مجلس الدان الحضرمي

[عمر الذيب]

اقتباس : المشاركة الأصلية كتبت بواسطة المطلع [ مشاهدة المشاركة ]

صبر يالذيب وتصبر وقل يالله توديني =ولاقد قلتها من طيب خاطر صلت لامابغيت وناعارفك تبغي باتصل لاريدت الديني=ووادي عمد او وادي عمر لاعادك اتوطيت ونا قلبي يحم يالذيب شفني عامعاييني=وذاك المال ذي منه مواسم باصرب لاذريت

غريب النطق ذا اوحيه بعض احيان يحفيني=ولكنه على معنى وعا ترتوب ما اهتميت
مصيبه لا دخل واحد وحط اصبعه في عيني=كذا ظاهر بظاهر يرتفع ضغطي ولوتعاميت

[عمر الذيب]

اقتباس : المشاركة الأصلية كتبت بواسطة بن احمد [ مشاهدة المشاركة ]

انا يالذيب مبغيتك تسولف لي تحازيني=في اعلوم الهوى ياصاحبي قزيتها مليت من اسباب الذي كنت اذكره كل حين ناسيني=ومعطيني اذن صقعاء ولا يسمع اذا ناديت ياليته مثل معطيته ظنيني ربع يعطيني =ولكن للاسف ياليتني معشقت او حبيت

اخاف انك تجرجرني الى موضوع ياذيني=ونا مبغيت بعض الهرج لي يتعب الى زليت
عيال ابليس تتنصت علي وعليك للصيني=ونا خائف وانته ترتقل قد لك سنه في البيت

[المطلع]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

غريب النطق ذا اوحيه بعض احيان يحفيني=ولكنه على معنى وعا ترتوب ما اهتميت مصيبه لا دخل واحد وحط اصبعه في عيني=كذا ظاهر بظاهر يرتفع ضغطي ولوتعاميت

بغيتك تعترف بالصدق لي ذلحين تعطيني =تفاسيرك لسيره في الهوى منها بطي عانيت
وما يعنيك في الموضوع نفس الوقت يعنيني=لأن سيرتي من سيرتك في نفس المسار مشيت

[عمر الذيب]

اقتباس : المشاركة الأصلية كتبت بواسطة المطلع [ مشاهدة المشاركة ]

بغيتك تعترف بالصدق لي ذلحين تعطيني =تفاسيرك لسيره في الهوى منها بطي عانيت وما يعنيك في الموضوع نفس الوقت يعنيني=لأن سيرتي من سيرتك في نفس المسار مشيت

انا ماحد مشى مشيتي قلدت السلاطيني=وذلا الوقت عاكسني والا هوهنا حليت
شجر خضراء وكم بستان لي كانت بساتيني=ثنعشر او ثلاث تعشر تلا فاء منها مبغيت
وعاد اشياء خطيره لو حكيلك باتعاشيني=وانته لا تقل ملقيت شي ياما زمان القيت

[محمد سعيد بن مخاشن]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

معد لي نفس في شي غير نظره في محبيني=بها يمكن تعود الروح لي من بعد ما اعتليت ولا شفت المحب وسمعة هرجه لي يغذيني=تجي والا تهب دنيا ندم من بعد ما تغذيت

كلام يالمخشني قمه
بس بغينا فصل جديد
(( عمر الذيب ))

ــــــــــــــــــــــــــــــــــــــــــــــــــ ــــــــــــــــــــــــــ

خرجت قبل أن أرى ملحوظتك وعدت الآن وسأرمي ببيتين من باب إثبات المرور وإلاّ فأنا مشغول بالمسابقة


حبيب القلب حطـّـيته وخبّـيته وسَط عيني

ويطرأ دوب عا الخاطر ولو حتى أنا صلـّــيت

***

وقربه بلسم الأرواح من كل هم يشفيني

تقر عيني وتتطمّـن إذا يمّـه أنا شطـّــيت
محمد بن مخــاشــن

[بن احمد]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

اخاف انك تجرجرني الى موضوع ياذيني=ونا مبغيت بعض الهرج لي يتعب الى زليت عيال ابليس تتنصت علي وعليك للصيني=ونا خائف وانته ترتقل قد لك سنه في البيت

ابد ماجرجرك ياصاحبي بس انت وديني=قسم بالله مفرح فيك ياذيبان لستاذيت
ولاحد بيدخل ف الهرج مابينك ومابيني= ولكنك حذر لا لا تجيب النار جنب الزيت

[صالح باعمران ابو زايد]

عشقتك يامحب قلبي ونظره فيك تكفيني=وتلقاني بجنبك في ثواني يالمحب لا دعيت
وطيفك لو يمر في كل ليله بايسلّيني=وبنسى الهم كله من عيونك ذايعات الصيت

[المطلع]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

انا ماحد مشى مشيتي قلدت السلاطيني=وذلا الوقت عاكسني والا هوهنا حليت شجر خضراء وكم بستان لي كانت بساتيني=ثنعشر او ثلاث تعشر تلا فاء منها مبغيت وعاد اشياء خطيره لو حكيلك باتعاشيني=وانته لا تقل ملقيت شي ياما زمان القيت

على طلي الغصيني ياعمر سنيت سكيني =وحطيت الحطب والشاع في المضباه له ولعيت
سمين الطلي لاكلت الربع بالضبط يكفيني= ولك منه ربع باعطيك لاقد عدك ماتعشيت
ونا مابغيت شي منك فقط ودي تخاويني = اذا ولعت في المضباه بس دورك تصب الزيت

[صوت سيبان]

المشاركات تطلع الآسماء فقط
هل هناك عطل أوعندي فقط

[المطلع]

اقتباس : المشاركة الأصلية كتبت بواسطة المخشني [ مشاهدة المشاركة ]

كلام يالمخشني قمه بس بغينا فصل جديد (( عمر الذيب )) ــــــــــــــــــــــــــــــــــــــــــــــــــ ــــــــــــــــــــــــــ خرجت قبل أن أرى ملحوظتك وعدت الآن وسأرمي ببيتين من باب إثبات المرور وإلاّ فأنا مشغول بالمسابقة حبيب القلب حطـّـيته وخبّـيته وسَط عيني ويطرأ دوب عا الخاطر ولو حتى أنا صلـّــيت *** وقربه بلسم الأرواح من كل هم يشفيني تقر عيني وتتطمّـن إذا يمّـه أنا شطـّــيت محمد بن مخــاشــن

كلام العشق هذا لاسمعته بايبكيني =ونا ماطول عمري ذاكر اني عالحبيب ابكيت
ولكن العواطف قتل تقتلني وتحييني =وقبل قليل ميت كنت لكن توني احييت

العفو لا اقصد الموت الأبدي والحياه والممات لايقدر عليها الا الله وامرها عنده سبحانه وتعالى ولكن المقصود والمعنى في بطن الشاعر