مساجلات الزامــــل الشعبي

**مجمل** · 10-11-2005, 10:46 AM

هذا طازه والا مثلج يابورضي

**طالب النعماني** · 10-11-2005, 12:25 PM

لا قديم موجود في الصفحات الاولى
ذلا من شان يتحركون الشعار ويشوفوا ايام زمان

**مجمل** · 10-11-2005, 01:15 PM

اعطنا طري يابوراضي مالبا المرزوم

**طالب النعماني** · 10-11-2005, 01:17 PM

من عندك يامجمل
ذيب سعد الغلابه والذيب سعد هوووووووووووووووووو

**طالب النعماني** · 10-11-2005, 01:41 PM

ذا فصل والثاني بغينا قول=وابيات محكومه تجمل
لازم نفك الباب ذي مقفول=مادام قد جانا مجمل
بنشدك قلي من هو المسول=ذي كسر الباب المقفل
شف بن حسن قد له زمن مغلول=بشخص ذي ماهو معول

**مجمل** · 10-11-2005, 01:49 PM

حيا بذي جانا صباح اليوم = جانا مشارك فالسقيفه
واجب علينا نردف التقدوم = اسمه برز وسط الصحيفه

**مجمل** · 10-11-2005, 02:17 PM

اللغز في ظني انا محلول = قلوا لطالب لاتكمل
يبغا القبيله في نفق مجهول = لاجات عيفه بايحمل
شل الثريا هي ويا المحمول = قلوا لبو راضي تحمل

حكيم المعاني · 10-11-2005, 10:21 PM

يامرحبا ببيات حاكتها عقول=بو راضي والاخ مجمل
ضنه وفكره بايرعض يثول= والسيل من الوادي تهلهل
يصبر من شل فوق حمله حمول= وغيره بايفهم ويعقل
لاحضر ابليس وطبل بالطبول= مايصفق له مغفل

**طالب النعماني** · 10-12-2005, 02:49 AM

لا يامجمل كل شي معقول=وانته من العربان اعقل
يمكن غبي والا ولد مهبول=لكن بالظهره لهبل

**مجمل** · 10-12-2005, 02:10 PM

والله ياطالب أنا مشغول = بي غل من هذا المغفل
لوم على الحلان ذي فالجول = لازم تجيبونه مكبل

هكوووووو

ذافصل ياطالب يقول الجار = مخلوق لوم عاجويره
انتوا لها ياشاعر الشعار = ذه لوله واخشى كبيره
لازم بغينا تنكشف لسرار = بعدين يتقرر مصيره
ركب قليد العطف والجرار = انشر خباره فالجزيره

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

مساجلات الزامــــل الشعبي

سقيفة عذب القوافي