قصيده من الشاعر يسلم صالح بن عكعوك مشاكاه الى الشاعر طالب باتيس النعماني

[يسلم صالح بن عكعوك]

قصيدة الشاعر يسلم بن عكعوك

والدي من قبلي وعمّـي وخالـي=حلاّن فـي وادي جبالـه وريبـه
حلّوه بالجرمل وبيـض النصالـي=وانا بخط اعمالهـم بامشـي بـه
كتبلو لي التاريخ واضـح قبالـي=ماباه يدْثـر بعدهـم بعتنـي بـه
جدّده بـو خالـد ولاهـو مبالـي=بقوال من لافيـه نخـوه وهيبـه
تاريخ مايحتـاج عـاده سوالـي=خالي من الهفـوات وانـا دريبـه
واضح وضوح الشمس قبل الزوالي=ماحد يغطـي نورهـا بالغصيبـه
تاريخ متسلسل مـن اول وتالـي=واجب على من يحفظة يعتني بـه
ماهمني مـن قـال عنـي وقالـي=صدري رحب يهل الصدور الرحيبه
صابر وبصبر مثل صبر الجمالـي=حمل الثقل قسم الجمـال المنيبـه
يتهزّعن بـه فالجبـل والرمالـي=حتى وفيها غـاد تحـت الحقيبـه
تبقـى تقـود القافلـه والتوالـي=تبرك ولو كـان المسافـة قريبـه
عالعز حتى بعـت نخلـي ومالـي=وآنا طلق مدفع لحد شي ضريبـه
من دون شك مكسبي يبقى عقالـي=مرفوع من فوق القرون الصليبـه
ماهمنـي منهـو يرجّـم ظلالـي=مادام ساقي سالـم(ن) مايصيبـه
خلّـه يرجّـم بيمنـه والشمالـي=مثل الغوى بلقيه فـوق الزريبـه
مخطي ولا بقبل خطا لـو أتالـي=وابوي ذري البر وانا جيت صيبـه
وأهل الخرابـه شيبهـم والعيالـي=من شق جيبـي بايشقّـون جيبـه
اكنان راسي من خصيب السبالـي=لا دلهم المرزم مزونـه خصيبـه
وبالمصنعه جدي سكـن بالعوالـي=صليب من صغره ربي عالصليبـه
وابن آل غانم بالعلـى والسفالـي=من صلب عبد الله مسهّر حريبـه
وبعـد ذا بفتـح بريـد الرسالـي=برسل لبو راضي قوافـي عجيبـه
شاعر ولد شاعر وله قلب سالي=وماخذ التاريـخ مـن يـد شيبـه
جده زعيم(ن) يضربو بـه مثالـي=بالوافيـه يذكـره حتـى طليبـه
الجيد له عنـد العروبـه مجالـي=اسمه تناقلـه اللسيـن الرطيبـه
وان في كلامي شي خطا لاتبالـي=لا لا تجاملنـي يقولـو نسيـبـه
لنّك ذكي تـوزن بـوزن القفالـي=وتعرف النـار الضغايـن مصيبـه
ماشي لها عاكـي ولسنـه تلالـي=تحذر لظالها قبـل تدخـل كريبـه
قد قالها بـو زيـد ذري الهلالـي=كل شهم تمسي علته مـن قريبـه
اذياب يغرس له بدربـه مسالـي=جهّز سيوف الغدر ماقـال عيبـه
هاذي سنين المكر ياضيـم حالـي=يطعن بظهرك ياعجيـب العجيبـه
وانته بذلت الدم لـي كـان غالـي=من شان تطلعه القصور المهيبـه
انا اشهد ان ذا من قريبي جرالـي=من جار حاقـد لاتقولـو غريبـه
جوّب وانا بقبله مـر(ن) وحالـي=كل ما صدر منّك فنا بعتنـي بـه
انّه عسل مقبـول صافـي زلالـي=وانّه صِبر عندي تقـول الزبيبـه
والختم صلّو عد خصـب السبالـي=على الذي مقبـور فتـراب طيبـه

