مساجلات الزامــــل الشعبي

[جمال العطاس]

أفا يابن مخاشن !! كيه هر .. قد نحن في ميااااااو بغيت أهل حريضة وشبام يحمسون منك .. رفع الضرب والا شفنا با بوّح . :el: :el: :el:

إذا هو يحب خنّاقه فكلنا والله العظيم نحبّه . والله المطلع على خائنة الأعين وماتخفي الصدور . ولكن المسألة ليست من أجل الحلان فقط بل مسألة تمس سمعة السقيفة ومن أجل الزوّار الكرام فلانريد أعينهم تقع على شئ لايليق . وعموما ولايهمك أخي الفاضل سأحاول أن أنتقي في تحريراتي . وهو يمكنه أن يجد أسلوب فيه مايستفزك بالتلميح !!

[أحمد العمودي أبوفيصل]

ماليوم يالهاجس عصابي قافره = قبل الخريبه عادها ادقام صيف
شوني مع طالب انا باناصره = بوقف في وجهه كل خاين وعيف

[جمال العطاس]

شف بعضهم شُربه كرع من ماطره = وآخر خمج مشربه من قاع الكريف
للشعر ياصاحِبِي أبحر زاخره = أغوص فيها ما نقف ع كل سيف
جيب الدرر هي والجمان الباهره = وسط الغبب نغطس وأنا مانا كليف

[علي بن طالب الحامد]

اقتباس : المشاركة الأصلية كتبت بواسطة جمال العطاس

عاد الحكم مبعد زقل بالصافره = بايطرد اللي هو يخالف في الهذيف خلّك على سكّه دبوب وسابره = وفقه يحدّونك وتطلع ع الرصيف الجنب قسمي والشخوص الجابره = والديم والكرعان حصّة باصنيف

شفت الدواء يبري الجروح النافره=والعدل يمنها ولا تلقي مخيف
كل من قبض عالدرب نا باسايره=ومن خرج عالخط بايكلف كليف
اخوك خل قسمه اذا با تا حاذره=وان غلق المحذور شف ربي لطيف

[أحمد العمودي أبوفيصل]

الضرب لي نبغاه فوق الخاصره = باحكم المشواف شوني عالوصيف
مابحتجي منك ولاجي قاصره = أغرف انا من بحر مانا من كريف

[علي بن طالب الحامد]

اقتباس : المشاركة الأصلية كتبت بواسطة جمال العطاس

شف بعضهم شُربه كرع من ماطره = وآخر خمج مشربه من قاع الكريف للشعر ياصاحِبِي أبحر زاخره = أغوص فيها ما نقف ع كل سيف جيب الدرر هي والجمان الباهره = وسط الغبب نغطس وأنا مانا كليف

حقك وحق اهلك جواهر نادره=والدر والياقوت في القصر المنيف
قل للصوغ سبكو مشاخص ساحره=من سحرها بيشوف كل اعمي كفيف
غوصوا مع الغواص دون مطامره=ومن طمر خلوه ع الفرضه يعيف

[جمال العطاس]

السحر لاشك ينقلب ع الساحره= وسحرها بكشفه كلّه والنديف
وزوجها لاجاء لنا باناظره = بالعِلم والحُجة وبغدفهم غديف
ماحد يساوي تلامذه بدكاتره = درسوا في السربون وإلا كارديف

السوربون : جامعة فرنسية عريقة
كارديف : مدينة بريطانية بها جامعة شهيرة

[علي بن طالب الحامد]

الهاشمي لأجل الجموع الحاضره=بايعتذر منكم ع القول السخيف
واحنا خوة لا ما تفيد امناحره=نبغا سفينتا تصل لا جنب سِيف
وعاد بعد اليوم شوها آخره=عاد القلم يسدف في الصفحة سديف
يالله جنبني معاصي جايره=واللطف بنا في الآخره ربي لطيف
والعفوا منكم يالوجيه الزاهره=شوني تحسف ع الزلل هذا حسيف
ولعاد بدخل في سبب ومشاجره=باجنب الصفرى وبا بيت بصيف
الحامدي معبور عينه ماطره=ولعاد شي للشعر يالاخوان كيف

[أحمد العمودي أبوفيصل]

سلام لاصحاب الشروع الوافره = من عند بو فيصل يوصل للخليف
باخلي اعيونك تصبح قاتره = ابغاك تذكرني في شتوي وصيف
دايم انا شوها حياتي مثابره = السيف بوحدين ذا ياخير سيف
منهو تحداني انا لي قاهره = ماهمني من كان والطف يالطيف

[جمال العطاس]

ذلاّ سمر صاحبي نا باسامره= بشعر راقي مانجي فيما يعيف
مابا تجي منّا شتيمه سافره = في حق صاحب لي وإلاّ في سعيف
ياصاحبي زوّار وأدباء حاضره=وعقيد فيهم أو مقدّم أو عريف
هذه سقيفة يارفيقي عامره= كلما يجيها شهم شفها تستضيف
واللي يُسب أوجاب كلمه نافره= لاهو يحالفني ولانا له حليف
ما حالف الا من لسانه طاهره= موزون شعره كل ما قاله نظيف
والناس تعرف من علومه ظاهره = وتعرف اللي شعرهم ناقص خفيف
الكاس بيدي والدروع الفاخره = كل من لسانه عف بقبل به رديف