المشاركة ]

زياره جيت لاخواني ولاعندي نبا شاهر=فقط سلّم عليكم وانجذب وحدي قدا الخليان وذلا جبر في الدنيا وعمر الآدمي عابر=فضيله يالمغنّي قلل الشوكه على الميزان

مئة مرحيب بش في كُل زياره حملي الفاطر = ذهب والماس وإن تبغين ين من عُملة اليابان
وسبع الليل واديه سنه ماجاه شي ماطر = شجاره يابسه وده بنص بوصه من المعيان

[بن بريك]

اقتباس : المشاركة الأصلية كتبت بواسطة سبع الليل [ مشاهدة المشاركة ]

هلا من قال هاتوا لي خبر ياناس باخابر=خبر مزيزن يفرحنا ويطفي لوعة الحبان سمر يابن بريك اليوم وسل عالقلب والخاطر=ترى ملك اليمن يمشي بلا ديره ولا سكان

جزيل الشكر يامحفوظ لك يالثاير الصابر = سمعت الصوت يتردد كانه ضرب عالعمدان
بدع وارفع شعارك لا تجامل قل لبانابر = مصير الحي يتقابل ولو طالت به الازمان

[سبع الليل]

خرج ذا فصل بانبدع وستر الله يغطينا=بقول الصدق بانبدى وكل مخلوق بنحّيِه
تحيه عاطره منى وكلمة جبر تكفينا=رضاكم يالخوه عني يسّر القلب ويهنيه

[سبع الليل]

وياريت العرب تنهض بقوة قلب تفدينا=وتكسر شوكة الاعداء وكل مغرور وتبتيه
من اسرائيل وامريكا وكل مُلحد يعادينا =وتتحرر أراضينا ومسجدنا نصلي فيه

[سبع الليل]

فين الملك لي ملقي صوّر دايم وماذينا=فتحنا الباب لكنه قفاء ويقول ذا مابيه
ضيوفك داخل الديوان قهويهم وقهوينا=وخل الجمر في الموقد اِلمّا الصبح لاتطفيه

[شهد الملكه]

السلام عليكم ورحمة الله وبركاته

[ملك اليمن]

اقتباس : المشاركة الأصلية كتبت بواسطة شهد الملكه [ مشاهدة المشاركة ]

السلام عليكم ورحمة الله وبركاته

وعليكم السلام ورحمة الله وبركاته

[ملك اليمن]

اقتباس : المشاركة الأصلية كتبت بواسطة سبع الليل [ مشاهدة المشاركة ]

فين الملك لي ملقي صوّر دايم وماذينا=فتحنا الباب لكنه قفاء ويقول ذا مابيه ضيوفك داخل الديوان قهويهم وقهوينا=وخل الجمر في الموقد اِلمّا الصبح لاتطفيه

جهازي جاته العبضه وله عبضات تاذينا = فصل من غير ما يعطي الملك تنبيه
رميته جبتلي غيره إذا غبته ينا دينا = وله ميزات جم رده دواما قول يا لبيه