09-23-2011, 08:09 PM
|
#14 |
|
عميد شعراء سقيفة الشبامي
|
هذه القصيده صدرت زمان في جريده اسمها نداء الجنوب محررها الجابري ولهذه القصيده قصه حيث اتم اعلان على جميع الشعراء من عنده قصيده في خلال عشرين يوم يوفدها الى مكتب وفي المكتب نقاد وتوافد الشعراء حسب الروايه ازيد من 400 شاعر سلموا للجنه ومن ضمنهم الجويد سالم باقديم وبعد انتهاء الفتره تم الفحص من اللجنه وكل ماداروا على القصيد المطروحه لديهم اعادوا واختاروا قصيدة الشاعر الجويد سالم باقديم وكرم باالفائز الاول ونشرت في الجريده وقد تم ردود عليها من شعراء كثر وحسب قول العم الجويد رحمه الله ان مافي جواب هزني الا باجابر ومن هنا تمت المعرفه بين باجابر وباقديم وحصلت بينهم محاورات شعريه كثيره وكان باجابر بااندنوسيا وباقديم بجده سوف نوافيكم باالمتبقي مره اخرى ( قصيدة الشاعر الجويد سالم عمر باقديم رحمه الله )
يــا مرحـبـا عــدّ إبتـسـام الـبـرق فــي قنفـانـهـا = واجب بك الترحيب من خاطري يا أغلى صديـق وعــداد تسبـيـح الـرعـود القـاصـفـة وأمـزانـهـا = لا روّح العشـوى علـى الوديـان وغدقهـا غديـق حـنّـت ركــاب الـبـدو حـيـن تـذكــرت أوطـانـهـا = وحنينهـا فيـه المعانـي تشتـكـي كـربـة وضـيـق تشكي مـن التقصيـر ذي قـد صـار مـن رعيانهـا = ذي حمّلوهـا حمـل جائـر عـا حمولـة مـا تطيـق يالجـابـري تشـكـي محـيـل الـبـدو مــن حلاّنـهـا = والوالـدة تشكـي ولدهـا ذي صبـح فيهـا عقـيـق تـقـول انـــه بـعــد مـــا نـشــف لبـنـهـا خـانـهـا = وسـرح وخلاّهـا بـلا مـأوى علـى خـط الطـريـق وأمـسـى يهـددهـا إذا صـاحــت بـنـقـر لسـانـهـا = أو سحلهـا أو زقلـهـا فــي النّارتحرقـهـا حـريـق صاحـوا عليـه النـاس مـا هـذا جـزاء احسانـهـا = ربتـك فـي الشـدة ومــا هــذا جـزاهـا يــا رفـيـق قــال الـولـد مــا شأنـكـم أمــي وشـأنـي شانـهـا = إن كنت عاصي با تنـال البـر مـن أخـي الشقيـق قــال إنـهـا قـــد أحرمـتـنـي عطـفـهـا وحنـانـهـا = مـا اليـوم فكونـي عليهـا باسحـق بوهـا سحيـق صـاح الشقيـق البارصيحـة وارتمـى باحضانهـا = وقـال أمـي مـن قربهـا بـا زهـق روحــه زهـيـق الله أوصـانـي بـهـا مــا عــاش مــن قــد هانـهـا = لازلـت مؤمـن لـم يـزل قلبـي علـى أمـي رقـيـق أرضـي شجرهـا ظللتنـي تـحـت ظــل أغصانـهـا = ما با نساها والنسم يجري وشي في الحلق ريق أرضـي ثراهـا مسـك طيـب والحصـى مرجانـهـا = حتـى كزيـم الخبـز فيهـا كالعسـل طعمـه ذويــق الـويــل ثـــم الـويــل لـلــذي هــدمــوا بنـيـانـهـا = ولبسوهـا ثــوب عــاري بالحشيـمـة مــا يلـيـق هـذا وثــم قــال الفـتـى الشـاعـر ولــد سيبانـهـا = آنستـنـا أرحـبـت يــا ركــن المـعـزّة يــا وثـيــق ســؤال يــا قــادم مــن الأحـقـاف عــن حـلاّنـهـا = جب في صراحة هت لنا تفصيل في معنى دقيـق جـواب هـل أوصـف لكـم عـن خيرهـا وزمانـهـا = قلنـا نعـم قـال الشجـار المخضبـة قـدهـا سقـيـق سـؤال ايــش أحــوال سلعتـهـا وايــش اثمانـهـا = جواب حـلّ القحـط فيهـا مـا يجـد قـرص الدقيـق سـؤال ايـش الحكـم فـي البـنـدر وفــي وديانـهـا = جــواب شوعـيـة بــلا مـبـدأ وقـطّـاعـة طـريــق شـلّـوا مــوال الـنـاس حـتـى نخـلـهـا وطيـانـهـا = واستعـبـدوا الأحــرار مــرة والسـيـادة للـرقـيـق عصبـة رفـاق إبليـس ذي قـد حالفـوا شيطانـهـا = ولـفّـوا عـيـال الـشــوارع للتـظـاهـر والـزعـيـق أعــوام تسـعـة تشتـكـي مـــن ذلّـهــا وهـوانـهـا = فـي ذلّ غرقـانـه عسـاكـم تنـقـذوا هــذا الغـريـق ان عـاد شـي نقـذة لـهـا بتـكـون مــن جيرانـهـا = وابناءها الأحرارفـي النقـذة لهـم ماضـي عريـق بالأمـس كانـوا يشتكـون الظـلـم مــن قحطانـهـا = واليوم مـن سالـم ربيـع هـو ويـا كـم مـن رفيـق وكــل مــا قــد صـابـها مـــن أهـلـهـا وأخـوانـهـا = وعمامهـا وأخوالهـا غطّـوا فـي الـنـوم العمـيـق نـامــوا ولا واحـــد يـهـمـه أمـرهــا أو شـانـهــا = لـو بـا تقرّحهـا مـدافـع عـنـد راســه مــا يفـيـق القـصـد هــذا كـــل مـــا فـيـهـا وفـــي سكّـانـهـا = يدعي لهم بالنصر كل من طـاف بالبيـت العتيـق وأدعـوا لـهـا بـإزاحـة الكـابـوس عــن حلاّنـهـا = وتعـود إلـى الاسـلام والتوحيـد ويحـق الحقـيـق تمـت وتختـيـم القصـيـدة شـطـر مــن عنوانـهـا = أرضي كزيم الخبـز فيهـا كالعسـل طعمـه ذويـق وهذا نموذج من جواب الشاعر ابوبكر الخيل باجابر
سبحانه الوالي على جمع الولا سلطانها = منجي الافلاك والمكروب من بحر الغرق ومسوس الدنيا وخالق انسها وجانها = سبحانه الخالق وعزة خالقه في ماخلق عسى بعفوه ساعة المحشر وطي اكفانها = يغفر لنا الزلات والسيئات في يوم الفرق والفي صلاة الله على طه النبي عدنانها = تعداد ماضوء القمر نوره على الدنيا شرق ذا فصل والهاجس ضوى علق كفف ميزانها = ساعه ينادينا وساعه تدرج افكاره فرق يفكر في الدنيا ويدرس همها واحزانها =قد تسقي الحالي ولا غلب شربها من قار عق ان صدت في يومك صفاها زام جاء غثرانها = سبعه وستطعشر تجي متقاطره مثل الحلق وبعد بتفقد جريده جات في عنوانها = اقوال من شاعر بني سيبان قوله له ذلق يشكي شجون الوالده تشكي اذا صبيانها = يهنى لها لا منهم المغص كله والحرق لو كانني لاعندهم باحط في صمخانها = والحلق باقبضبه وبادق راسها في الباب دق واسبابها ماعلمتهم من قديم ازمانها = ربيوا كما الاكباش تتناطح على لقط الورق وذكرت لي في الابل ذي تشكي اذا رعيانها = هذا جزاكم يومكم في البطح ملقين الرفق واي غلطه فهي مننا واذا تريد ياباحثنا غلاق قصيدت باجابر سوف نوافيك بها مدونه بدوعن كنت احفظها ولا تستاهل تكون قصيره ولاكن المكره تمسح عندي الله الله الله بلاغه
ذا فصل والهاجس ضوى علق كفف ميزانها = ساعه ينادينا وساعه تدرج افكاره فرق يفكر في الدنيا ويدرس همها واحزانها =قد تسقي الحالي ولا غلب شربها من قار عق ان صدت في يومك صفاها زام جاء غثرانها = سبعه وستطعشر تجي متقاطره مثل الحلق انظر يااستاذنا تجسم المعاني في قول باجابر انت والمشاهدين
|
|
| مواقع النشر (المفضلة) |
|
|
|
|
العرض الشجري