مساجلات الزامــــل الشعبي

[طالب النعماني]

ياسلااااااااااااااااااااااااااااام عليكم
بدع وجواب قمة في الابداع

[علي سالم البيض]

هههههههههههههههههه

لا تقول انفدم . لاتحسب إنه مفندم=وسط صوط الحمم . يهدر مع الدوسريه
وانتْ تتبع بكم . مايسمع النطق لبكم=كيف تدعيه عم . وانته شروعك وفيه
تحت ظل العلم . خلاّك حارس ملثم=ياصليب الهمم . غرّتك دنيا دنيه

...

[علي سالم البيض]

لاتساير دهم . ذي حلّو الحيد لدهم = بايجيك السقم . من سعفت الروفليه
سر معي وانتعم . من خيرنا باتنعم = عندي الخير جم . مبذوذ فالخاسكيه

[جحدر]

بادعي بالكرم من فوق يغفر ويرحم=في بلاط الحرم كل فرض وده بنيه
لي ركع للصنم باقول قسمه جهنم=ليه ماهوسلم بالله رب البريه

[ابوحسين69]

ربنا بيرحم =خلقه وبالخلق ارحم
فوقهم بايعم =بالخير يده مليه
بينهم قد قسم = محد سوى الله قسم
من شويه وجم=محد يداته خليه
من عدن والعلم =الخط كله معلم
والأراضي بكم=والبيع بالهوشليه
تاليتها الغنم =من باع يربح ويغنم
غاليات القيم =مالحقن حد مشتريه ]

[مرعي بن صالح بن سميدع]

نسموني نسم مهموم وابغاء تنسم =وين نلقاء نسم يهل الشروع الوفيه
ذا جمل منخطم ماظن هو بيتخطم =بات روس الخطم واشعاب وربه اذيه
مافزع منهم لعمى ولصور ولبكم =ليش ذولاء البكم ملقينها عولقيه
قل لطالب نهم بالصوت سدي وبنهم =كل من لانهم بتجيه ظربه قويه

[جحدر]

مرحبا بالحكم ليهوبصوته تحكم=جات منه كلم عا السالفه لوليه
حل عا حيد صم له حصن باقي مصمم=للكريف علم مي هاب عليا قويه

[طالب النعماني]

غيروا الفصل

[أحمد العمودي أبوفيصل]

قد جيتكم مخصوص عاني معنتي = باخلي الحلقه تخر بين الذبال
الحيد بنوطيه ليهو معتلي = مهما ارتفعتي ياشناطيب الجبال

[بوشايع]

	بانشد الحزم يا هــــاجسي باتحـــــــزم ذي كتب بالقلم جاب القوافي عجيـــــه واقسمو بالنسم مابين سـالم ويسلـــــــم وين صوط القثم من مصر واســــكنـدريه شفت فارس نهم راكب بسيفه تهجــــم حل وادي عدم و زوجــــته حميريـــــــه بخت صهره وعم ذى رجل قايد معـــلم قوتهم عالكدم من قبل عرس البنيـــــه لغز عندي مهم فرجل اخرس واعجــم ذي يـــعد الكلم يدعي لــربه بنيـــــــه مية عـــذره و أم ذولا عيــال المقـــدم يدخلون الحـــرم بأدات بيضه نقيـــــه