قلت لي انتي بنيه .والبنيه مالها قيمه وتثمين .عندك ربما !

[عيون المكلا]

باترد التحيه ؟ = او تحجر قلبك اللي كان سالي
مابغينا الهديه= ابتساماتك لنا باتـنهي البين
قبل ماتحن المنيه = ليت باتفهم ثوابت في قوالي
وان تأملت القضيه = البراءه واضحه في غمزة العين
ساحره وايضا بريه = اكره التأليب واكظم انفعالي
مانكابر عالخطيه = بالادب والخلق نتعامل مع الزين
من حروفي الابجديه = باتسمع ءني وباتسمع سعالي
والحروف الهامشيه = باتنحنح كذب كما الاجراس رنين
هذه الدنيا غثيه = دار مافيها اقامه انتقالي
من عقل في ذك وذيه = ماتكدر خاطره لحظه ولاحين
كلما جيتك بنيه = صادقه واشكي العواجه في الدقالي
قلت لي انتي بنيه = والبنيه مالها قيمه وتثمين
نا صبحت الضحيه = بين عابث في كلامه مايبالي
زاد تطبيله شويه = آه ياهوين من بعض العمايم آه ياهوين
شنطتي ماهي خليه = مثل عكعوك عده رأسمالي
والفقيره والغنيه = في المقام الآدمي عندي تساويين
من جذوري اليعربيه = بارسم لوحه لبن عمي وخالي
والاصيله الحضرميه = بالكرامه باترد السلف والدين
نوصل القمه سويه = بانوازيهم في الخطوات اصحاب المعالي
من سمع بالقادسيه = دور للخنساء مدوي للين ذلحين

اختكم عيون المكلا

اترك لكم التخميسه اذا سمحتوا

!