03-19-2012, 04:55 AM
|
#121 | |||
|
شخصيات هامه
|
|
|||
|
|
03-20-2012, 07:34 AM
|
#122 |
|
عميد شعراء سقيفة الشبامي
|
( الخليفي الهلالي )
قال العقيلي يامصلي عٍــ النبي = يامكثر الليله جيوش أبني هلال وأبن الصويدر جاب سعد الظالمه= ذي يفتلون الماء ويلقونه حبال ( حسن باقديم )
جيش الزناتي جيش اردم من بطي = يحرق بناره من سعف له للنزال ومن فتل حبله بظهر القالده = يفحق حبوبه بين دحنات الرجال صبت الهدف والقلب والخاطر رضي = او خانني فهمه ولله الكمال ردوا علي قولوا سوى ولا غوى = مابغيت قض سبره ولا نكسر كمال وان قد سمعني خوي ماسمعني بني = والقول تنذاه العلاوي والشمال ( الواقعي )
لازم على الظالم تور الدايره=لي ما عرف معنى المحرم والحلال من حدنا يا نهد ما يرجع بشي=با نقلب اصفاره على الجنب الشمال ( الخليفي الهلالي )
يالوادي توسع ويالحيد اندقع =من ضاق حاله عاد حالي مايضيق اليوم يومش يالوجيه المسفره=باشوف عدواني وباشوف الصديق ( حسن باقديم )
ان راد او ماراد لا زم يتسع = كل منزله ومقام بصحابه يليق
كل من يخاصمكم ضوته الهينه = تاريخ حاضركم وماضيكم عريق تاريخ به داني وقاصي منطلع = شهرته سادة كل ذي فجاً عميق ومن رضاكم ماتصله القاصره = ياتبعت محمد ومولى المنجنيق |
|
|
|
03-20-2012, 07:48 AM
|
#123 |
|
عميد شعراء سقيفة الشبامي
|
( صالح بن هلابي )
فتن شفها كبيره بين مرّه هم ويا تغلب=كما مابين عيني هي ويا نومي سهُم ونبال معارك طاحنه والوضع ماظنيّت يترتّب=وهذه عيشة الغربه تنكّل لادمي نكّال ( حسن باقديم )
وانا مهمور من ذي هو علي نومي كما الحبحب = مقطب كل وصله وحدها وش يلحم الاوصال وفي عصر الصناعه ماشنيت الشول والمقرب = ولا في عالم الديزل شنيت الهجن والخيال ( منيف بن منيف )
لقيتوا بيع غالي ياجماعه في بعير اجرب=وسوقتوا لسلعه نافقه قد قزها الدلال قطب يابو الجويد يوم حد خنجرك يتلهب=ولاحد بايقع مثلك في التلحوم والفصال ( حسن باقديم )
طباع الناس ياالنهدي بشين الفعل تتجلب = طرق ثنتين مرسومات في دين القوي المتعال نجي ونروح عاوحده لخير الزاد نتزهب = وكلن في المشك مطروح قسمه لا نقضت لاجال ( حسن باقديم )
معد شي زين فيها والزيب والريح يتقلب = ومولى الوزن ميزانه هفي والنقص في المكيال ومن خالف من السمحاء وزل الدرب بايتعب = مخابي الغيب للمخلوق ياالنهدي عين واشكال ( حسن باقديم )
سقمت الشرب والماكول لانؤ كل ولا نشرب = ولعبت بي ريوشي والجنح من شغل بت وتعال وظهري محتني فوق الجواني حامل المكتب = الى حصته طرف شعق الطرف لاخر بداء ينهال ( حسن باقديم )
لنا مايثبت النخوه واجدر ياعرب منوب = وفي الشعبات وضريكه لنا وادي مبارك سال
حنقكم والزعل ياالبدوا مابيردع الثعلب = ولا من قربعة بشرون جاني نوم ياالغيال |
|
|
|
03-20-2012, 11:23 AM
|
#124 |
|
عميد شعراء سقيفة الشبامي
|
( هذه الابيات للشاعر مبارك طويحس اهداء للواقعي )
