مساجلات الزامــــل الشعبي

[عامر باتيس]

الاخ طالب شكرا لك علىمرورك لكن وين عامدين انتو معد لكم حس ولا الصناعيه مغطتكم وشكر ا

[طالب النعماني]

وين بروح منها اخي عامر
كيف الربع

[بزبوز]

وين القصيد ياشعار

[طالب النعماني]

في الطريق ان شالله

[أبونمر]

وينكم ياشعار الزامل ومؤسسيه باتجون وإلا بانروح أخص بالذكر
المؤسسين الأول

[أبونمر]

[poem=font="Simplified Arabic,4,white,normal,normal" bkcolor="sienna" bkimage="" border="ridge,4,darkred" type=1 line=0 align=center use=sp num="0,black"]
[poem=font="Simplified Arabic,4,black,normal,normal" bkcolor="white" bkimage="" border="outset,4,gray" type=0 line=0 align=center use=ex num="0,black"]

باتيس وينه في الزوامل ماظهر= والسبع ايضا شوف ما هو ظاهر
وبن سميدع وين ذاه يعتكر =وسط العضيده كان ملقي عاكر
وبن حيدره ورجال ياحي من ذكر =مابانساهم دوب فيهم ذاكر
باوزير حاضر والوزيري قد حضر =والشيخ مجمل كان ايضا حاضر

[أبونمر]

با تيس وينه في العضيده ماظهر =والسبع أيضا شوف ماهو ظاهر
وبن سميدع وين ذاهو يعتكر =وسط العضيده كان ملقي عاكر
وبلقصير وين ياحي ماذكر =مابانسى جم ناس فيهم ذاكر
باوزيرحاضر والوزيري فد حضر =والشيخ مجمل كان ايضا حاضر

[سبع الليل]

جيينا على الداعي نهربد في الغدر=يابونمر جيينا ولا بانغادر
كل عود بيصك عود مثنات السمر=لما شروق الشمس نجمي سامر
بانجني الزيتون وشجار الثمر=والتين بانجنيه ذي هو ثامر
والجيد يابونمر لابد ينتصر=صدام ماهو مثل عبد الناصر
كل من تبع دنياه لابد ينقمر=ابليس ولد ابليس ذي هو يقامر

[أبونمر]

يالذي تخابرني تبي مني خبر= نوياك في ما بعد بانتخابر
شفني في الدنيا بطي صالي قدر=صالي قدر يحي وعبد القادر
والكسر ذي لقوه بي مابعد جبر =الكسر باقي عده ماهو جابر
لكنني باصبر كما كل من صبر =ويعين ربي كل من هو صابر

[طالب النعماني]

يابو نمر جيناك مابالتعذر=مادام هذا اليوم ماشي عاذر
انته كنان الراس لاحط المطر=لنته بجنبي ماحسب للماطر
واهل الزوامل كلهم ماحد قصر=اهل الوفاء والجود ماحد قاصر
والسبع قد لباء دعانا للسمر=مامرحبا به لي وصلنا سامر