مجلس الدان الحضرمي

[عيبون]

صباح الخير يالشعار جيناكم على الواجب=كلفني الضرب ذي هو قد مسى حنان
كلفت الهجس عالسيره وهو ماكان شي راغب=على عادتي ماباخلف على العدّان
دخلت البحر والامواج بالسنبوك تتلاعب=يعين الله عا موجة غبب سيلان

[عيبون]

نبى لخبار من باداس شكله في العرق حانب=او جته الصوانك داخل العظمان
معي حسره في الخاطر على حصنه صبح خارب=وعالجدران صبحت تنعق الغربان
وبعد الصافيه نوبي يصبّح عالخمج شارب=تعكّر ماك لا ياقصبة المعيان

[محمد سعيد بن مخاشن]

اقتباس : المشاركة الأصلية كتبت بواسطة ديناميت الجنوب [ مشاهدة المشاركة ]

نعم مرحيب بك يالذيب ذي فالغرق والحاجب=مراقب للفريسه ناوي الرعيان تدور للغنم فوق القمم لاكن حذر حاسب=ترا هذ السنه ماهي كما عيمان

أنا يا الديناميت اليوم شفت الجيد والكاذب
وسالم ما يسد خانه كما سلمان

على صاحبي شفني للأبد با ظل أنا عاتب
طلع خاين ونا حسبته من العتبان

[محمد سعيد بن مخاشن]

اقتباس : المشاركة الأصلية كتبت بواسطة ابو صقر.. [ مشاهدة المشاركة ]

انا ماقول شي يالمخشني في الشاخ هو كاسب=من الجوده معه زايد بلانقصان وعاقول السلف له اصل في لسواس كم ضارب=وتشهد له قبل من جملة العربان

رحب بو صقر ذي جاني تقول ألاّ بغا راتب
وهو جاء عا الدّرك با يواسي الحزنان

وقل له شيخ يفرق عن شويّخ مبتذل خايب
يبدّل بالبصل تينه معا الرمان

[بن بريك]

الا يالله يالمعبود ترحم عبدك الحابب = وتطرح له موده في قلوب أهل الوفاء والشأن
صغير السن مايرحم تكبر شافني ذايب = وخلا النار في قلبي كما جمر السمر رشان

[ابو صقر..]

اقتباس : المشاركة الأصلية كتبت بواسطة محمد سعيد بن مخاشن [ مشاهدة المشاركة ]

رحب بو صقر ذي جاني تقول ألاّ بغا راتب وهو جاء عا الدّرك با يواسي الحزنان وقل له شيخ يفرق عن شويّخ مبتذل خايب يبدّل بالبصل تينه معا الرمان

محمد لا تسيء الظن ولا ريس ولا نائب=فقهلي وانتبه يالشاعر الغيان
مصالحنا تقع في الحل ذا وحده ولاسايب=يعكر شهدنا ذي من عسل جردان

[ديناميت الجنوب]

ترا بعض العرب هرجه يجيب المغص والحالب=ولا له قابليه ولد بن شرمان
وخلك فالكنيسه رتب التوراه يالراهب=بطل سحرك على فرعون ياهامان

[ابو صقر..]

اقتباس : المشاركة الأصلية كتبت بواسطة ديناميت الجنوب [ مشاهدة المشاركة ]

ترا بعض العرب هرجه يجيب المغص والحالب=ولا له قابليه ولد بن شرمان وخلك فالكنيسه رتب التوراه يالراهب=بطل سحرك على فرعون ياهامان

معك بالبدل الايجاب هذا اليوم بالسالب=ولاقبص الحنش يوقع كما الثعبان
ولكن حول الله قرب اعتادك وباقارب=وباتسمع خبر من ذيبي السرحان

[بن بريك]

علي واجب أزور اليوم أهل العز والصاحب = نرد الدين ذي عندي لأهل الجود والاحسان
وهذا الوقت له نوبات ما تأمن له الجانب = جمال البدو ماتجفل ولا تفزع من السرقان
ولا شفت المطر وسمعت رعده بات له راقب = وطال الليل والمركب صبح يمشي بلا ربان

[رنين الوتر]

اقتباس : المشاركة الأصلية كتبت بواسطة بن بريك [ مشاهدة المشاركة ]

علي واجب أزور اليوم أهل العز والصاحب = نرد الدين ذي عندي لأهل الجود والاحسان وهذا الوقت له نوبات ما تأمن له الجانب = جمال البدو ماتجفل ولا تفزع من السرقان ولا شفت المطر وسمعت رعده بات له راقب = وطال الليل والمركب صبح يمشي بلا ربان

الشطر الثاني طويل حيل يابن بريك