هكذا طبعكم يمعربين المناسب=بالتواضع تحوزون السمو والمعالي مثل مانعرفك ف الوقت ذي هو مناسب=دوب تاتي تخلص ذي من اول وتالي للصغاير ابد ماتلتفت او تحاسب=هذه اخلاق كل قدوه مؤدب مثالي مكسب الخلق ورضاءالناس اكبر مكاسب=في حسابك وخير امن الدرر واللالي هكذا الوقت حد فايز وحد قده راسب=ونت فايز وبقلوب المحبين غالي ( الجواب من حسن باقديم )
المصلي يصلي والمشاغب يشاغب = وان نزف جرح يامبارك سهرت الليالي
وان جهشت البكاء من كل عله وخايب = قلت للثيب والنزغه حميده خصالي حين ماالارض نبغت باالغضب والسحايب = وانقضى الامر من قاهر وقادر ووالي خاطب الله نبيه حين نادى وخاطب = في عمل غير صالح قالها ذو الجلالي |
|
|
|
03-24-2012, 09:11 PM
|
#125 |
|
عميد شعراء سقيفة الشبامي
|
الأخ عميد شعراء الشعر الشعبي الحضرمي وعميد شعراء السقيفة الشباميه الشاعر/حسن محمد سالم باقديم كفيت ياابو الجويد ووفيت يافارس الشعراء لن أطيل عليك وعلى الحلان الكرام فقط هي كلمتين. الأوله.. نعم أنا شاهدت كل المداخلات حول التحدي وكذلك كل مشاركات الأخوان الشعراء في متصفحك . الثانيه.. لن أقول إلا ماقاله واحد من آل خليفه قبل عقود من الزمن في عتق أي قبل أستقلال جنوب اليمن بفتره وهذه القصه سبق وأن سقتها للأستاذ مسرور. الحكاية تقول.. أن واحد خليفي معه بندق عيلمان ماتباء إلا تسمع قروحه وكانت في سوق عتق قبه (لعبد الكبير) وعلى رأس القبه قاروره زجاج خضراء؛وجرى حديث وجدل بين صاحبنا وبعض الحاضرين عن الرماية والبنادق وتحدوه فما كان منه إلا أن قال لهم أنا با أضرب القاروره ذي على القبة وبا صيبها؛وتنصًع الرجال القاروره وخلاها طير وطار نقس من زجاج القاروره ودخل في عين الرامي.وصاح الرامي في القوم ذي حوله وقال والله لا شك في ؛ولا في بندقي ؛ ولا في الشيخ عبدالكبير..  والحليم تكفيه الأشاره؛؛؛؛؛[/QUOTE] حياك الله ياالخليفي الهلالي نتمنى نشوفك يشهد الله اقولها بصدق ربنا يجمعنا بك في خير وعفواً عاالتاخير حيث اني رحت حجر بن دغار وانا عاالخط كان يخاطبني ملك اليمن هاتفياً سلامي لك وله وغداً سااعود ولنا لقاءات كثيره ان شاء الله وادركت لك ذلك قبل قليل لك المزيد هذه القصيده ل حسن محمد باقديم مهداه للخليفي الهلالي ( بعنوان )
طرفي ارتعد من قصة البندق وراميه الجدير = ذي فرر الخضراء طير من قبة العبد الكبير = تاريخ وبطولات تبقى خالده وسط الضمير = والثعل خلف الجدر .. وعدمن السلاسل للحمير = ادنت . دنت . دنت فعال القبح والواقع يشير = نزلت . وزلت . وازلفت شي في مخابيها مثير = يحير الابصار والافكار عن كم من فكير = قبل العرس او بعد ماباكون للباطل ظهير = بس ثق وثق واجزم . واحزم عاسبلها والعطير = نفه من الشيطان وعلامه ونقطه عاالسرير = نزغه على بابه ورحمة خير عاباب الفقير = عهداً علي في منتدى الصفراء وللجمع الغفير = ياخلي الغده على الغده بحرة باعشير = 
