مساجلات الزامــــل الشعبي

[سبع الليل]

يابن مخاشن دحقبها لما حلب=فيها الوناسه والسعاده والبرود
فيها الجلب ياصاحبي ماهن جلب=مثل البرابر لحمهن طب الورود

[الطامع]

والشمس نا باقول عدها بتغرب = والناس باتمسي كما العاده رقود

ونحنا نساهنها جوابات الكتب = يالسبع نا واياك بانصبح كدود

[الطيف المهاجر]

احنا لدور على المعالي والرتب=والغرب تعمل ضدنا يابن عبود
كيرالفتن في الارض يا شباب شب= الطف بنا يالله وبرحمتك جود
طريقنا وعرة حفر والا مطب = واحنا تعبنا جاتنا عقبة سنود
ما نا معي بندق من اطوال القصب= ماهي كما سلبتك دقلات الردود
وايقول شاعر ان راسي قد غلب= ما باخضع لعيال حاشد والزيود
سافرت في مركب وعدييت الغبب= واصبرت على البلواء وحماس الكبود
حد منكم يحسب وحد مبعد حسب = ما بارضا والراس شامخ ما ينود

هذا واعذروني على الاخطااء

[القنّاص]

اقتباس : المشاركة الأصلية كتبت بواسطة سبع الليل [ مشاهدة المشاركة ]

يابن مخاشن دحقبها لما حلب=فيها الوناسه والسعاده والبرود فيها الجلب ياصاحبي ماهن جلب=مثل البرابر لحمهن طب الورود

عالمخشني حسره جزع وقته وهب = ذاك الزمن عدا ليته بايعود
شيبه وفي السبعين عصاته والقتب = للسبع والقناص ردات الفيود

[سبع الليل]

اقتباس : المشاركة الأصلية كتبت بواسطة الطامع [ مشاهدة المشاركة ]

والشمس نا باقول عدها بتغرب = والناس باتمسي كما العاده رقود ونحنا نساهنها جوابات الكتب = يالسبع نا واياك بانصبح كدود

نحن معانا ألا اقاليد القصب=نفرح بزخات القبالي والنجود
تلعب بنحنا من مطب لما مطب=نمسي نمحلق في في رقيقات القدود

[أحمد العمودي أبوفيصل]

مالغيث نا شوفه عالوادي خصب = من بعد ماسمعت الصواعق والرعود
طالب حسن وينك ياعز النسب = خليت بقعا هكذا تمسي ركود
قد حطلك ماليوم في الشارع مطب = وانته مقيد بالسلاسل والقيود
كلن صبح منكم يدور عالرتب = لاقمت يالشعار بعصدها بعود

[القنّاص]

اقتباس : المشاركة الأصلية كتبت بواسطة الطيف المهاجر [ مشاهدة المشاركة ]

احنا لدور على المعالي والرتب=والغرب تعمل ضدنا يابن عبود كيرالفتن في الارض يا شباب شب= الطف بنا يالله وبرحمتك جود طريقنا وعرة حفر والا مطب = واحنا تعبنا جاتنا عقبة سنود ما نا معي بندق من اطوال القصب= ماهي كما سلبتك دقلات الردود وايقول شاعر ان راسي قد غلب= ما باخضع لعيال حاشد والزيود سافرت في مركب وعدييت الغبب= واصبرت على البلواء وحماس الكبود حد منكم يحسب وحد مبعد حسب = ما بارضا والراس شامخ ما ينود هذا واعذروني على الاخطااء

في فصلك التلميذ عمره مارسب = تبدع ولك بصمه في فن الردود
مثل الاسد ماليوم عاصيده وثب = والذيب عاجاله وظرغامه يجود

[سبع الليل]

اقتباس : المشاركة الأصلية كتبت بواسطة القنّاص [ مشاهدة المشاركة ]

عالمخشني حسره جزع وقته وهب = ذاك الزمن عدا ليته بايعود شيبه وفي السبعين عصاته والقتب = للسبع والقناص ردات الفيود

لو هي بخيره كان بوسبعه نطب=ماليوم مابقدرعظامي باتنود
عدا زمان الرقص وانغام الطرب=ولعاد شي قدره لخرات المقود

[أحمد العمودي أبوفيصل]

ماليوم يالقناص ناوي باقرب = لاقربت بازوع شناطيب الحيود
قد جيت نا عاني وزريت الحقب = باخلي الميزان منصوب العمود

[القنّاص]

اقتباس : المشاركة الأصلية كتبت بواسطة أحمد العمودي أبوفيصل [ مشاهدة المشاركة ]

مالغيث نا شوفه عالوادي خصب = من بعد ماسمعت الصواعق والرعود طالب حسن وينك ياعز النسب = خليت بقعا هكذا تمسي ركود قد حطلك ماليوم في الشارع مطب = وانته مقيد بالسلاسل والقيود كلن صبح منكم يدور عالرتب = لاقمت يالشعار بعصدها بعود

في المحنبه باداس هيجه قد نشب = قولوا لبو فيصل ذهن عنه تذود
شمان مع ردفان نبا ناره تشب = لاغيل يطفيها ولافيض السدود