¤§ من بين الركام §¤° قصيدة في الديارالحضرمية

[علي فدعق الهاشمي]

بسم الله والصلاة والسلام على رسول الله وعلى آله ومن والاه . رأينا تلك السيول الجارفة وكانها سيل العرم الذي جرف سد مأرب في التي مضت ، جاءت الأمطار على وادي حضرموت وخلفت فيه الدمار والخراب ، الحمد لله فكل ماجاء من المولى خير ، لا نقدر ان نقول الا اللهم لا نسألك رد القضاء ولكن نسألك اللطف فيه ، وقد أردت أن أشارك أهلي في حضرموت في مصابهم وكتبت هذه الأبيات والتي أتمنى أن تحوز على رضاكم جميعاً

¤§ من بين الركام §¤°

البارحه شفـت الصـور منقولـه=في شاشة التلفاز صـوت وصـورة
وقمـت أصبـر نفسـي المعلولـة=والصدر ضايق والكبـد مسعـورة
ماهـي مناظـر هابطـة مهبولـة=ولا برامـج تافـهـه أو كــوره
شفت السحاب وبرقتـه وسيولـه=في منظرٍ(ن) خلى العرب مبهـورة
والهاجس اللي غاب عنـي زولـه=جاني وكنه قد خرج عـن طـوره
ومن دون ماشعر قمت اردد قولـه=حتى قريت آيات ذيـك السـورة
شفـت البشـر متفرقـه مذهولـه=في دولـةٍ(ن)أمجادها مشهورة
في ديرهِ(ن) كانت من أهل الطوله=من بعـد عزتهـا غـدت منحـورة
والموقف اللي شـد عقلـي هولـه=ماشفت مثلـة ياعـرب أسطوره
نامـوا وكـل ديارهـم مأهـولـه=ثم أصبحـوا وديارهـم ممطمـورة
في واديٍ(ن) داهم جميـع حجولـه=سيلٍ(ن) مثل سيل العرم في جوره
دمـر بيوتـه واقتلـع محصولـه=حتى نخيله ما اسلمـت منخـوره
وقفت مع الاجواد كـم مـن دولـه=والجيد عـند الجيـد يلعـب دوره
واللي تقاعس عن صفـات رجولـه=باتكشفـه الأيام لـي مستـورة
يالله عسى الدعوى لهـم مقبولـة=وترجع ديار (الحضرمي) معمورة
لا صارت أبواب الأمل مقفولـة=ناديـت ربٍ(ن) رحمتـه موفـورة
والشاعـر اللـي مايترجـم قولـه=أحوال ربعـه ميتِ(ن)بشـعـوره
إن مـا تطابـق منطقـة بفعولـه=لا خير فـي شعـره ولا جمهـوره
يلي لكم أمجاد وصولـة وجولـه=تاريخ أمه في الصحـف مذكـوره
المجد يشهد لك بعرضـة وطولـه=يا(حضرموت) بعزتـك منصـوره
يالله عسـى دعواتـنـا مقبـولـة=وتعـود دار (الحضرمـي) معمـوره

محبكم علي فدعق الهاشمي