مساجلات الزامــــل الشعبي

شرهوت · 03-04-2004, 10:48 AM

ماشي برق عل وادي ولاشهبوب = ذلا عكر والغبرة مع هوه الحار
وسموم دايم تشوي كباد وقلوب = ومن حب حد يدحق لهيب النار

**طارق بن حيدره** · 03-04-2004, 11:17 PM

السلام عليكم ورحمة الله وبركاته000
مساكم الله بالخير يا اهل السقيفه
صراااحه ابدعتوا وكفيتوا ووفيتوا
واسمحولي ان اشارككم في السمر والرجا ان تقبلوني حال جديد عندكم وشكرا لكم وتحيه خاصه لبو راضي
يامرحبا بالهرج لي مفحوس000000شل الكدر والقلب سره
من عند بو راضي يجي مدروس00000عادات له في كل مره
ما با على الريس يقع مدعوس00000منظره حط بالقلب حسره
ذلا الزمن ياأهل السمر معكوس00000يعطيك من خيره وشره

**طارق بن حيدره** · 03-04-2004, 11:55 PM

يابن كند بانطلق المعصوب00000في سعف قوم العز والمقدار
ذلا موخر مننا مطلوب00000000ماباندور عذر من لعذار
نحنا حضرنالك على الماجوب00000بانشرب العلقم ولو هوقار
كل شي يفنى والزمن مقلوب00000والجبر باقي لي عليه البار
وتحيه خاصه لحسن بن حيدره وطالب باتيس ولكل حلااان السقيفه
ولكم خالص تحيااااااتي واشوااااقي

**طارق بن حيدره** · 03-05-2004, 12:03 AM

يامرحبا بالهرج لي مفحووس 00000شل الكدر والقلب سره
من عند بوراضي يجي مدروس000عادات له في كل مره
ماباعلى الريس يقع مدعوس0000منظره حط بالقلب حسره
ذلا الزمن يا صاحبي معكوس0000يعطيك من خيره وشره
الرجا ان تقبلوني حاال جديد عندكم من عروس البحر الاحمر والسلاام عليكم ورحمة الله وبركاته000بو سيف

عبدالله شعيب · 03-05-2004, 04:12 AM

و الليل يالشعار اطلقوا المعصوب...... شرهوت ذي تحلى به لسمار
بغينا عسل صافي سمرة و مصبوب..... من قوم العز و اهل الإقتــــدار
و يا بخت من هو للخيــــــــر محبوب ..... بايفوز بالجنة و بايسلم من النار

و مرحبا بالأخ بو سيف طارق بن حيدرة في سقيفة الأدب و الفن ضيفا عزيزا كريما
و يالله لا تحرمنا من إبداعاتك
تحيااااااتي

سالم بن سلم · 03-05-2004, 07:05 AM

[ما ضاع قنديلي ولا الفانوس والشمس ماغابت على الاخيار
مادامهم سدي كبار الروس ماخاف من خـــــــــاين ولا غدار

**طارق بن حيدره** · 03-06-2004, 06:09 AM

السلام عليكم مساااكم الله بالخير يا اهل السقيفه000
واليكم هذه الابيات الخارجه من صميم القلب نرجووو ان تنال استحسانكم وشكرا لكم000
وتحيه خاصه لبو سراااج
قد جيتكم فارس محارب00000000في اليد جنبيه وحربه
قد لي زمن في الراس ضارب000والعظم به كمين ضربه
بقمس بلا لحيه وشارب0000ان ما سقيت الوقت شربه
كيف البصر يااهل التجارب0000لاساب مولى الجرب جربه
ولكم مني جزيل الشكر والاحترام ولكل القائمين على هذا الموقع المتميز نقرتين لعرض الصورة في صفحة مستقلة

**طالب النعماني** · 03-07-2004, 08:54 AM

اهلا وسهلا بكل الاخوه
وخاص الاخ طارق بن حيدره الف مرحيب به وبكل الاخوان
وفي انتظار الجديد والمفيد
واعذروني على التاخير لاني كنت مسافر

**طالب النعماني** · 03-07-2004, 09:38 AM

هذه ترحيب بالاخ الشاعر طارق بن حيدره

حياء بطارق معدن الناموس=يامرحبا به الف مره
بن حيدره ذي عامل المخموس=وقت الطلب عده بعشره
ذي حدهم دايم وهو محروس=من زام جساس ابن مره
الطير لاميح ضوى منكوس=من كنشهم ماله مفره
ذي صيتهم من زام دق يانوس=عالي وصل لما المجره
اهل الشجاعه عاصيين الروس=كل من مسك حبله يزره
في جول شوحط شيبوا بالروس=ليلة وقع كره بكره
دحروا جيوش الكفر والهندوس=سوو لهم زره بزره
الرمح بايشهد لهم والقوس=بن حيدره يفخر بنصره
وسط الملاعب يضفروا بالكؤس=واخبارهم دايم مسره

تحيات ابوراضي

**الشعف** · 03-07-2004, 11:43 AM

بدحق بريلي بالعصب بادوس=حتى ولو هي فوق جمره
في جبركم لا ياصلاب الروس=سمره تقع ياخير سمره
لو كنت عازف بمسك القنبوس=لمّا يبان الليل فجره
يمكن مروري مايقع محسوس=لكن بجيكم بعد مرّه

سلام خاص لبو راضي .. ولجميع الشعراء الافاضل
وماشاء الله عليكم العكر وصل لمان عندي نقرتين لعرض الصورة في صفحة مستقلة

الى اللقاء

مع العجالة معاد فضينا ننسق القصيدة >>>>> عليك الباقي يابو راضي

مساجلات الزامــــل الشعبي

سقيفة عذب القوافي