مساجلات الزامــــل الشعبي

[طالب النعماني]

قل لطارق كريم الجود ربي سقاكم=ليلة السبت شف نحنا كماكم سقينا
واحمد الله ياطارق بجوده رضاكم=رب يارب شف نحنا بجودك رضينا

نرحب بعودة شاعر السقيفه الكبير طارق بن حيدره

قال باتيس يالحلان طارق ضواكم=رحبوا به ميه من قال هياء ضوينا
رحبوا به ميه واعطوا نص في عشاكم=ماتقدم تهدم عادنا الا بدينا

[طارق صالح بن حيدره]

مرحبا قال طارق بالزعيم الملااااكم =الف حيا بذي حطوه مشرف علينا
ريت لي قل لطالب نص ذي هو معاكم =كان لفيت به في كل شاطي ومينا
نحمد الله عطانا من مطره وعطاكم =يا عسى رحمته توصل لصحراء سينا
انت واهل السقيفه اسعد الله مساكم =يومكم لا ظهرتو كل قاسي يلينا
با معاكم وبشرب من معايين ماكم =ان سمرتو سمرنا وان سريتو سرينا
لو عبرتو بحور الخوف بعبر قفاكم =قل لمرعي نصون العهد لا ما نسينا

والسلاااااااااااااااام ختاااااااااااااااااااااااااااام

الاخ طارق بن حيدره اشكرك على مشاركاتك الجميله ولكن عندي نقطه مهمه احب ان اقولها لك
عند كتابتك القصيده افصل بين الشطرين بعلامة = حتى يسهل علينا تنسيقها وتقبل تحياتي ياشاعر السقيفه
ابوراضي

[طالب النعماني]

احسنت يابن حيدور

[ناجي بن حسن]

الله الله ايش هذا الفن يارجال السقيفه...
واسمحولي بهذه المشاركه البسيطه...ولها مستعجله

يهل السقيفه جيت بارق في سماكم=والرعد بعدي بايلقي حنينا
مكرمين الضيف ذى هو لفاكم=بالطيب والمعروف واللحم السمينا
والخصم مايقدر يعكر صفاكم=صافيه منكم يشربه كنه عجينا
يابخت ياباتيس منهو في حماكم=انشهد انه عندكم والله زبينا
بن حيدور عنده كرع صافي سقاكم=وبن سميدع هو ربان السفينا

[طالب النعماني]

نرحب بالاخ الشاعر
ناجي بن حسن ونقول له اهلا وسهلا
البيت بيتك وفي انتظار جديدك ومفيدك
واعذرني لعدم الرد بالقصيد لاني دخلت السقيفه وانا مشغول

[طالب النعماني]

بانرحب بناجي الف حياء وسهلاء=عد ماالبرق يلمي في رباع المناشي
قل لناجي تفضل عندنا في المكلاء=بالقدم عشاء لك الف بكره وحاشي

[طالب النعماني]

وينكم ياشباب نرجوا المشاركه

[طارق صالح بن حيدره]

الف حيا بناااجي نجم ساطع تعلااااا =طاب عندي السمر ماهم حاسد وواشي
مانجي في الزلل يابوك حاشا وكلاااا=اعرف الحق والباطل وعالصدق ماشي
كن قلبي مكدر سال دمعي وهلااااا=يوم عبد العزيز اغتاالته يد فااااشي
يوم مولى التواهي ما نشد عالمعلااا=قل لباتيس لي يومين مازل فراااشي

[طالب النعماني]

الله يحفظك يابن حيدرو
هكذا والا بلاش

[طالب النعماني]

ياهل الزوامل منك لبغاء الجديد=لبغاء خبر من وسط ميدان الحروب
قالوا لنا اسرائيل تضرب بالحديد=والشعب لمريكي تغطرس عالشعوب