الشمس تخدم والقمر كلين في مجرى يسير = لا ينبغي لليوشعيه تدرك البدر النوير = كلين يخدم في فلك باالمنفعه واشياء كثير = صوره اّلاهيه بديعه صنعة الفرد القدير = ربك عمر كونه بااّياته تمعن يابصير = ومكارم الخلاق في المخلوق والنعمه كوير = وعقود تتوارى صفف واجيال عاكنف الخبير = جزعوا بها كلن قضاء نحبه لمثواه الاخير = عهد التراحم واهله الارباب شامخ في النظير = ذي سطروا فيها ملاحم تجبر القلب الكسير = تاريخهم والمجد من ذهني وذهنك مايطير = راحوا عرب ماخلفوا شفهم عرب في كل دير= وكل ديره من خلوفتها الرديه تستجير = من حيث ماشطيت كل مطرح بحلا نه ضرير = خدموا السفاهه والرداء واللوم والفعل الحقير= مستغشيين اثيابهم من سنة السيد البشير = واصرارهم واكبارهم لا زال عاالامر الخطير = وقلوبهم عميت وبغي العيش والقرص الخمير = افشى عليهم وقح وشعل بينهم شر الشرير = عقت فرايصهم بجود الذبر والمال الزبير = والطيبه والذكر والحسنه يهذروها هذير = هذا وثم قال الفتى ذي عنده المعنى كوير = في الساعه السبعه ونص واربع دقائق عاالاثير= وصلت رساله مع شروق الشمس عاراس الحجير= في يوم جمعه فاضله باالجمع والخير الوفير = طرفي ارتعد من قصة البندق وراميه الجدير = ذي فرر الخضراء طير من قبة العبد الكبير = تاريخ وبطولات تبقى خالده وسط الضمير = ماهي غريبه عاعروق الدار والبيت الشهير = يادار صيتش شاع وجواهر كنوزش تستدير = وتحوم عاالاراض من سيئون لا تهامة عسير = وتبطنت قطر العرب من ليبيا لا حيد صير = اردم عرمرم لا عبر وديان ينجرها نجير = ولا يرده علب في الوادي ولا يرده ضمير = وقت الوغاء تضرب غواربه الشوابي والعذير = لا حت بروقك باالمحاسن في وسط منشي غزير = وتهطلت بمكارم الاخلاق ينظرها الصغير = والشاب والشيبه وكلن صار في حبك اسير = يابو جمال الوقت داهم صاحب الفكر الغزير = يانسل لاجواد الرضاء معدوم من كثر الصفير = وصلول تحت الدقف والضفدع يغني في الغدير = كم من وكم من نافشه تعكر على صفوه عكير = وان جيتهم باالموعظه الحسنه غدوا منك فرير = والثعل خلف الجدر .. وعدمن السلاسل للحمير = ادنت . دنت . دنت فعال القبح والواقع يشير = نزلت . وزلت . وازلفت شي في مخابيها مثير = يحير الابصار والافكار عن كم من فكير = قبل العرس او بعد ماباكون للباطل ظهير = بس ثق وثق واجزم . واحزم عاسبلها والعطير = نفه من الشيطان وعلامه ونقطه عاالسرير = نزغه على بابه ورحمة خير عاباب الفقير = هذا الشوي والجاي واثن به ولك عود الكسير = وانذر وزد في النذر واعلنها جهارا ياالنذير = عهداً علي في منتدى الصفراء وللجمع الغفير = ياخلي الغده على الغده بحرة باعشير = حسب المثل لو نحسب العصفور مازرعت الشعير = هذا الشوي والجاي واثن به ولك عود الكسير = قولوا لهم ماعندنا شي حسف حرمل يابعير = لا ضمات ولا كسرات اعذرنا منها اذا امكن لك في شي اعمله
|
|
|
|
03-26-2012, 06:20 PM
|
#126 |
|
عميد شعراء سقيفة الشبامي
|
هذه القصيده ل حسن محمد باقديم مهداه لكلن من الخليفي الهلالي والواقعي وبن احمد وباشراحيل ولعمدة المنتدى ولملك اليمن وعيبون وسقم حررت بتاريخ 26/3/2012م ( بعنوان )
