مساجلات الزامــــل الشعبي

[خالد بن مهنا]

ذا فصل والثاني وراسي معتلي= والقلب قاسي كاالحجر لي مايلين
بحرقك في ناري ولنته لولي=احرقت من قبلك ثلاثه واربعين

[خالد بن مهنا]

وينك يالغازي سراء الليل عد شي في راسك

[أحمد العمودي أبوفيصل]

باقول يالشعار رفيقي مبتلي = وش كلفه قلي على لحم السمين
لاجيت باتنزح مالحقت الدلي = دايم قربكم يارفيقي فاضين
بسألك من الفقوز قلي ياعلي = شي حسب في القطعه وافطن يافطين
خل الميازر لاهلها عادات لي = ماهي لكم يأهل الحراثه والونين

[محمد سعيد بن مخاشن]

وِسْلام لك يا بن مهناء الكاملي=أقوال تنظمها تسر السامعين
والغرب من بيرك دوامًا ممتلي=نَشْلِه نقيه ما بها خُلْبَه وطين
وأما العمودي صاحبي الأولي=عالم ويقرأ في رياض الصالحين
وتزينكم لشعار والقول الجلي=فوق الشهامه يا القروم الفاعلين

محمد بن سعيــد بن مخــاشــن

[خالد بن مهنا]

ياالمخشني ياخوي يالقلب السلي=ماثمنك الا بكل غالي ثمين
اماالغبي لي هو حسب نفسه ولي=ماعذر ماينغق بصوت الغافلين
بذبحه واما انت بذبح لك طلي=لاجيتني بلقيك في الحصن الزبين.......

[أحمد العمودي أبوفيصل]

لاغاب بن كده جانا الباهلي = كلن بغى بقسمه من الكبش السمين
ماشي سوى الباروت توطي المعتلي = لي يخلي القاسي في الشده يلين
مابن مهنا اليوم قد جاب الحلي = للمخشني يبغاه يعمل كل حين
من امس مستنيك كن ماجيتلي = ماوعدك الااليوم بتحس بالونين

[خالد بن مهنا]

بحرث وسط بطنك وبعمل باالحلي=بلقي فعايل بين قلبك والريين
ظالم وانا اظلم عاد راسي ممتلي=باالقبوله ينذخ شرر في كل حين
سرّو ركابك سيب في الخبت الخلي =لي مايخافوا الله رب العالمين
ياجاهل التاريخ لنته جاهلي=اجهل وانحن ناس اجهل جاهلين
لاهو النبي جدك ولاجدك علي=منته عسر بكسرك يافيجان صين

[أحمد العمودي أبوفيصل]

جب جديد من تحت المطرقه

[خالد بن مهنا]

ماتفهم الاقوال لنك باطلي=متشوف كل واحد بقدرك مستهين
المخشني وزنه ذهب سعره غلي=في كل شي قدحازها دنياء ودين

[خالد بن مهنا]

الي لك
رد عليه ولاترده لحد ثاني