مساجلات الزامــــل الشعبي

[أحمد العمودي أبوفيصل]

اقتباس : المشاركة الأصلية كتبت بواسطة خالد سالم بن مهناء المري

ذا فصل والثاني طفينا نارها=والنار شف ماحد يطفيها بنار ارض اليمن منك بغيت اخبارها=من بعدها هت لي علومك والخبار

مبعد ولعت ناركم واشرارها = ماشي معك بارون لي ينذخ شرا ر
لاماحسبت اكبارها واصغارها = العب في الشارع مع ليهم صغار

[ميزان العقول]

انا مازعلت ولكن مافي داعي للمهاترات يجب ان نكون ارفع من ذلك
لإنه يطلع عليه ناس كثير
انته اسمك معروف خالد بن مهناء وانا ميزان العقول بوزن عقلك اسم مستعار
وانما في القول عندي القدرة واقوى منك في القول

الشاعر القوي يرد من نفسه ولا يزعل يوخذ ويعطي

وحسب كلامك الشاعر القوي يرد من نفسه اذا كان الخصم ند


وتقبل تحياتي اخيك ميزان العقول

[أحمد العمودي أبوفيصل]

ان كان ميزت الحلا من قارها = والاسقيتك من صبر قاطع وقار
والنار ماتحرق سوى عبارها = والفرق جم نوياك مانحن عبار
ميزان عارف للكفف واعيارها = هرجه ذهب واحد وعشرين العيار
توكل على عيشه بدون اخصار = يابن مهنا ضعت في سوق الخصار

[خالد بن مهنا]

يعني انا ماانا ند

الله يسامحك

[ميزان العقول]

كلاااااااااااااااااااااام يابوعمود وبن مهناء شكرا للجميع

[أحمد العمودي أبوفيصل]

مثل الغنم محجي وسط أوصارها = هذي نهايه لك وماقد صار صار
لاقالها الغازي ودوري دارها = لمى متى خادع وسط سقفه ودار

[ميزان العقول]

الحال صافي والخواطر صافيه = وان شي غلط العفو منكم والسماح
من شان نتصالح قلبنا القافيه =والعفو كل ماراح يشعار راح
بالبس الشعار كسوه ضافيه =ودي سمركم لويقع لما الصباح
ولعاد لبغاء في الخواطر خافيه =كلمة رضاء تشفيي صوابي والجراح

[أحمد العمودي أبوفيصل]

ضيعت كشافتك هي واحجارها = ترجم على حصن الغويزي بالحجار
عندي رصاص الكنش ياشعارها = لي مادري باقول شو هذا شعار
مبعد عليك اللول وسط بحارها = مابتجيب اللول من عمق البحار
خل الطويله لهلها واقصارها = والعليماني والفلنطات القصار

[ميزان العقول]

تابع الفصل يالغازي

[أحمد العمودي أبوفيصل]

الارمله تشكي وخرب طارها = يومه بطى يفقع على طبله وطار
لاخلص البارد شرب من حارها = ولتسهن مني سوى بسباس حار
وادهن من الرانجيل لي في صمارها = ولالك في البطه ولالك في الصمار
عادشي قضايا بندخل في حوارها = مابينا وياك بيطول الحوار