تحت المجاهر بانت الرؤياء على اهل المزق = ومن السباعه والفهد ياويل دقلات الحبوب ومن الغبي والشاني المخبول رزي مااحترق = لحمتي من بندقي والدهمان تقصرها الضروب
يامدرك المنضاق ذي ناداك من ضيق الحلق = وسع له الطرقات واحسنها وزينات الدروب
درب الذي من قبل ماينعس تحصن باالفلق = والفاتحه وبااّية الكرسي قراء اّلايه غيوب يامعتلم باالغيب وابكيت العوارض باالودق = ذي يضحك الزرعه وزحي المال منه والجروب وازكى الصلاه التامه عاذي له البدر افتلق = مولى الغمامه سيد الوقفه وله حوض الشروب وانتقرت الشجره وحن الجذع والحصمل نطق = وداء الشهاده للنبي قدرات مافيها لغوب ثم قال شاعر يردف الونات في جنح الغسق = عندي الكرى هارب عيوني تشبه الجمر اللهوب لا نوم نهناء به ولا عيشه ولا جاني ملق = لا فكرت في الدنيا ومافيها تكالبن الكروب كثرت مااّسيها وكثر احزانها جاب الحنق = لوني وسيع البال خمجتنا المهازل والعيوب بقره في الدحاح ترغى والثعاله عاالرتق = وسفيه يتزلف ويلعب باالمنازل والرتوب هذا يحرف في الثقافه والادب من غير حق = وذاك يذبح موهبه في مهدها حاقد غضوب ولا حياء فيهم وقار الوجه والعز انزلق = ياحسرت التاريخ والاجيال ياحزن الشعوب ماتشوفهم باالعين سدك كل رمه عاذلق = وكل كلبه عارتد تنبح على الدر الحلوب وكل صبع في عين ماشي زين والراي افترق = واهل الحيل والكذب من قول النبي راحوا هروب والوغد ينعم باالصفاء والنصح والصدق اندحق = والحر يعاني حشوا للبلوه وتخفيف الذنوب وكل خيشه وافقت معلاق ياحزن الرفق = ويصدقون الكذب والصادق يردونه كذوب تحت المجاهر بانت الرؤياء على اهل المزق = ومن السباعه والفهد ياويل دقلات الحبوب تغشى عليهم من عملهم قاتره خلف الط يق = ماهم كفاء للفرز ياحزن المثاوي والغلوب يااهل الثقافه والادب والشعر وارباب الورق = والحبر والفكر الملي بجواهر القول الطروب تلاحقوا ترسانة الاداب من هذا الوهق = والرغي والاسفاف ذيهوا منه الفطر تعوب يادون التاريخ والنذفه على سبر العلق = ضراب عاالكبسون ينقح والمزيد في الحبوب والقدر فوق النار واهل البيت عاجوح المرق = خيفان عاالهداه مايلحق من الشاه العصوب ومن الغبي والشاني المخبول رزي مااحترق = لحمتي من بندقي والدهمان تقصرها الضروب |
|
|
|
03-28-2012, 02:42 PM
|
#127 | ||||
|
عميد شعراء سقيفة الشبامي
|
...... |
||||
|
|
|
03-28-2012, 02:46 PM
|
#128 | |||||
|
عميد شعراء سقيفة الشبامي
|
[QUOTE=حسن محمد سالم باقديم;709600]
هذه القصيده ل حسن محمد باقديم مهداه للكاتب والاديب رياض باشراحيل ولعمدة المنتدى وللمدير العام بن ربيعه وللخليفي الهلالي والشاعر الواقعي حررت بتاريخ 27/3/2012م ( بعنوان )
