مساجلات الزامــــل الشعبي

[أبونمر]

لانامع سالم ولاسلمان =يابن سميدع ليش تستعنون
يوم الصراحه قلتها بلسان=عربي مفند للذي يقرون
ذي مابغاها داخل الآذان =قطنه صغيره بعضهم يلقون
وعمد صقع من جيزة الصقعان =ومسى بثوب العافيه وسكون

[المنقد باخريبه]

طيب غير الفصل يابونمر

[طالب النعماني]

كرا لك جميعا
على مشاركاتكم الجميله
وياليت يتغير الفصل

[أبونمر]

السبع وينه ذي عليه البار = من صدق يعجبني قصيده
طرحه يبين لي من الشعار = الذي يشدون العضيده
وثيين طالب وينهم لخيار = أهل الطروحات الفريده
ماهي عيافه بيننا وشجار = الأشيات ذه منا بعيده
وحنا خوه والدار جنب الدار = والشر ضيعنا قليده
كله وله مثل الحطب للنار =بعد اللهب تصبح رميده

[سبع الليل]

يابونمر ياشمعت السمار =نورك يضي وسط القعيده
نحن معك بانكمل المشوار=وكل ماضي بانعيده
السبع من اجلك يدق الاوتار=يعزف على اللحان القصيده
والباقي الأ حكم الاقدار=تفرق وتجمع من تريده
وانت سمع مني وخذ مادار=بين القبايل في عبيده
لابد قالوا نوخذ الثار=من سيد بايظلم عبيده
مااليوم قدنحن فري واحرار=خل بن فريد يوخذ فريده

[مرعي بن سميدع **]

مازال عاد الدم في الشريان =باجيك لو بالجمبيه مطعون
وانته حذر ياذيب ياسرحان=حذرك تقارب مصنعة سلمون
فيها تنذخ بالحمم بركان =خلك معي يابونمر موزون
والعولقي لي قد سكن بيحان =طمعان يبغاء يكسب المليون

مع تقدير ي لكل المشاركين جميعا لو فيه تكرار في اي ربط لان الصحفات متتاليه ولايمكن الاطلاع عليها جميعا
ثانيا نحن لانعتبر شعار بس محاولات نسميها ويرجى من الشعار الكبار مثل ابو نمر ان يكون استاذ لنا ويشد على ايدي المبتدئين
وحين الوصول الى مستوى الشعار الكبار لكل حادث حديث

[مرعي بن سميدع **]

اسف على المتابعه لربط السابق واترك المجال للاخرين للمشاركه على الفصل الجديد

[أبونمر]

هذا تواضع منك يابن سميدع بل أنت بشعرك هذا أستاذ والسقيفه تثبت ذلك علما أنك غني عن التعريف فلا داعي للتواضع يأخ مرعي وأنت نجم لامع في هذه السقيفه ونحن نبارك لك ونستفبد منك تقبل تحياتي

[أبونمر]

الد م با رد والجسد بردان = من كثرة الترويش بالصابون
أما الشجاعه لأهل باقروان =ماغيرهم لابالقوي يقوون
ذي قع لهم ماقع في الألمان =مثل الحطب في النار يحترقون
والناس تتفرج وفي أذعان =حتى بكلمه عجزوا إينطقون
عد شي خبر من مصنع البيطار = يالسبع قالوا لي حديده
صدأ في الميناء من الأمطار=وعادها قصه جديده
جمركه قالوا زاد عالمليار=ولعاد بايقدر يعيده
مولاه للمصدر بغاء إيجار =والبنك كاشف له رصيده
ذا ذي سمعنا به من الأخبار =ولادري صح أو مكيده
حدله مدبرها من الأشرار =مالعبد ما يقدر لسيده

[طالب النعماني]

الشكر في حقك قليل اخي الغالي بونمر
والله انت مبدع وشاعر كبير تستحق الشكر والاهتمام من اهل السقيفه
واعذرني لعدم الرد شعرا بسبب عدم وجود الوقت لدي