مساجلات الزامــــل الشعبي

حكيم المعاني · 07-29-2005, 11:21 PM

كل من زل حده وجار=با ينقلب ضده خساره
طال السهر والنوم طار=وينها شمس البشاره
النار شبت في الديار=وسبابها جور الحراره
لامتى والجو حار= وين السحب ترش مطاره
بختم ياناس الحوار= وهاجسي صدر قراره
ماللكلب هو والحمار= غير السفر هي والحجاره

**سبع الليل** · 08-01-2005, 05:10 PM

كل من بطا في الانتظار=باتلتهب عنده الحراره
الصقر بعد العول طار=والطير قد اعلن فراره
واللول في قاع البحار=مقسوم في قاعة بحاره
قسمه ولا هي بالخيار=بالغصب ماهو باختياره

حسن النعماني · 08-03-2005, 09:43 AM

شكرا لكم ياشباب

**سبع الليل** · 08-03-2005, 11:10 AM

ياويكم ياهل البطون الواسعه =يالي تنهبون اليتاماء والضعاف
دنيا دنيه ما بظني نافعه=فيها الشياطين الخبيثه والعياف
اما الذي هم بالعقول الضايعه=مافكروا في يوم مشهود الوصاف

العايد1 · 08-13-2005, 01:47 AM

جيت با شارك بحجه نافعه=اهل المعزه والرجاجيل الشراف
دايم يخلوا الخواطر واسعه=كل من دخل معهم يحصل اعتراف
يا اهل المعاني والهروج الرافعه=لاحد حضر منكم بلقيله مضاف

على حسب قافية الشاعر سبع الليل

بوطارق · 08-15-2005, 06:32 PM

يسلمو الشباب

**طالب النعماني** · 08-26-2005, 08:46 PM

شكرا لكم يا شباب على اهتمامكم بالتراث
وان شالله اعود لكم من جديد بعد عودتي من السفر
واوعدكم بالجديد

عبدالله بادعام · 08-28-2005, 02:36 AM

سلامي لكم ياهل العز لكم تحيه ومقدار***تحيه لحلان وادي رخيه ذي هنا سهاره
من الدعامي يقولكم ضيف واقبل عالجار***بانقصد وبالزامل بانبني قصر لكم وعماره

روح الغلابه · 09-04-2005, 07:42 PM

جيتكم بروح الغلابه ذي ماتهاب الخمم
اصيل بن اصيل راسه بالقمم

حطيت بينكم رحالي ذا اخو وذا ابن عم
قبايل صيتهم شاهر بين العمم

بانسلي خواطرنا من الغربة و الغرم
حنت مزامير خواطرنا على ذيك الدقم

روح الغلاّبه

**خالد بن مهنا** · 09-04-2005, 09:58 PM

محتار خالد ياعرب محتار=ماشي اعترف في وقتنا المقلوب
الناس رجعوا كلهم شعار=حد منهم عنتر وحد شيبوب
وحد بغاء منهم كما المحضار=متعوب حالي منهم متعوب
تميت واقف عند باب الدار=يانوب وينك ماتحن يانوب

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

مساجلات الزامــــل الشعبي

سقيفة عذب القوافي