انا قلت كرمت سيدتنا تفاقس والذبر من جور الحوامل مهددا=واثر الموائن عند باب الخليفه ودروب اهله والطريق معبدا وطير السعد غنى لصرح الشبامي لمنتدى رايد على كل منتدى=وعاشبكة الارسال ذي جمعت اطياف جم حلان من كل فجاً وبلدا وتابوت شنوده ومعبد كربلا للصدر والشيعه يتمي مقصدا=فلسنا بحاجة قوم زلت طريقها ولن نتخذ من مرصعة كلب مرقدا ولو ضاق زنقل عازناقل بربره فكلن يدور له ولياً ومرشدا=عسى الحوش يصفر مانشوف البرابر ويجي لنا لحم البرابر مجمدا ف راح الادب والشعر ياابامحمدا فماذا تخط لا قلام في كل مجلدا= واني اراء خلف الستاره اباعوض يراقب الاحداث وسيفه مجردا
لك الحمد يارب حمداً جزيلاً وافرا ليس يحصيه عددا = حمد العباد المؤمنين الشاكرين الذي ماينقطع ابدا [/COLOR]كما ينبغي لجلال وجهك العظيم يافرد ياصمد ياواحد احدا=القادر المقتدر الجليل سبحان لم يتخذ صاحبتن ولا ولدا وثم صلاة الله وسلم على الحبيب النبي ماطار طير وغردا =واّله وصحبه عدد من فاض عازمزم وطاف حول المسجدا وثم قال من له في الخوافي غوامض وانشودتن حلوه ولحن ترددا=يحمي ضعاينها وينطح فسولها ومنه شقي الانس والجان مبعدا انا قلت كرمت سيدتنا تفاقس والذبر من جور الحوامل مهددا=واثر الموائن عند باب الخليفه ودروب اهله والطريق معبدا ودندن بقول الله وسنة رسوله ولا يروعك فسل للطيب مجحدا= واّهن واّهن والندم في الخواطر واّهن واّهن طلت ياليل سرمدا وبانت بواين رمسهم يامهيمن اجعل لنا من رمس لاوغاد رشدا=وخلفي جبال اوتاد ماباتأثر مادام ظهري عاالجبال مسندا ونهاية الزمور والبوق قاربت من فوق كل مجهر خبير ومرصدا=وكشف الرداء تحت الكواليس جاري من قوم ركع في المساجد وسجدا ف راح الادب والشعر ياابامحمدا فماذا تخط لا قلام في كل مجلدا= واني اراء خلف الستاره اباعوض يراقب الاحداث وسيفه مجردا تواصل على السلك الفضائي محررا والجوا غايم باالغيوم ملبدا=وان هتكت الاداب والشعر ولا استحت فجمرها بطن المواقد موقدا نزع الحياء فيهم بوادره واضحه مافي جهنم كوز بارد مبردا=ومن لا حفظ حرمة مقامه وصيته بين العرب عبر حياته منكدا وتابوت شنوده ومعبد كربلا للصدر والشيعه يتمي مقصدا=فلسنا بحاجة قوم زلت طريقها ولن نتخذ من مرصعة كلب مرقدا ولو ضاق زنقل عازناقل بربره فكلن يدور له ولياً ومرشدا=عسى الحوش يصفر مانشوف البرابر ويجي لنا لحم البرابر مجمدا وطير السعد غنى لصرح الشبامي لمنتدى رايد على كل منتدى=وعاشبكة الارسال ذي جمعت اطياف جم حلان من كل فجاً وبلدا زفوا قوافي الشعر واهدوا ماصدر مني الى رياض الادب ابا محمدا=الى الاديب الرزين الحصين رياض الثقافه والطروب المنشدا ثقافته وادابه وحلمه وعلمه تهطل على صرح الشبامي وعمدا=كما البدر لا عمد بنوره في الغدر عاكل ساري في العتيم الاسودا تحيه واجلال واكرام وسلام الى حضرت جنابه وشكر مزيدا=يبلغ على السلك الفضائي اليكم من عاصمة لا حقاف ذكراً مخلدا
...... |
|||||
|
|
|
03-29-2012, 06:51 PM
|
#129 |
|
عميد شعراء سقيفة الشبامي
|
هذه القصيده ل حسن محمد باقديم حررت بتاريخ 29/3/2012م ( بعنوان صيدلية الرحمه )
مولى الدخون الزين قالوا له تقصف عاالرقاب= وان قد لقاء سعره سوى كثروا المذمه والعتاب= فقر التراحم عاسدد امتك خيم عاالبواب = ( ماداوو ) اصوابي وبرجع ليك ياطب الصواب=
