01-20-2011, 01:53 AM | #1 | ||||||
مشرف قسم الدين والحياه
|
سم اللقا صدفه و أسميه ميعاد
سم اللقا صدفه و أسميه ميعاد = انا انتظرتك وانت مريت صدفه....!! الشوق مالـه عمـر , يفنـى وينعـاد = له في الضلوع أن عاد وأن غاب رجفه مع كل فرقا , له ورى الجفـن ميـلاد = وأن ماتت الفرقا لقـى الشـوق حتفـه جيت أقتل الفرقـا مـن بـلاد لـبـلاد = مـلّ الطريـق يشيلنـي فـوق كتفـه وأنا بعد مليت مـن كثـر مـا أرتـاد = هالشارع اللي كان لـك فيـه شرفـه تظمأ عيوني شوفك , وتشبـع سهـاد = عيّا الزمن يقطـع ظماهـا بـرشفـه لاوجهـك أسقاهـا , ولا ذاقـت رقـاد = ماغير طيفـك , طيفـك اللـي أعرفـه كنّه ظبـي , وعيونـي ظـلال صيـاد = يجفـل قبـل يرتـد للجفـن طـرفـه مشكلته أنه كـل مـا أشتقـت يـزداد = حتـى مـلا جـدران وقتـي وسقفـه وأصبحت أشوفه فـأول الغيـم لاجـاد = وفـأقصى الشفق لاطاحت الشمس خلفه وفي الأرض لانامت عقب صوت رعـاد =وفي كل شباك ٍ صحـت منـه درفـه أتعبت طيفـك لـوم , واللـوم مافـاد = ويوم الأمل في شوفتـك مـات نصفـه نويت أسافـر عنـك بجـروح ٍ جـداد = وعمر ٍ من أوراق الزمن حان قطفـه نويت , لكـن جابنـي الشـوق منقـاد = وجابك حنينك , والزمن سـال عطفـه شفتك تبسّم لـي خجـل مـدري عنـاد = وفي نظرتك شوق ٍ من الظلم وصفـه حسيت كني طفـل , وعيونـك أعيـاد = ياعيدي اللي لـه ورى الصـدر رجفـه سمّ اللقـا صدفـة , وأسمّيـه ميعـاد = أنا أنتظرتـك , وأنـت مريـت صدفـه للشاعر : فهد المساعد .. دمتم بـ ود والشكر موصول للناقل الاول (( تنسيق باحرس )) |
||||||
01-20-2011, 09:53 AM | #2 | |||||||||
شخصيات هامه
|
شكرا لك اخوي باحرس على نقل هذه القصيدة الرائعة والشكر موصول لشاعرها . تحياتي |
|||||||||
01-22-2011, 10:01 PM | #3 | ||||||||
ابوراضي
|
صح لسانك واعتلا شانك
ابداع رائع مابعده ابداع اسجل مروري واعجابي |
||||||||
مواقع النشر (المفضلة) |
|
|
|