مجلس الدان الحضرمي

[الواقعي]

حد في المجلس

[صوت سيبان]

اقتباس : المشاركة الأصلية كتبت بواسطة الواقعي [ مشاهدة المشاركة ]

حد في المجلس

نعم المجلس مليان أرحبتوا والليله العشاء عندنا قلت أيه

[بوشاكر]

السلام عليكم

[عيبون]

مساكم بالخير فصل يالربع

[بوشاكر]

فصل على عجل يسبر السمر

مامعي شئ طرب للدان لوبانغني=بعد ماشفت ذي غنوا مسوا امس يبكون
وانت يالذيب ماتخبرت وسألت عني=بالبساطه ابوشاكر كذا عندك ايهون
مابظني ولكن فيك لاخاب ظني =ايش باقول غير الصبر لي خيرما يكون

[عيبون]

اقتباس : المشاركة الأصلية كتبت بواسطة بوشاكر [ مشاهدة المشاركة ]

فصل على عجل يسبر السمر مامعي شئ طرب للدان لوبانغني=بعد ماشفت ذي غنوا مسوا امس يبكون وانت يالذيب ماتخبرت وسألت عني=بالبساطه ابوشاكر كذا عندك ايهون مابظني ولكن فيك لاخاب ظني =ايش باقول غير الصبر لي خيرما يكون

خص بوشاكر الشاعر تحيّات منّي=بالكوادي وما وردي ومخلوط بدخون
سل قلبك ترا الدنيا فنا ماتعنّي=تاليتها جميع الخلق ياخوي يفنون
ياهجوسي على ذا الصوت حني ورنّي=خلّهم يسمعونك من بضه هي ومدهون

[بانصيب]

سن قانون من عندك لشيعي وسني = رغب الناس تتفاهم بمعنى وقانون
لاتفضل على لحجي خليفي وعدني = بعدها حيث ماكنته برغبه يحضرون

[عيبون]

ضاع عرفي وفالمحماس حرّقت بنّي =وانقلب طعم خرفي في قروفه ومشنون
ياسحب في سماها طهّريها وشنّي=خلّي عربان ظميو بالتباكير يسنون

[ناقد]

اقتباس : المشاركة الأصلية كتبت بواسطة بانصيب [ مشاهدة المشاركة ]

سن قانون من عندك لشيعي وسني = رغب الناس تتفاهم بمعنى وقانون لاتفضل على لحجي خليفي وعدني = بعدها حيث ماكنته برغبه يحضرون

انست وارحبت يابوعمرالمجلس يرحب بك

[أحمد العمودي أبوفيصل]

قال بوفيصل من افعال الهواء ركة عظامي = الهوى والعشق بلوى من دخل بحره يهيم
مامعي راحه ولا في ليل يهنالي منامي = لاتذكرت المحب بيت كمى الطفل اليتيم
يانسيم الصبح بلغ للمحب مني سلامي = كل ماهبيت قله يذكر الزام القديم
ناشد الشعار نبغى رد شافي عاكلامي = نستمر في العشق ولا توب للرب الرحيم