مساجلات الزامــــل الشعبي

[طالب النعماني]

يابن العمودي ذا السنه عمك علي=قابض شنب عنتر ولحية سالمين
والبخص بالمحتاج ذي كيسه خلي=لامالحق شي خير عند المحسنين

[البكري]

عاقافيه جوب وعا حرف الروي = والحرف في موقعه عانطقه يزين
والهندوان الصلب في كسره عصي =والنار باتخليه لازم بايلين
والصفر يبقى صفر والقرش النقي = لاقده من فضه في ثبانك يبين

[طالب النعماني]

يالشاعر البكري كلامك مربعي=مثل العسل ياصاحب العقل الفطين
يوم الزلل واللوم منك مايجي=نحنا شهدنالك وهذولا شاهدين

[أحمد العمودي أبوفيصل]

اقتباس : المشاركة الأصلية كتبت بواسطة باكعيكعوه

لاتجمعون جمع الجمع جمله جوامل=ياخبير اللغه ارجو جماله تجمّل اودمامل تجمعوها كذلك دوامل =هي دمامل ومفردها يسموه دمّل

الاخ باكعيكعوه
انا ماتوقعت ان شاعر مثلك يجيب هذ الكلام قصد زي الناس اما ذا ماهوقصيد مليت جوافنا دمامل

[البكري]

اقتباس : المشاركة الأصلية كتبت بواسطة طالب باتيس النعماني

يالشاعر البكري كلامك مربعي=مثل العسل ياصاحب العقل الفطين يوم الزلل واللوم منك مايجي=نحنا شهدنالك وهذولا شاهدين

مافيش داعي للزلل ياصحبي = وحنا خوه والناس قدهم عارفين
والأدمي للصدق دائم ينتحي =والصدق صدقه للعرب والمسلمين
لكن عسى ربك يصلح كل شي =وترد عوده للعدود الهانيين

[طالب النعماني]

الله يكفينا واياكم الدمامل
وخلونا في القصيد الجزل

[طالب النعماني]

اقتباس : المشاركة الأصلية كتبت بواسطة البكري

مافيش داعي للزلل ياصحبي = وحنا خوه والناس قدهم عارفين والأدمي للصدق دائم ينتحي =والصدق صدقه للعرب والمسلمين لكن عسى ربك يصلح كل شي =وترد عوده للعدود الهانيين

يامرحبا بالهرج ذي دايم نقي=مثل العسل مشنون في فيجان صين
ذكرتني ربعي وقوم المشجري=ذي يدحنوا الشيطان وابليس اللعين

[أحمد العمودي أبوفيصل]

اقتباس : المشاركة الأصلية كتبت بواسطة طالب باتيس النعماني

يابن العمودي ذا السنه عمك علي=قابض شنب عنتر ولحية سالمين والبخص بالمحتاج ذي كيسه خلي=لامالحق شي خير عند المحسنين

عادات له ياصاحبي ماهي شوي = ذا ورث اجداده واهله لولين
لاشاف حد بياع جنب المشتري = يدرج بغى خمسين والااربعين
باجيك ياطالب وبوشبه معي = باخلي القاسي على شانك يلين
بن خلي العاصي ومن زنده قوي = يخضع وبيصيح بصوت الغافلين

[القنّاص]

اقتباس : المشاركة الأصلية كتبت بواسطة طالب باتيس النعماني

ياهاجسي حافظ شوي عالكعكعي=حتى ولو قاسي معك لازم تلين علمه كيف القول عاشويه شوي=من شان يتعلم مثيل الاخرين

خايف على عامر حبله يرتخي = والبئر له محفور واعلومه تشين
ماينفعه مسعود لا لايرتجي = لا مانفع نفسه خسر دنيا ودين
بالشر لك ناوي بغا الفرصه تجي = عينه على حصنك خذ مني اليقين
تقليد للاصلي جانا من دبي = غشوا به الشاري وزد فوقه يمين

[أحمد العمودي أبوفيصل]

ماليوم يشعار شوني محتبي = وينك يالعطاس لي ترطن رطين
الهر لاقد غاب يلعب له سري = ليهوبطى جيعان بايطحن طحين