يااهل السقيفه واهل عذب القول ياعز الصحاب = من حبكم بحلف لكم ايمان بااّيات الكتاب لا كبرياء عندي ولا قسوه ولا للحسد باب = في القلب ذيهوا عاد نبضه يستمع وسط الحجاب القلب مثل الشاش والرحمه على شيبه وشاب=مسخاء بكم يشهد علي رب السماء هو والسحاب رفقتي وصحابي وفخري في الوطاء هو والصعاب=والناب لا باالمطحنه والمطحنه لا باالنياب والعاقل الزاكي مثيل الصيدليه في النشاب = ذا يستحق ابره وذا حبه وذا يبغا شراب وذا بغا زجره وذا بسمه وذا يبغا عتاب = عيار ومقاييس يتعامل بها حسب المصاب وذاك يبغى طرد يتلوى كما هام الجراب =وحد بغا كيه ضووبه لا المقد عن بوذياب تم الدواء والصيدليه فاضيه والقصد خاب = فكري تدمر والصراحه منها نلت العقاب والصدق ماله ملتقى والنصح ماله مستجاب=وان شفت حجه خاربه حذرك تصلح عاالخراب ( والصايبه غلطه وهفوه ) والخطاء يرجع صواب=كل شي يجي باالعكس والرحمه يشوفوها عذاب ومن صبر عند البلاء نال الفضيله والثواب = ماتضيع لوهي خردله في وسط سنقوف الغراب كسبان في الدنيا ويوم البعث من وسط التراب=نلت الظفر يوم الميازين الشحيحه والحساب لب الهدف والقصد والمضمون هذا والطلاب = ذينا سعى له عاثراها في مجيي والذهاب والثانيه كثر الثقل والجور بيخون الركاب = والصوم شافي كل داء لا مانفع قرص النواب والثالثه من ضاع له حاشي وضمه في الشعاب = يارجل شلي والمعلي بايحط فوق الشذاب مولى الدخون الزين قالوا له تقصف عاالرقاب=وان قد لقاء سعره سوى كثروا المذمه والعتاب يامالك الملك العظيم يامعتلي سابع حجاب = ياحي ياقيوم ياسامع دعانا والخطاب فقر التراحم عاسدد امتك خيم عاالبواب = ( ماداوو ) اصوابي وبرجع ليك ياطب الصواب هذه اخر قصيده وحيابكم نطلب العفو والسماح من الجميع والعذر من اي تعقيب او اي مداخله
|
|
التعديل الأخير تم بواسطة حسن محمد سالم باقديم ; 03-29-2012 الساعة 07:42 PM |
|
|
|
|
03-30-2012, 07:16 PM
|
#130 |
|
عميد شعراء سقيفة الشبامي
|
هذه القصيده ل حسن محمد باقديم حررت بتاريخ 29/3/2012م ( تم الاضافه والتعديل ) ( بعنوان )
مولى السماء يعلم بقاعه باالخلائق والدواب=وعلى فراق الزين نبكي لا انتقف زاهر وغاب ومعا الطميره والخبل في البدع تحنب والجواب=وعقول خلقه مااستوت حكمته واّياته عجاب مالا استوت مااعتمرت الزرعه ولا شفت الصراب=من قاسم الارزاق والحكمه طردت الاكتئاب وطبيب نفسي من كبدها والمشاغل والتعاب = من جيت له باالنصح من رحمه كما الريح الطياب مني قلب وجهه وعاداني ومن خلفي غتاب= وغلطة المخبول رحمه يامحفين الشناب ولا عليه مواخذه وعتاب لا وداء وجاب = يامرحبا به هو وغلطاته ورمحه والحراب والمشكله الفاشل وحربه والزواخي والمهاب= ذي له مغارض باالفشل ملاك يازين الثياب للردع فيها والحوار الزين ماقام النصاب = وصياح ونزاعات تنقح والتراشق باالقاب فيها عطش مفزع تصلط عاكرفها والنقاب = وبها المحق مظلوم وفهدها ضمانه والذياب حطيتها في خدمة الموروث ( ثوره وانقلاب ) = ( صوت استغاثه ) كل يد عاقرن تنحط عاالزهاب
