خواطر

[الواثق بالله]

ابديت بك ياعظيم الشان ترحمنا=ونطلب العفو والرحمه من الرحمن
هو مالك الملك والتصريف يكفلنا=ويصلح الناس هو ذي يعدل الميزان
قد خربوا الساس ياصاحبي والمبنا =نيه قديمه خفوها عننا العيبان
ماشي تقدم وحتى الجهل يجهلنا=ولا خطط مقبله نمشي كما العميان
ماشي برامج لقوها ماسوى المغنى=لاراح فنان جابوا بعده الفنان
ماحدوجدنا بهذا الوضع فهمنا =ولا معلم لنا في ذا الزمن فهمان
كلن قفا القرش ذا جاكم وذا جانا=وخلوا الفقري المسكين فيه اجنان
ولاسمعنا عتب بالامس صفقنا =كل يطبل فقعتوا الاذن والصيوان
انتو الذي قد فرشتوا الورد والحنا =وفي عرسها علم سيري وياحنان
وانك تبى الصدق لاعادوا ولاعدنا=والكسر في العظم مايرجع على العدان
والوقت مقلوب ماشي قول عل المعنى=وقت الجهاله وفوق الجمبيه جعنان
مالي في الدان ذلا اليوم دندنا =وتركت قول القصايد والغنا والدان
هذه السنه بايطيب النوب والمجنى =والخل باسقيه صافي من عسل جردان
والختم صلى على احمد كل من صلى =ماغرد الطير بالبكره على لغصان

[اليم]

	هلا والله هلا بالواثق انشهد انك جد واثق@اليم

[الواثق بالله]

اقتباس : المشاركة الأصلية كتبت بواسطة اليم [ مشاهدة المشاركة ]

هلا والله هلا بالواثق انشهد انك جد واثق@اليم

مشكور اخي اليم على المرور

[علي بن ماضي]

الاخ العزيز الواثق بالله
كلام رايع وقصيده جزله من راس جزل
رايعه من روايعك يالغالي
جميله جدا يعطيك الف عافيه
اسجل اعجابي بكل كتاباتك
اخيك علي بن ماضي