مساجلات الزامــــل الشعبي

[الواثق بالله]

قامه ومد السيل في مجراه=قدجارت احموله وزاد الميل
ولاظهر شي بر في مسناه=حتى البقر تعمل بلا تعديل

[سبع الليل]

اقتباس : المشاركة الأصلية كتبت بواسطة الواثق بالله [ مشاهدة المشاركة ]

ذي جاه من ربه ومن مولاه=وقت النوازل يكثر التهليل ماحد يعناني مثل ماعاناه=يمسي يهلل لاضواه الليل

خلوه لما يكتمل مجناه=لا تحرمونه من ضياء القنديل
عاد الفرص يالواثقي باداه=ان شي خبر قله رجع لهديل

[الواثق بالله]

من فوق ذا بعض العرب تشناه=بعد الشيانه جابواالتعميل
والهيج يحمل كل ماقد جاه=مابايهمه كثرت التحميل

[سبع الليل]

اقتباس : المشاركة الأصلية كتبت بواسطة الواثق بالله [ مشاهدة المشاركة ]

قامه ومد السيل في مجراه=قدجارت احموله وزاد الميل ولاظهر شي بر في مسناه=حتى البقر تعمل بلا تعديل

كنه دواء الحالي ويامحلاه=لوبالصمل باصمله تصميل
دايم وهو يمشي على مبداه=مايعرف السوقه ولا التمثيل

[الواثق بالله]

لوهودواء ان كان داويناه=باعطيه حبه قل لسبع الليل
لكن تواكل لانبت مرعاه=وقرطوا لاشي ظهر في الخيل

[محمد سعيد بن مخاشن]

اقتباس : المشاركة الأصلية كتبت بواسطة الواثق بالله [ مشاهدة المشاركة ]

ذا فصل بالبداء بمولى ساه=الله يعينه يوم جاه السيل النخل قد شله وراح الجاه =وان شي ذره ضاعت وضاع الكيل

مولى ساه أهبل ولكنه قمر با شاه!!!!!!!!!!!

أهبل ولكنه قمر با شاه=التبل من تحته يسيل (( السيل ))
واليوم أنا با قول يا قهراه=شل المكلا هي وياه الغيل
لكن ما طيقه ولا أهواه=وحبّنا له بُعد نجم إسهيل

محمد بن مخــاشــن

[سبع الليل]

اقتباس : المشاركة الأصلية كتبت بواسطة الواثق بالله [ مشاهدة المشاركة ]

لوهودواء ان كان داويناه=باعطيه حبه قل لسبع الليل لكن تواكل لانبت مرعاه=وقرطوا لاشي ظهر في الخيل

الادمي مايشتهر بكساه = لو بايغسل في الكساء تغسيل
الادمي من هو في الترباه=بتحلله ياصاحبي تحليل

[الواثق بالله]

يوم الهواء ماهو لمن تهواه=يوم الهويه شلها باجيل
وادعي لربك قول يارباه=ماتنفع الهدره وكثر القيل

[ابوصالح النهدي]

حاصرتو الفارس في المثناه=من بعد مانكل بكم تنكيل
لا تسألونه ويش لي دهباه =مابايفيد البحث والتحليل
الله يصبر ذا على بلواه=لي ما عرف دجله و نهر النيل

[محمد سعيد بن مخاشن]

ذي باع ( فـ ) جروبي أبلعن باه=وش حق لُمّه صلّب أم الخيل
بافك مالي ... عادها تبداه=من يقـْـربه يا ويل لهله ويل

محمد بن مخــاشــن