مجلس الدان الحضرمي

[عمر الذيب]

اقتباس : المشاركة الأصلية كتبت بواسطة عيبون [ مشاهدة المشاركة ]

ثلاث اشهور والزايد وزوج البنت بيكابر=واصحابه على اليمنه وعاليسرى يشبّو الكير وهي تبكي وتتالّم وقدها صوبها نافر=ودقّو عضمها تدقيق مابيجيبه التجبير يغطّون القمر ماحد يغطّي الشهر ذي سامر=ويوسف ماكلاه الذيب يوسف وسط عين البير

يقولو السيل مهما كبر ترى مايسبق العاصر=ولكن حل حله في المعاصر بايقع تعصير

[الطامع]

يا ســــــــــــــــــلالالالالالالالالالالالالالالام ,,,,,,,,,,, كلالالالالالالالالالالالالالالالالالالالام يصم الراس صم قواكم الله وابقاكم

[عمر الذيب]

اقتباس : المشاركة الأصلية كتبت بواسطة الواقعي [ مشاهدة المشاركة ]

من السرعه ذهن لا تلقطك سيارة الساهر=وما دامك مخالف ليش تطلب لائحة تحذير

حنا الا نسير في حاره ولا جينا مع الدائر=ونمشي بالمهل لان الحوير امحفره تحفير

[علي بن طالب الحامد]

اقتباس : المشاركة الأصلية كتبت بواسطة صوت سيبان [ مشاهدة المشاركة ]

أنا عندي مدافع من عدن توصل إلى صافر= وعندي نوع ثاني بايصل لارملت الخرخير هجع خل الشطانه لاتعاند بن علي جابر= لانه شخص ماهر ياعمر ميصورك تصوير

طلبت الوجه لكن ما اظن ينفعك يالشاطر=وخايف لايقع لك مثل حسني سئ التقدير
ووعدك لابطى محزور به جهورنا حازر=وجيرانك بشق النقس مدو سلك للتصوير

[عمر الذيب]

فصل جديد ياشباب

[الواقعي]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

حنا الا نسير في حاره ولا جينا مع الدائر=ونمشي بالمهل لان الحوير امحفره تحفير

ولكن بعضهم يمشي وهو نائم كما الحائر=ولي يمشي وهو نائم نخاف انّه يجي في بير
رجع جحدر من ارض الصين مثل المارد الكاسر=ومهما دربوا جحدر ابد ميكون مثل الزير

[بن احمد]

اقتباس : المشاركة الأصلية كتبت بواسطة عيبون [ مشاهدة المشاركة ]

سلام الاف للمجلس وعالحلان والزاير=خلطه العود والكادي يعطّر جوّكم تعطير وانا شفني معك يالذيب لمّا يغرب الزاهر=وجيتك من فجج عيبون وحافي عالقدم باسير نبا لحروم مع عندل تقع للشيخ باجابر=وتغلب لاهل تغلب خلّها للجرو هو والزير

سقى الله شعب عيبون وحي الله ال كشميم كفو ياصالح كفو

[علي بن طالب الحامد]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

كلامك صدق كن الشعب دائم روعه البادر=وامام الشعب يتقزم طغاة العصر بالتصغير لان الشعب هو الباقي وغيره راحل امسافر=والا تحت قاضي عدل حكمه بايقع تعزير ومن سافر فداء موطنه فقري بي صبح تاجر=لانه في الوطن يقدر يحل الرمز والتشفير

تحية صادقه يالذيب لك يالشاعر الثاير=على الطغيان واصل حصة الاعلام والتشهير

[بوشاكر]

انا قنعات بالمقسوم من ربي وذي سابر =لنا من عند رب العرش مابايقطعه خافير
ومابيني وبين الله ماشئ ياعرب ساتر=ولاحد بايغلط من سعى للكسب والتوفير
فهم يالواقعي لا تحسب اني بن علي عامر=ولانا مثل ذي ساب الجمل وركب في القصدير
انا ثوري وبن ثوري مع الثوار نتشابر= لنيل المجد با نسعى وضد السطو والتنفير

[عيبون]

اقتباس : المشاركة الأصلية كتبت بواسطة بن احمد [ مشاهدة المشاركة ]

سقى الله شعب عيبون وحي الله ال كشميم كفو ياصالح كفو

الله يبقيك ياوزران وماعليك زود اخوي