ياالله عسى رحمه على كل مافات

[ابو نجود]

كنت احسب ان الوتس يبني علاقات
واللي عـن العين ابتـعـد يسـتضـيـفـه

اصبح اسـاس المشـكلـه والخـلافـات
كـلّـيـن يـعـطـي لـلصـداقـه صـنـيـفـه

وذي كـان يهـديـنـي من الورد باقـات
الـيـوم يـبــخـل مـا يـقـدّم رغــيــفــه

واللي على راس المصـايـب لنا جـات
مستـورده من ارض صنعـاء وقـيـفـه

عـاده دخـيـلـه كـل ابـوهـا مـتـاهــات
غـطّـت عـلى وادي وسـاحـل وريـفـه

يلعـن ابـو شـجـرة يـسـمّـونهـا القـات
كـم مـن نـفـوسٍ خـرّبــتـهـا عـفـيفــه

جـابـت لــنـا بـلـوه كـبـــيـره وٱفــات
والنـاس في غـفـله ولا هـي كـلـيـفـه

ياالله عسى رحـمـه على كـل مافـات
تكتب لنا خير العمل في الصـحـيفـه