مساجلات الزامــــل الشعبي

[ابوعامرالنعماني]

فكوا وسع في المعركه باجول=كلن يشل رمحه وسيفه
ياهل المعارك جيتكم منقول=من ارض كالغابه مخيفه

[طالب النعماني]

يامرحبا بك عندنا مدبول=ماالبرق يلمي في قنيفه
مادمت مثل الصقربين العول=بطلعك في قاره منيفه

نرحب بالعضو الجديد ابوعامر
ونفخر بوجوده بيننا

[مبروك بن ماضي]

القلب قد عدى ونجم الشول = والنخل حت منّه خريفه
والخير من عند الولي مأمول=لاهل القلوب اللي نظيفه
لاصار ماحد في العرب مسئول = بنشوف آ ياكم من كسيفه
والدم بايجري (هناك) سيول= مادام همتهم ظعيفه
واللي يخوض الحرب للبترول= باتحرقه كم من قذيفه
لو هو سمع تحذير ( هلمت كول )=مامات له كمين جيفه
واليوم يتنشد يريد حْلول= لكن ما دوله كليفه
ماظنتي ينفعه ( كولن بول)؟=(اللي كذب كذبه سخيفه)

تحياتي واحترامي

[سالم محمد بلفقيه ((الشرقاوي))]

اسجل اعجابي بجميع شعراؤنا الطيبين وحيا الله اخوانا طالب باتيس النعماني ومبروك بن ماضي وسالم عوض باجخيف وبانتظار المزيد منكم ونتمنى عودة البقيه الغائبة من الطيور المهاجره 0

شكرا لكم ولكم ارق التحايا والاحترام والاعاب0

[طالب النعماني]

الله يحيك يااخي الشرقاوي
وفي انتظار مشاركاتك لاتحرمنا من كل جديد
وفي انتظار البقيه

[سالم بادحس]

اهلا وسهلا بكم مليون
سمعونا هوكات الزوامل الذي افتقدناه من زمن طويل

[عاشق الابتسامة]

سلامي مغلف بالمحبة و مشمول ,, لكل مخلص في ذي السقيفة
للي تشوف فعله قبل ما يقول ,, و ماهو من اصحاب العقول السخيفة
عساني فيكم اليوم مقبول ,, ولو كانت الالفاظ مني ضعيفة



وسلامتكم

[بوطارق]

ماباك تدخل مصر واسطنبول =والناس خل كلا بكيفه
وان حد بغا زايد على المعقول =والله لابعطيه كيفه

[ابوعامرالنعماني]

اولا اسجل اعجابي بهذا التراث
وبشعار السقيفه وخاص الاخ ابوراضي وبن ماضي وابو طارق وبن حيدره
وان شالله نسمع كل جديد زمفيد

[ابوعامرالنعماني]

كل ماطرقنا بابكم مقفول=وايش ذي جرا ياهل السقيفه
بن سعد شو عقله بكم مشغول=والناس كل واحد بكفيه