مساجلات الزامــــل الشعبي

[أحمد العمودي أبوفيصل]

اقتباس : المشاركة الأصلية كتبت بواسطة الناغوص

ياصاحبي خفف من الجعار=لتكون يالغازي هديله ماباك ترجعلي كما باثار= والباخرش والبانبيله لابد يالغازي تديرالشار=اعقاب قدامك طويله شليت في ضهرك بلامقدار=حملين ياصاحب ثقيله وانته تبا تطلع جبال الكار=بجمال متعوبه هزيله ماباتصل بالحمل يالبيطار=من بايشل حمله يكيله

نغصتني ونوم عيني طار = بكلف على شل الثقيله
ماباجلس مابينكم محتار = ولاطلب منكم فضيله
ناغوص مابغيتك تشب النار = شف من سعف لي باكويله
من كثر هرجك قد فقعت الطار = وابحثت عااشياء دويله
افرش على قدك وبالمقتار = قصر من اثيابك طويله
خايف تنعكر لك في المشوار = وتعود بالثيابك رذيله

[أحمد العمودي أبوفيصل]

فصل يالناغوص او اي واحد يفصل القوافي مكرره

[الناغوص]

قل للنمر خلك مع لنمار=وان حد يبا عنده يجيله
واهل الوفا والعز والمقدار=واهل الفعول النبيله
ماحد يشاورهم وهم فالدار=ذا وقت واسنينه رذيله
والصدق في هذا الزمن قدبار=مثل الدنانير الدويله
هذا الخبر لنته تبا لخبار=موجز وله نشره طويله

[بوزيد الهلالي]

اقتباس : المشاركة الأصلية كتبت بواسطة الغازي 2007

نغصتني ونوم عيني طار = بكلف على شل الثقيله ماباجلس مابينكم محتار = ولاطلب منكم فضيله من كثر هرجك قد فقعت الطار = وابحثت عااشياء دويله افرش على قدك وبالمقتار = قصر من اثيابك طويله

بكل افخر واعتزاز اقتبس من اجمل ابيات ماطرح في السقيفة الشبامي ,تردك التحايا من اخيك وهكذا الشعر ياغازي ,اقسم لك بأني اذهلت من هذه الاربعة الابيات ,الى الامام وبتركيز وتمعن فلك شان كبير في الشعر وستذكرني مستقبلا لامحالة .

[طالب النعماني]

اقتباس : المشاركة الأصلية كتبت بواسطة النمر بن عدوان

ال ين سعره قارب الدولار =يوم العمى ضيع صميله والوقت عاروس العرب دوار =والمقبله سوداء ونيله زرزر عليهم كلهم زرزار= ولعد لقو ا مجلس وقيله كلين له قدره ولي مقدار =والصدق ماضن شي مثيله يهل الحراثه نجحوا لثمار =لتجون في قصيره وميله

كلاااااااااااااااااااااااااااااام يابن عداون كلااام

[الناغوص]

	الاخ بو راضي وجميع حلان السقيفه سلام عليكم واصحابك جميعا ارجو ان تكونوا طيببين وتقبلوا تحياتي"" اخيكم الناغوص ؛ البحرين

[الناغوص]

ماخفت من مسلم ولاكفار=بارد لك كيله بكيله
عندي بنادق ذي تسوق النار= وارصاص حامي عالمسيله
بسقيك من كاسي صبر صبار=وانته سلاحك بافتيله
باحذرالغازي بلا تكرار=يومه جوير الباشديله

[الناغوص]

	ياطــــــــــــــــــــــالب

[طالب النعماني]

اقتباس : المشاركة الأصلية كتبت بواسطة الناغوص

ياطــــــــــــــــــــــالب

ياهاجسي جوّب على الشعار =واندر بستعشر حليله
ناغوص طالبني يريد الثار=وادعيت شبان القبيله
وقلت لابد شاركم يندار=قالوا معك في كل ليله
جابو المشوق والرصاص الحار=قوت البلاجيك الطويله
مادام خصمي عند باب الدار=بكلف على شل الثقيله

[طالب النعماني]

اقتباس : المشاركة الأصلية كتبت بواسطة الناغوص

الاخ بو راضي وجميع حلان السقيفه سلام عليكم واصحابك جميعا ارجو ان تكونوا طيببين وتقبلوا تحياتي"" اخيكم الناغوص ؛ البحرين

الحمدلله نحن بخير عساك انته تكون طيب
يامولى البحرين والايبي من خارج البحرين