مساجلات الزامــــل الشعبي

[طالب النعماني]

الاخ ميزان العقول رسالتك وصلتك ولكن الخلل من السقيفه المشاركات كلها انحذفت

[جحدر]

ما باهمر صافر متى ساعفتني =قولو لطالب ماهمرذيك الرمال
لاجيت مسرع في المطب هديتني =ماشي خلل ظنيت بي صيب الكمال

[خالد بن مهنا]

الزين هو العيف مابايستوي=والقار عمره مارجع صافي زلال
ياهاجسي مال القوي الا القوي=ولا يطاولن الجبال الا الجبال
انك معك قوه دخل لا تحتجي=ادخل وقاتل في ميادين القتال
واحنا قبايل نحتكم مانختفي=لابيتت تقرح من اخشوم الطوال

[أحمد العمودي أبوفيصل]

ارجوك ياجحدر معاكم شلني = واعبربي الحدبه لمى قرن مال
والأقبل عضون يالله حطني = من قبل لاتشرق على رؤس الجبال
سوق الضليعه في بلاد الديني = يابخت من وطن على جاله وحال
عطشان يالصاحب تجمل واسقني = ودي بشربه من كرع صافي زلال

[جحدر]

يابن مهناء خايل الماطر قوي =ماحدمكمل شفه لله الكمال
ماقول شي في عيال عمي واخوتي=كلين وسط المصنعه ملقي حلال

[خالد بن مهنا]

المصنعه والحصن مفتاحه معي=واشياء في الواقع ولاهي في الخيال
وضّح كلامك لجل يفهم هاجسي=ياالشاجع المقدام ياعز الرجال

[جحدر]

"]

يا مرحبا بالي وصلني معتني =بالقيه عا اليمنى ولا بيقع شمال
ما باعذرمادام عضمي قلني =بادحق لشانك عا شنا طيب الجبال
كثر المسا فه يا المحب مت همني =عندي الدواس لي يشلون الثقال
لانته بنون العين ما ضايقني =لايا رفيق شفك عندي راس مال

[جحدر]

خالد سالم بن مهناء المري][ المصنعه والحصن مفتاحه معي=واشياء في الواقع ولاهي في الخيال
وضّح كلامك لجل يفهم هاجسي=ياالشاجع المقدام ياعز الرجال[

كل ما بغيته والذي انته ترتجي=باجيب ذي تطلبه لوكان المحال
يبقى الطلب عندي وللك في ذمتي =قولو طلبكم ياصما صيم الرجال

[خالد بن مهنا]

مبغيت شي من بعد ماخيرتني=صبت مطر والشعب والمسيال سال
باالكلمه الزينه مدينه تبتني=والكلمه العيفه تنكل بي نكال

[خالد بن مهنا]

مشكووور ياجحدر

ويعلم الله ماقصدي الا المداخله معكم لني لي فتره من زامل السقيفه

والعذر على تغيير القافيه في البيوت الاوله

اخيك/خالدبنمهناء