مساجلات الزامــــل الشعبي

[ابوحسين69]

لاتحمل برك حمران وجمال يمشن =مابغاء ينقطر شكله بهذه القطيره
مايشلن ثقل ليهن على الجول يرغن =كل واحد يحاسب بالثقل عابعيره
والبعير المخطم مايعض طول لانجن =مايعض لا الذي راحت عليه البصيره
والكلاب العقوره باتن الليل يعون =عاذياب السلف ذي عينهن بالحضيره
والغنم في زرايبهن ومولاهن ارشن =نار باتت تشرر كل ساعه شريره
والمواطن يحب موطنه لاعنده وطن =بيتوطن وبايقبض طرف في المسيره

[أحمد العمودي أبوفيصل]

ذا فصل لابعض الجمال تعقلت = بنصيح في الجزار ويجيب الشفار
قال العمودي بايقع خذها وهت = ومن طعن يطعن بها لمى الحضار
مابلعب الضمنه ولابلعب ثبت = مادام تقفل قل لطالب بالجهار
مالسارحه من حيث ماسرحت ضوت = ولابدا شي ليل جا ء وقت النهار

[أحمد العمودي أبوفيصل]

بنشد من القناص وخبار ه أختفت = لخبار مقطوعه ولاجتني خبار
الناس من طالب حسن ياما اشتكت = وش جاك يا طالب على صاحب وجار

[أحمد العمودي أبوفيصل]

مهما حصون الذيب بنيتأعتلت = على حصون الذيب بانفرض حصار
بيني وبينك حرب شفها أوشكت = ناوي على حصونك ندمرها دمار

[أحمد العمودي أبوفيصل]

يالذيب مالليله جمالك تاخرت = مابا تشل الحمل لي فوقه بهار
اما جمالي ياعمر قد حملت = بتودي الحمله مدينة زنجبار

[جحدر]

ماحسبت الثمن والوزن بالرطل والمن=ماحمل وزن طن بوطاب خربان قيره
يوم كل غصن دن والنوب عالعلب ماحن=عالمغروقفن في النوب باقول خيره

[حمران الشحري]

اقتباس : المشاركة الأصلية كتبت بواسطة جحدر

ماحسبت الثمن والوزن بالرطل والمن=ماحمل وزن طن بوطاب خربان قيره يوم كل غصن دن والنوب عالعلب ماحن=عالمغروقفن في النوب باقول خيره

يالجمال ارتعن مابين شبوه وابين = عود باقي في الخن والمسافه عسيره
من رضي بالوهن بايشرب القار بالدن= صاحبي بات صن ماقال جمله مثيره
بايطول السهن عاللي من البعد يحزن = ماتحمل وزن عااذن شيخ العشيره
كل من جاء رطن بسلوب قاسي وارعن = والكلام اعتجن يامنظمين المسيره

[البكري]

اقتباس : المشاركة الأصلية كتبت بواسطة حمران الشحري

يالجمال ارتعن مابين شبوه وابين = عود باقي في الخن والمسافه عسيره من رضي بالوهن بايشرب القار بالدن= صاحبي بات صن ماقال جمله مثيره بايطول السهن عاللي من البعد يحزن = ماتحمل وزن عااذن شيخ العشيره كل من جاء رطن بسلوب قاسي وارعن = والكلام اعتجن يامنظمين المسيره

ماعرفنا لمن لي في الخفى والعلن = والكل في سهن ميل في غبه غزيره
دهن منه دهن ذي يفكر في الثمن = بغى سلوى ومن ياريت يده قصيره

[طالب النعماني]

وينكم ياشعار
غيروا الفصل

[البكري]

اقتباس : المشاركة الأصلية كتبت بواسطة طالب باتيس النعماني

وينكم ياشعار غيروا الفصل

الزامل الشعبي على قانون = وعلى عوائد اوليه
شي منها مثني وشي مثمون =وان شي غلط ردوا عليه
بادخل في الزامل ونا محنون =على الوعول المربعيه
ذي في الزمل كانوا هنا يأتون =كلن معه عنهم دريه
شعار كل واحد محل مليون =كلامهم مثل البغيه
ياريتهم ياريت بيعودون = باضرب لهم شوني تحيه
ذي ضربهم بالكنش والمرشون = معهم بنادق نموسيه
عالوعل هو والذيب مايخطون =كل من سرح جاب الهديه