هذا الجواب الشاعر طالب باتيس

يالمحرر جلس جنبي وحـرر مقالـي=عبر ليـام والثـوره ومكـه وطيبـه
بنظم اقوال في مولى السمؤ والمعالـي=سيد القوم له سلطه وسطـوه وهيبـه
راعي الجود بوخالـد كبيـر الفعالـي=له مواقف مع ربعه تشـرف صليبـه
له مواقف وله وقفات بيـن الرجالـي=من هرا به عتيـم الليـل بايستجيبـه
في المواقف جبل منصوب فوق الجبالي=ماتزعزع من الماطر ولا من خصيبـه
ماتزعزع من العليـا ونـود الشمالـي=حيد صمصوم في الشدات كلن يهيبـه
يشلع الحمل ذي تعجز عليه الجمالـي=في ثواني يجيـب المبعـده والقريبـه
والدواسر على جالـه تشـل الثقالـي=الشحابل وبـن حيـدور هيّـج منيبـه
ياسلامي لهم ما البرق روس المعالـي=هيّج البعد واذياب الشعـاب الوريبـه
صفوة القوم ماهم من صحاب التوالـي=كل واحد في الشـده يسـاوي كتيبـه
عزوة الشيخ بوخالـد نهـار القتالـي=يرفعوا الراس لاجات الجيوش الغريبه
مثل عكعوك بوصالح غريـب المثالـي=ذي كلامه يصم الراس ساعـة يجيبـه
بلغت اقوال من عنده لها طعـم حالـي=كنها إلا دواء فعال جـاء مـن طبيبـه
يشكي الوقت واصحاب اللسين الطوالي=قله الهرج ذي مافيـه شـي مايعيبـه
كل فاشل وكـل نّمـام مالـه مجالـي=في مجالس تحرم كـل نمـه وغيبـه
قسمه اللوم كـل نمّـام بـه لاتبالـي=لاتبالي بذي ماحـد مـن اول دريبـه
ذا جوابي وذا قولي صدر في اعتجالي=لومعي شي وسع بكتب قوافي عجيبـه
كيف ماباوزن قولـي بـوزن القفالـي=جبر يسلم ويسلـم والجمـال المنيبـه
هاجسي لاطرب مثـل القمـر بايلالـي=بين لشهر اذا عتـم ضلامـه سريبـه
والف صلوا على من كلمتـه الغزالـي=عاحبيب البشر كليـن يذكـر حبيبـه

[طالب النعماني]

الشاعر الكبير يسلم بن عكعوك
اشكرك جزيل الشكر على نقل هذه القصائد واعذرني ان كان ردي مختصر او يوجد فيه بعض الاخطاء لاني كتبته بسرعه وانته تعرف ذالك
ارجوا ان يكون الرد موفق
ودمت بخير

[((بنت العرب))]

صح الله لسانكما
مجاراة رائعة منكم
ما شاء الله
ربي يديم الود بينكما يا رب
بارك الله فيك وربي يحفظك
لك مني كل التقدير والاحترام
أختك :: بنت العرب

[يسلم صالح بن عكعوك]

مشكور ياباتيس الرد وافي و كافي
ولا فيه قصور ولا يجي منك قصور يانعماني


مشكوره يابنت العرب نورتي السقيفه بطلتك

[طالب النعماني]

لاشكر على واجب يابوصالح
انته تستهاهل كل خير
والشيخ يسلم يستاهل كل وفاء لما يقدمه من اعمال خيريه وخدمات انسانيه لكل من قصد باب بيت في الامارات

[سالم بادحس]

بدع جميل وجواب اجمل
صح لسانكم جميعا وحفظ الله الشيخ يسلم من كل مكروه
والقافله تسير والكلاب تنبح
مايهزك ريح ياهذا الجبل
اشكر الاخوه الشعار على وقوفهم بجانب الحق

[علي فدعق الهاشمي]

الشاعر الفـذ بوصالح ياحياك الله وحي الله نباك قصيدة قيمة جداَ بروعة شخصكم الكريم وردرااااااااائع جداَ من شاعرنا ومشرفنا العزيز طالب باتيس . دمت بود

[المنقد باخريبه]

قصيد لايعلا عليه
صت السنتكم وابدانكم

[طـارق صـالح بن حيـدرة]

الشاعر المبدع

الهرم الكبير في ميدان الشعر

وفي كل ميدان


صح لساااااانك ملياااااار

كم ادهشتنا بهذه القصيده الجزله


وخلها على الله يابو صالح

هذا تالي زمان


مشكور يالغالي

والشكر موصول للشاعر الكبير المبدع


شاعر الشباب

طالب باتيس

ابو راضي

كفا ووفا ومااااقصر


صح لسانك ولسانه

وننتظر جديدكم المميز


تقبلو مروري

[ميزان العقول]

كلاااااااااااام جميل وقصائد جزله تستاهل الوقوف والثناء