مجلس الدان الحضرمي

[بن بريك]

عمر ما جاء على بالي اشوف الزين ذا قبالي = ونخل اليوم يالصاحب مصيبه قد اكله السوس
وكل من شافني الا سألني وش على بالي = وضاعت حيلتي واصبح نهاري يا عمر منحوس

[عيبون]

ووعل الحيد يسرح عالوكل بس يحذر الالي=ويحذر من شباك الصيد لايصبح بها محبوس
عسى بس تشرب اشعابه يجيها غيث همّالي=ولاشربت يزين الرعي وباتحيى عروق يبوس

[عيبون]

تصبحون على خير

[المستقل]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

هلا باللي شكى من لولي واشكى من التالي=وخلانه مع الدنيا مشو به لاورى معكوس سمع يالمستقل مني وترك كل بطالي=وخذ صافي مصفى من ذهب لا تقارب المغموس

انا ماسك بنفس الخط في صحراي وجبالي=وفي الطلعات انا هدي ولا الارض استوت نا دوس
ولا انته ريتني قد ملت وقف خوك لامالي= وانت استاذنا الغالي وانت الأب والناموس

[عمر الذيب]

اقتباس : المشاركة الأصلية كتبت بواسطة بن بريك [ مشاهدة المشاركة ]

عمر ما جاء على بالي اشوف الزين ذا قبالي = ونخل اليوم يالصاحب مصيبه قد اكله السوس وكل من شافني الا سألني وش على بالي = وضاعت حيلتي واصبح نهاري يا عمر منحوس

انا من حب وحبيته اشوفه شمس وظلالي=وحبه مثل ما حبة صلاله رمزها قابوس
احبه وافخر ابعشقه في المطلع ومنزالي=لان عشقه من اول في فؤادي من زمن مغروس

[بن بريك]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

انا من حب وحبيته اشوفه شمس وظلالي=وحبه مثل ما حبة صلاله رمزها قابوس احبه وافخر ابعشقه في المطلع ومنزالي=لان عشقه من اول في فؤادي من زمن مغروس

مصيبه لا سقط ذا الوعل من عاليه للوادي = وقد اصبح فريسه بعد ماقد كان له ناموس
وقلبي قد تعب لا ياعمر من حب متعالي = بغيت اهل التواضع يا عمر باحطهم عالروس

[بن بريك]

سمرت اليوم بالوادي وهو مازال عا بالي = وقلت اليوم باشوفه امامي ذلك المحروس
وقاطع مسمري كله وخلاني كما حالي = يعذبني ويتلذذ وراسي قد صبح منكوس

[المستقل]

معي قوة معي قدرة معي ثروة معي رجالي=ولا اخشى قوة امريكا ولا لطليان هم والرووس
وحب السلم وسعى له وانشد خير لعمالي=وذيهم وقدوا الشمعه لهم با وقد الفانوس

[الفتى الرحال]

ورديتو لنا ذيك السنين اللي بها الوالي=ومن هذا الزمن ياصاحبي خذلك عبر ودروس
لاشي خير في مصلح ولاقد جا من الدالي=قم حط الحمول المثقله عل فاطر الدقموس

[محمد سعيد بن مخاشن]

اقتباس : المشاركة الأصلية كتبت بواسطة المستقل [ مشاهدة المشاركة ]

جانا الزير ابو الليل المهلهل شيخنا الغالي=ويوعظ من على المنبر وحط السيف هو والفؤس وهذا حلم ولا علم ولاهو شك وخيالي=ولاهو شات متبادل ودق الطبل والقبوس

هلا مرحيب بالغالي وذي هو منزله عالي
صدَق من قال شاعر ... بالقوافي صدر له مكبوس

بغيت الحق يا صاحب؟ أنا معْرفت مكيالي!
مغنـّـم في الهوى ساعه وساعه في الهوى محيوس