مساجلات الزامــــل الشعبي

[سيح المرار]

جاك الخبر ياللي تقول اش صار=واضح على ماكنت تامل
النار شبت في صميم الدار=فيها احترق عامل وهامل
شعب العراق اصبح لنا تذكار=من بوش واذناب التحامل
واليوم روس القوم للجزار=زادت في عداد الارامل
مافرقوا مابين عيب وعار=حتى النساء تذبح حوامل
وان عادشي رجعه قدا ذي قار=خلو شعارات المجامل

[ابوعامرالنعماني]

تسلم يابو طارق قصيده جميله ورائعه
ونا ماقريتها من اول ولاكن نرجو منك المزيد

[بوطارق]

ماحد يحافظ ع حقوق الجار= والكل في حقه تجاهل
مبغيتكم تتناتعو لشوار = تتفرجو ع خيب جاهل

[مبروك بن ماضي]

بشكي لكم من وقتنا المكار= اللي كثر فيه التساهل
ولاعاد شي حشمه ولامقدار=كلن على التقصير داهل

[الحضرمي 2003]

مرحبا بالجميع

ثعلب بفعله والطبع مكار= يصعب مع مثيله التعامل
الصدق ضايع و معه تحتار= حزاياته مافيها تكامل

[مبروك بن ماضي]

ذا فصل والثاني لنا طاب السمر = لما حضر بديارنا (سيح المرار)
حياه ربي عـد زخّات المطر = وعـد اد كل من طاف بالكعبه وزار

تحياتي،،

[بوطارق]

هت لي خبر ماسار في بندر عمر = لهل الميازر والفلنطات القصار
من ينقذ التعبان ذيهو في خطر = يحسب حسابه عيدها جنه ونار

[بوطارق]

يامرحبابه ذي على الداعي حضر =وسط السقيفه بايشارك فالقرار
وان قد دعيته صوت مابايعتذر = في كل حجه مايقدم لعتذار

[مبروك بن ماضي]

هت لي خبر ماسار في بندر عمر***لهل الميازر والفلنطات القصـار
من ينقذ التعبان ذيهو في خطـر***يحسب حسابه عيدها جنه ونـار

الله يعطي لك يبو طارق عُمْر= ياماوياما باتجيك إمن الخْبار
والبرد ماشي عُذر مايعقبه حرّ=والليل مهما طال واظلم له نهار

[بوطارق]

كل ماجرى لي هو من اصحاب الغتر = ذي خلو الربان يوقع فالقشار
واليوم شفهم بايلفون الثمر = كل من زرع ماعذر يجنا فالثمار