مساجلات الزامــــل الشعبي

[أبوعدنان بن شحبل]

لاهنت يابوراضي الله يعطيك العافيه

عطناء من الجديد يالغالي

تقبل تحياتي

أخيك أبوعدنان

[مرعي بن سميدع **]

بعض العرب عينه على جول الهجر =وهو على كتفه مسوي هاجر
يبغى من الي هم يزرون الغتر =والاصل راجع من جماعة غاتر
حاسبه من ليسر ومن وديان سر =جانا على الرجلين يمشي ساير
والان انا شوفه يزر الحبل زر= يبغا من اهل الدار لي هو زاير

[طالب النعماني]

قد شفت مرعي قال بوراضي عتر=من زعله خلاه يسري عاتر
شفتك على الموضوع يامرعي مصر= هت لي بالله وايش ذي صاير
شف شرحنا الا طاب يالسالي سمر=والشهر في مرساه شفته سامر
كل من وقف ضدك وفي دينه كفر=بالخرجه من بيننا كل كافر

[مرعي بن سميدع **]

في سعف كمن جيد شوف البحر بر= وامشي مع الصادق وسيب الباير
لو قربت الساعه وجر الصوت جر =الحمل بتكلفه لو هو جاير
والفسل خليته يحطمه الكبر =مابي عبر في السيل لي هو كابر
عالبرد مايصبر ولايصبر لحر =فيهم انا لازال عقلي حاير
واليوم يتطاول ولاكن انكسر =ساقه وخوفه المهيب الكاسر

[الوزيري]

جاهل يخاطب شيخ يقراء في السور= ويفسر الختمة وعادة شاعر
واحد من امثالي كما عشرة نفر = والنظرب من بندقي يلقي نافر
اسمي يكفيني ولا دور غتر = مابتزود ماقصر للقاصر
مركبك على وجهتة عادة مابحر= مايعر ف ادروبة وعادة حاير
ملقي وصط دارك مدارة في الوصر= مالك مفر مني وشوف لي صاير
نحنا رجال القنص وارجال الظفر= تشهد خزين الشرف وكمن ظافر
لكن بعض الناس لاصافرصفر= تلحقة واقف مثل نقطة صافر

[أبونمر]

الهرج في وحده من العشر أحتصر =ماهو طلق مرصون شه ومحاصر
محصور عن ذيهم يشمرون العصر = لاحد يبت بالهرج لي في عاصر
هل عين بامعبد ستولوا على حور = ولارضي حد منهم يتحاور
ولاهم جم بيجون ستعشر نفر =كن من فرت بندقه ضربه نافر

[العبيثي]

حياكم حيالكم

[طالب النعماني]

الاخوان الاعزاء مرعي بن سميدع والوزيري
تحيه اخويه ودعوه صادقه من قلب يحبكم ان توقفوا كل المهاترات وتعودوا الى الحوار المفيد
وان تطوا صفحةالماضي
ارجوا ان تقبلوا دعوتي ودعوت اخوكم ابونمر بارك الله فيه
والفضل له هو الذي نبهني الى هذه البادره والمصالحه عبر الخاص

[أبونمر]

احسنت ياأخ طالب ونحن نبي نستفيد ونفيد
ونتعارف في نفس الوقت ولانتنافر ونزعل
اضم صوتي إليك ونرجو من الوزيري اومرعي ان يفصل
بفصل جديد وانا سوف اتوقف حتى نشوف الفصل الجديد

[الوزيري]

فصل&&&

ذا سلامي لكم يعبر على كل وادي=يطلع الجول والسيطان لما الصحاري
من دعاني حظر للسلم شليت رادي=والمسابت مع الميزر لوقت الطواري
قالو انسوة ذاك اليل ليل السوادي=تعبتنا اليالي المضلمة والغداري
شرقت الشمس لاياهل المدن والبوادي=ريت نسمع خبركم يوم هذة خباري