مساجلات الزامــــل الشعبي

[جحدر]

غابو علي لي يدحقو عا النوف= ذي تركونوم المخده
ماهي بخيره كنني مكلوف=فوق المغر حطيت سده

[أحمد العمودي أبوفيصل]

بعض العرب ياصاحبي مهتوف = كل مالحق واحد يكده
ماشي معه غير التعب والخوف = مسكين ماطلعت بيده

[جحدر]

مكتوب من ربي على اليعسوف=كل نوب من معلمه رده
ما با تقع صعده مثيل الجوف=مادام مافيها موده

[محمد سعيد بن مخاشن]

اقتباس : المشاركة الأصلية كتبت بواسطة جحدر

غابو علي لي يدحقو عا النوف= ذي تركونوم المخده ماهي بخيره كنني مكلوف=فوق المغر حطيت سده

عاد الألم مكبوت في كل جوف=والضد قد أظهره ضده
راح الذي ما قد حسب للخوف=يعجبك لا لوح بيده
والمال من بعده صبح محسوف=عاده وريثه ما إسترده
كمين من بعده شقي مهتوف=ما منّهم مثله وقده
خبه قفا ذي وجهها معيوف=كشفاء تهد الناس هده
لا حسنها فاتن ولا موصوف=سوداء شميطاء بنت عبده

محمد بن سعيــد بن مخــاشــن

[حمران الشحري]

وين الدرك ويساعدوا المخطوف =كلن بماعنده وجهده
بعض الكلم طلقات من شاخوف= الكعكعي في القوم عده
بميه واكثر منهم بألوف = البحر من يقدر يصده
ياعامد الشاطي معاهم طوف = شفهم كرب والبعض كنده

[محمد سعيد بن مخاشن]

اقتباس : المشاركة الأصلية كتبت بواسطة جحدر

مكتوب من ربي على اليعسوف=كل نوب من معلمه رده ما با تقع صعده مثيل الجوف=مادام مافيها موده

كنده نسبنا والنسب معروف=واليوم ما حِفْلوا بكنده
المشجري في كل بلد إيطوف=مسكين دك عا كل سده
وما بغوا أهل الخليج إضيوف=كل منّهم عافه وصده
يبغوا عماله من جزر ( ملدوف )=بنغال ذي كلن يكده
يرجع بلاده لو وسَط إكهوف=إيعيش وِبْلاها مردّه
ما شي ( تعاون ) يدخله لقذوف=لو با يكنّس سوق بنده
دز الكويتي ولْد با معروف=وضيعوني ( الزي ) وجعده

الــــــزي = قبيلــة من سيبــــان

محمد بن سعيــد بن مخــاشــن

[محمد حامد]

دخلة انا لا عندكم باطوف ومن دخل لاحد يرده قد راح بو مقصين لي معرون يعجبك في نذخه ورده

[باكعيكعوه]

اقتباس : المشاركة الأصلية كتبت بواسطة حمران الشحري

وين الدرك ويساعدوا المخطوف =كلن بماعنده وجهده بعض الكلم طلقات من شاخوف= الكعكعي في القوم عده بميه واكثر منهم بألوف = البحر من يقدر يصده ياعامد الشاطي معاهم طوف = شفهم كرب والبعض كنده

حيا بهل جادب ومولى حوف =من ودني لازم نوده
عادة قبائل سارحه وحلوف =في الأرض من حيقه ونجده
حمران وينك يارجل موصوف =بالصدق والمعروف قده
من زام باكيسر وبن مقطوف =شعرك ابد ماشفت نده
ياشاعر الشعار لك مردوف =سلام من عندي ورده
انته بدورك عا خوه وسعوف =فزعه نبا منك ونجده

كلمة نجده تكررت في القصيده ولكنها تأتي بمعنيين مختلفين
الأولى نجده بكسر حرف النون وتعني النجد وعكسها الحيق
اما الثانيه فتعني المساعد ه او الأنقاذ
وهذا معروف المصطلح في بادية حضرموت للكلمتين

[حد من الوادي]

اقتباس : المشاركة الأصلية كتبت بواسطة الغازي 2007

بعض العرب ياصاحبي مهتوف = كل مالحق واحد يكده ماشي معه غير التعب والخوف = مسكين ماطلعت بيده

------------------------------------------------------------

مرحيب يالغازي بعدةالشوف=كل من تهجس جاب ردة
ياريت شي برعةمع المدروف=والظرب زايدفوق حدة
بنسم وبتنسم ولوني شوف =كل من غبش قدنال قصدة

[بوشايع]

يأهل الشرف والعــــز والمعروف @@@ القـــبر لـــه قامه ومـــــــده

نبغى الهدف ومن ضرب بـايشوف @@@ برصاص له نــــــذخه ورده

هاجس معي في ديـرته موصوف @@@ يبدع على همزه وشــــــده

يطلــــع شعاب (ن) عاليه ونيـــوف@@@ كم (ن) جبل عالخصم هـده