مساجلات الزامــــل الشعبي

[جحدر]

شفي مثيلك رادف الونات=ضميان ماواحدسقاني
ياماوقع في خاطري حنات=من دي يهدم في المباني

[البكري]

القلب يتحسر على مافات =ياذي تعرفون المعاني
رفعوا بنادقكم من الهفوات =والا رمي كل من رماني
شوني نحب الأنس والقنات =دايم نقنقن في مكاني
والراس لي زاجي من الغيات = ومن الزوامل والمغاني

[المطلع]

وش قرب المهره الى عينات =والى رسب حق بن يماني
سيئونحكموا ال بن عبدات = بالشرف هي والعيلماني

[جحدر]

باقوم بادعي واسع المدات=مادام عادربه هداني
يمحى علي ماجامن السايات=ياهل البصيره والمعاني

[أحمد العمودي أبوفيصل]

كثر الفتن جابت لنا السيات = وبكري ترزح عالمعاني
هل عاد شي وسط الغليله قات = ماحد ولابكري فتاني
جوب علي لتاخر الردات = يارب تبلا من بلاني
الوضع في الدنيا يمر بزمات = البعض عاده مالفاني

[باكعيكعوه]

يأهل الزمل كل عام وانتم في سرور =عيد(ن) مبارك عاده الله عالجميع
العفومنكم ماتمكن لي مرور = ظرف المسافرصعب ماباأستطيع
ادخل وشارك ماهو ذا مني قصور= كل شخص عندي يعتبر شأنه رفيع
وكذلك الصفحات لبشه في العثور =والويب ماتلقاه حاصل عالسريع
والوقت بيداهمك والعالم تدور =والمشتري يدرج ويدرج ذي يبيع
وخطوط صعبه يوم عد ماشي جسور = لازم تلف لفات جم فيها تضيع
واهل المدن يشكون ولذي في البرور =يشكون من كثر الغلا ذاك الشنيع
يارب بنظره منك يالرب الغفور = للكهل والنسوه وللطفل الرضيع

[باكعيكعوه]

كان الاول مني معايده والان نعود للفصل

هذا السنه مانفعت الرايات =رجعت خليات الجواني
والأرض تبغي عادها سنوات=جفت على الناس المساني
وشبابها مايسمعوا في القات =وشيوخها بقعه تعاني
من ذي بهم يشكون بالويلات =ماحد بلا حاسد وشاني

[أحمد العمودي أبوفيصل]

انست يالكعكي الوف اميات = انستنا ياوعل حاني
باحذرك شفني من الزلات = من هرجكم لي ماشفاني
مافات ياصاحبي قلنا مات = صفحه جديده من بياني
وانك بغيت الجرح والاهات = ماباتجي حسب التماني

[محمد سعيد بن مخاشن]

اقتباس : المشاركة الأصلية كتبت بواسطة الغازي 2007

ذا فصل شو ماشي على العادات = كل شي تغير في زماني الاوله راحت ولخرى جات = ماشي يجي حسب التماني

سلام يا الغازي لكم أميات=مسْألت وش ذي هو دهاني
في العرض أنا وألا في الإقلات=مبسوط جم وألا نعاني
منته ولد لخوال والعمات=مهديتني لو ثوب طاني
كان العمودي في الزمن ذي فات=كالغصن بالأثمار داني
واليوم سُمْره تحوي الشوكات=منها يسيل الدم قاني
والعفو ... ذلا هذه المزحات=نقصد بها نغز الكلاني

محمد بن سعيــد بن مخــاشــن

[طالب النعماني]

اهلا وسهلا بك يالمخشني
شرفت ونورت السقيفه