تحت بيرقهم يعدي صاحب الباس الشديد

[بن احمد]

هذه القصيده كتبتها بعجل واهديها للوالد الشيخ المنصب عبدالقادربن صالح بن شيبان بن سحاق
في ابوظبي بمناسبة زواج ابنهم محمد خالد بن سحاق عسى تحوز على اعجابهم والف مبروك

للسحاقي منبع الجودات باجيب الفرايد= ياسعيد ابشر بزين القاف عااللحن الفريد
ف القصيده بانثرها كالجواهر والقلايد=خذ بضاعه فاخره هيا استلمها ايد بيد
ماطلبت الا البسيطه ماطلبتو علم كايد=هاجسي يهوى الصعيبه بايكيد اللي يكيد
بارسلها من عروس البحر لما دار زايد=بعتني من شانكم باخلي الزايد يزيد
ياسلامي قال بن وزران عاحسب العوايد=عاالمناصب كلهم ولعاد باكرر وعيد
خص ابوعبدالسلام اللي لهم منصب وقايد=بانخلي البيت ف الثاني على شانه يقيد
ياعريب الساس والله ماتوفيك القصايد=واسم مولى الحزم هو بيجمل ابيات القصيد
تكسب الجودات ماتحسب مكاسب او فوايد=من قصدكم ماضوى خسران يضوي مستفيد
ذي حقايق ثابته ماهي كما خراط الجرايد=والصليبه تبري العظمان تجردها جريد
والله انك ف السخا هو والكرم رجال رايد=من طلب مابا ترده لويبا دم الوريد
ون بغيت الصدق مولى الحزم في كل الشدايد=تحت بيرقهم يعدي راعي الباس الشديد
قولها من صدق مالي ف الرياء نهج اوعقايد=والحقيقه راسخه عند الملازم والعقيد