مجلس الدان الحضرمي

[بوشاكر]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

باسم الشعب باتكلم في السمره وباخابر=وباعلنها علن اني مؤيد ساحة التغيير ويوم الزحف الاكبر باتشوفوا من هو الخاسر=علي والا الشباب الحر قادة ثورة التحرير

قناة اسهيل قد سبقتك بالأخبار ياشاطر=وشئ من صدق بثبت به شي به قاصده تشهير
وهي قدها تجي يالذيب فيتلى بعض تتقاطر=شعوب الأرض تتقدم ووانتم دوب في تأخير

[عيبون]

سلام الاف للمجلس وعالحلان والزاير=خلطه العود والكادي يعطّر جوّكم تعطير
وانا شفني معك يالذيب لمّا يغرب الزاهر=وجيتك من فجج عيبون وحافي عالقدم باسير
نبا لحروم مع عندل تقع للشيخ باجابر=وتغلب لاهل تغلب خلّها للجرو هو والزير

[بوشاكر]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

بثورة شعب سلميه عرب تفخر وتتفاخر=ونا شعري وما املك لها باسخره تسخير عراة الصدر رفعوا الروس والكذاب والغادر=معد له شي محل مابينا والغش والتزوير

من الثورات تونس والجزائر حظها العاثر =رماها في تطرف بعد مده بيبدأ التأثير
ولكن اليمن كانت لها احساس ومشاعر = بأحداق الخطر حست من التحليل والتنظير

[عمر الذيب]

اقتباس : المشاركة الأصلية كتبت بواسطة الواقعي [ مشاهدة المشاركة ]

على كل حال ترمح !! عاده المسمار فالحافر=ومن بعد الجراحه باتقع دوخه من التخدير وبعض الناس قاده يارفيقي حظه العاثر=نهار العرس جاله امر من دولته بالتسفير

كلامك صدق كن الشعب دائم روعه البادر=وامام الشعب يتقزم طغاة العصر بالتصغير
لان الشعب هو الباقي وغيره راحل امسافر=والا تحت قاضي عدل حكمه بايقع تعزير
ومن سافر فداء موطنه فقري بي صبح تاجر=لانه في الوطن يقدر يحل الرمز والتشفير

[جمعان بانافع]

اقتباس : المشاركة الأصلية كتبت بواسطة صوت سيبان [ مشاهدة المشاركة ]

أنا عندي مدافع من عدن توصل إلى صافر= وعندي نوع ثاني بايصل لارملت الخرخير هجع خل الشطانه لاتعاند بن علي جابر= لانه شخص ماهر ياعمر ميصورك تصوير

علي عفريت والعفريت له بندق قوي نافر=يطيرها دماته سدناياصاحبي تطيير
ولاضنيت قواته تصل لاعقبه الكادر=رجاله عادهم يالمشجري في ساحه التغيير

[عمر الذيب]

اقتباس : المشاركة الأصلية كتبت بواسطة بوشاكر [ مشاهدة المشاركة ]

قناة اسهيل قد سبقتك بالأخبار ياشاطر=وشئ من صدق بثبت به شي به قاصده تشهير وهي قدها تجي يالذيب فيتلى بعض تتقاطر=شعوب الأرض تتقدم ووانتم دوب في تأخير

مللنا من عوض لعنه وملينا علي ناصر=وضقنا من صحاب المشترك لي قصروا تقصير
ولكن في الشباب الحر لي امال تتكاثر=سوى يدا بيد معهم بدينا حملة التطهير

[الواقعي]

اقتباس : المشاركة الأصلية كتبت بواسطة بوشاكر [ مشاهدة المشاركة ]

قناة اسهيل قد سبقتك بالأخبار ياشاطر=وشئ من صدق بثبت به شي به قاصده تشهير وهي قدها تجي يالذيب في تلا بعض تتقاطر=شعوب الأرض تتقدم ووانتم دوب في تأخير

من السرعه ذهن لا تلقطك سيارة الساهر=وما دامك مخالف ليش تطلب لائحة تحذير

[عيبون]

ثلاث اشهور والزايد وزوج البنت بيكابر=واصحابه على اليمنه وعاليسرى يشبّو الكير
وهي تبكي وتتالّم وقدها صوبها نافر=ودقّو عضمها تدقيق مابيجيبه التجبير
يغطّون القمر ماحد يغطّي الشهر ذي سامر=ويوسف ماكلاه الذيب يوسف وسط عين البير

[عمر الذيب]

اقتباس : المشاركة الأصلية كتبت بواسطة عيبون [ مشاهدة المشاركة ]

سلام الاف للمجلس وعالحلان والزاير=خلطه العود والكادي يعطّر جوّكم تعطير وانا شفني معك يالذيب لمّا يغرب الزاهر=وجيتك من فجج عيبون وحافي عالقدم باسير نبا لحروم مع عندل تقع للشيخ باجابر=وتغلب لاهل تغلب خلّها للجرو هو والزير

وانا بعيبون بارحب من الواحد الى العاشر=ومن جاب الكلام الزين واجب قدره تقدير
وهرجك قال بو طارق عمر جاء يشرح الخاطر=ولاحد بي رخص ماجاب مولا العقل والتفكير

[بوشاكر]

اقتباس : المشاركة الأصلية كتبت بواسطة الواقعي [ مشاهدة المشاركة ]

من السرعه ذهن لا تلقطك سيارة الساهر=وما دامك مخالف ليش تطلب لائحة تحذير

بغينا الوضع يتصلح ويصلح وقتنا الحاضر=لعد نرجع الى الماضي وكلما فيه من تدمير
بغينا حكم مدني والقضاء ينصف من الماكر= وننسى الماضي المرذي يهدم حقنا التعمير