مساجلات الزامــــل الشعبي

[بو مجيد]

اقتباس : المشاركة الأصلية كتبت بواسطة عيبون [ مشاهدة المشاركة ]

يابومجيد اليوم والهاجس طرب=وجنود عنده بالعسر مايعوّلون هيج الثقيله مابدا مرّه حنب=عارف طرقها مع عطفها والدجون والنوب باعنّيه يصب القرص صب=والحصن بامكّن بوابه والركون

لا كثرو الخطاب شوني با غلب=لما يجيني كفو من ذي يخطبون
خايف على الزقرة من اعيون الخيب =في عينها تلقاه بعد الدال نون

[الفتى الرحال]

اقتباس : المشاركة الأصلية كتبت بواسطة عيبون [ مشاهدة المشاركة ]

مقلوب في مقلوب ياشاعر ذرب=مادامه البيّاع شغلله عالديون هامور جا جرّد نخيله والكرب=كل من طلع فيها يصبّح في الدفون

الجند لي عندي مفاريت الشنب=الراس فل ميدان له بايرفعون
الصبر عاده زين ليجينا عتب =قدامهم ضنيت هم مايوقفون

[بن بريك]

ماهمنا منهو مع الموجه ركب = هو يحسب ان الموج يرفع من يكون
العز لاهل العز جاهز للطلب = عند الشدايد ما نفكر في السكون

[الفتى الرحال]

اقتباس : المشاركة الأصلية كتبت بواسطة أحمد العمودي أبوفيصل [ مشاهدة المشاركة ]

قد لك ثلاث ايام شليت المسب = حاسب حسابك قبل ماتخيب الضنون ماباك تعبر قال شاعر عالمطلب = ماباك تندم مثل ليهم نادمون

يشهد لي التاريخ لايابو لهب =اني عزيز النفس لاقاصر ودون
جدي بنالي حصن والقالي سهب=والحصن من بعده له نحنا نصون

[عيبون]

اقتباس : المشاركة الأصلية كتبت بواسطة بو مجيد [ مشاهدة المشاركة ]

لا كثرو الخطاب شوني با غلب=لما يجيني كفو من ذي يخطبون خايف على الزقرة من اعيون الخيب =في عينها تلقاه بعد الدال نون

حافظ عليها حطّها بين الهدب=دسمال بوني لاتدوسه (ف)الدفون
ياذي بغيت اللول دوّر (ف)الغبب=والغود مانالوه ذي هم يفزعون

[المستقل]

اقتباس : المشاركة الأصلية كتبت بواسطة مجمل [ مشاهدة المشاركة ]

حيا وسهلا يارفيعين النسب = بالقول ذي جبتوه محكوم الوزون بلغت بيوتك ذي تنذي بالتعب = ياوعل يبن الوعل منصوب القرون

حيا مجمل ذي يفرّج للكرب= ذي في الشديد لاطلبت العون عون
النجم لي ساطع ونوره ما حتجب=النجم لي تميّز عن الانجم بلون

[عيبون]

تصبحون على خير يالربع ورانا دوام الساعه سبعه

تحياتي للجميع

[الفتى الرحال]

من حب صافي حبنا ياخير حب=عمله نعم ف السوق به يداولون
كل عام نازكيه شفني في رجب=تعرف نته والناس بي هم يعرفون

[بن بريك]

حد ياكل المره وحد ياكل عنب = وضعت يالمسكين وسط الجاهلون
ماشي على المسكين لو صيّح عتب = دام الجماعه في الغنيمه يقسمون

[الفتى الرحال]

يا بو شاخ طلبناك قوول تم عليك الفصل الجديد