يااهل السقيفه واهل عذب القول ياعز الصحاب = من حبكم بحلف لكم ايمان بااّيات الكتاب
لا كبرياء عندي ولا قسوه ولا للحسد باب = في القلب ذيهوا عاد نبضه يستمع وسط الحجاب القلب مثل الشاش والرحمه على شيبه وشاب=مسخاء بكم يشهد علي رب السماء هو والسحاب رفقتي وصحابي وفخري في الوطاء هو والصعاب=والناب لا باالمطحنه والمطحنه لا باالنياب والعاقل الزاكي مثيل الصيدليه في النشاب = ذا يستحق ابره وذا حبه وذا يبغا شراب وذا بغا زجره وذا بسمه وذا يبغا عتاب = عيار ومقاييس يتعامل بها حسب المصاب وذاك يبغى طرد يتلوى كما هام الجراب =من الحنش ماشي منافع والذبر هو والذباب تم الدواء والصيدليه فاضيه والظن خاب = فكري تدمر والصراحه منها نلت العقاب والصدق ماله ملتقى والنصح ماله مستجاب=وان شفت حجه خاربه حذرك تصلح عاالخراب ( والصايبه غلطه وهفوه ) والخطاء يرجع صواب=كل شي يجي باالعكس والرحمه يشوفوها عذاب صاح الشبامي والتريمي يجزي الله السباب = وعلى كذا في ذمة الجمال ماصاب الركاب لا لحقت طلياني سويسي اش تبا باالهندراب=عند العرب لا طابت النيه عقيق القار طاب مولى السماء يعلم بقاعه باالخلائق والدواب=وعلى فراق الزين نبكي لا انتقف زاهر وغاب ومعا الطميره والخبل في البدع تحنب والجواب=وعقول خلقه مااستوت حكمته واّياته عجاب مالا استوت مااعتمرت الزرعه ولا شفت الصراب=من قاسم الارزاق والحكمه طردت الاكتئاب وطبيب نفسي من كبدها والمشاغل والتعاب = من جيت له باالنصح من رحمه كما الريح الطياب مني قلب وجهه وعاداني ومن خلفي غتاب= وغلطة المخبول رحمه يامحفين الشناب ولا عليه مواخذه وعتاب لا وداء وجاب = يامرحبا به هو وغلطاته ورمحه والحراب والمشكله الفاشل وحربه والزواخي والمهاب= ذي له مغارض باالفشل ملاك يازين الثياب للردع فيها والحوار الزين ماقام النصاب = وصياح ونزاعات تنقح والتراشق باالقاب فيها عطش مفزع تصلط عاكرفها والنقاب = وبها المحق مظلوم وفهدها ضمانه والذياب حطيتها في خدمة الموروث ( ثوره وانقلاب ) = ( صوت استغاثه ) كل يد عاقرن تنحط عاالزهاب ومن صبر عند البلاء نال الفضيله والثواب = ماتضيع لوهي خردله في وسط سنقوف الغراب كسبان في الدنيا ويوم البعث من وسط التراب=نلت الظفر يوم الميازين الشحيحه والحساب لب الهدف والقصد والمضمون هذا والطلاب = ذينا سعى له عاثراها في مجيي والذهاب ياريت مولى القرن يتقرب لغورب باذياب = والصوم شافي كل داء لا مانفع قرص النواب والثالثه من ضاع له حاشي وضمه في الشعاب = يارجل شلي والمعلي بايحط فوق الشذاب مولى الدخون الزين قالوا له تقصف عاالرقاب=وان قد لقاء سعره سوى كثروا المذمه والعتاب يامالك الملك العظيم يامعتلي سابع حجاب = ياحي ياقيوم ياسامع دعانا والخطاب فقر التراحم عاسدد امتك خيم عاالبواب = ( ماداوو ) اصوابي وبرجع ليك ياطب الصواب |
|
|
 |
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
|
|
العرض العادي
