مجلس الدان الحضرمي

[ميراد باسودان]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

محمد باسالك من لي جرى في عين با معبد=دليل امقاومه والا بوادر حل واستسلام من اللي غار عابيروت قال الذيب يامحمد=ومن ليهو سمحله اليوم في قتل الامين العام

ومن خالف لشرع الله ومن أبليس ماتعود=يهب فيته ولحم الفيت جيفه خام
بغيت الهرج خذمني كلام موزون ومسدد=وغارات العورلا ياعمر مرسوم مستر سام

[أحمد العمودي أبوفيصل]

عمر يالذيب مالليله وشف صحابك متنكد = وكل ماهوحصل منه صغير السن عليا لام
نصيحه قال لي خذها وبعد اليوم لاتوعد = وشفلك قال لي غيري نسا ليام والاعوام

[عمر الذيب]

اقتباس : المشاركة الأصلية كتبت بواسطة ميراد باسودان [ مشاهدة المشاركة ]

ومن خالف لشرع الله ومن أبليس ماتعود=يهب فيته ولحم الفيت جيفه خام بغيت الهرج خذمني كلام موزون ومسدد=وغارات العورلا ياعمر مرسوم مستر سام

بغينا الارض يا ميراد والانسان تتوحد=ولكن عا وثيقة عهد يكفينا من الاوهام
ومن خالف شروع الله طبقنا عليه الحد=وحاكمناه عالغلطه كما ما حاكمو صدام

[عمر الذيب]

اقتباس : المشاركة الأصلية كتبت بواسطة أحمد العمودي أبوفيصل [ مشاهدة المشاركة ]

عمر يالذيب مالليله وشف صحابك متنكد = وكل ماهوحصل منه صغير السن عليا لام نصيحه قال لي خذها وبعد اليوم لاتوعد = وشفلك قال لي غيري نسا ليام والاعوام

ستعمل قوة السطوه وحقك حق سرح اليد=وبا تبلغ مرادك والطلب في قادم الايام
ولكنك حذر هجمته عامرماك لا ترتد=وحذرك من بلنتي به يطير الكاس والاحلام

[ابوشحوف]

مشاكل واجده تظهر اذا قد الحكم متفرد =ولحنا عندنا يالذيب قالو كثرو الحكام
قبيله تحكم ابلادي وعلماني ومتشدد = ولاعندي امل فيهم ولاعندي امل قدام

[أحمد العمودي أبوفيصل]

ضنيني قال ابوفيصل وسط قلبي لقا مرقد = وله صوره وسط عيني اشوفه لاقعد اوقام
واسمه ياعمر يالذيب بكل لحظه ويتردد = بكل شريان في جسمي ويعزف كل وريدانغام

[عيون المكلا]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

محمد باسالك من لي جرى في عين با معبد=دليل امقاومه والا بوادر حل واستسلام من اللي غار عابيروت قال الذيب يامحمد=ومن ليهو عطاه الحق في قتل الامين العام

تعود حزبهم عاماجرى والشخص يتعود= على الطبع الذي يلقيه في الواقع وفي الاحلام
تودد حزبنا واليوم ياالشعار يتودد =وآماله يغير نهج وتقاليدهم واوهام

صحح اذا فيه أي خلل.

[أحمد العمودي أبوفيصل]

ونار الشوق في صدري مست يالذيب تتوقد = لهيب الشوق عذبني ونا من سمح لي مقدام

[عيون المكلا]

اقتباس : المشاركة الأصلية كتبت بواسطة أحمد العمودي أبوفيصل [ مشاهدة المشاركة ]

ونار الشوق في صدري مست يالذيب تتوقد = لهيب الشوق عذبني ونا من سمح لي مقدام

أخي العمودي .
سؤال لقد عرفت ان المشاركة في الزامل لابد تكون اكثر من بيت فهل للدان بيت واحد يكفي ؟مجرد سؤال وأنت شاعر كبير ومن المؤكد تعرف الرد وشكرا لك مقدما .

[عمر الذيب]

اقتباس : المشاركة الأصلية كتبت بواسطة ابوشحوف [ مشاهدة المشاركة ]

مشاكل واجده تظهر اذا قد الحكم متفرد =ولحنا عندنا يالذيب قالو كثرو الحكام قبيله تحكم ابلادي وعلماني ومتشدد = ولاعندي امل فيهم ولاعندي امل قدام

هلاء باللي كلامه لادخل في السوق يتبند=ووزنه في ميازين الذهب دائم سوى وتمام
عمال البرمكيه واضحه عالناس تتنمرد=ولكن با يجيها حقها من يد بو عزام