مساجلات الزامــــل الشعبي

[نايف باتيس النعماني]

هوكووووووووووا وازتملوااااااااااااااااااااا
ذيب سعد الغلابه كم من قبيلي كسرنابه والذيب سعد هووووووووووووووووو

[مرعي بن سرور]

علوبنا حفت ولاشي دوم=والذيب قد خلى دوامه
ماليوم لا ياسبور القوم= ماحد بيعدل مقامه

[مبروك بن ماضي]

في الناس كم من آدمي مظلوم = يابن سـرور الوقت ظامه
ماشفت يامـرعي كلاب الروم = طاحوا بصدام ونظامه
حق العرب ياصاحبي مهظوم=كم من ولـد كسروا عظامه

احترامي

[الحضرمي 2003]

السلام عليكم،،
وشهر مبارك على الجميع ، الشعار منهم او رواد كرام.

في شهر الفضيله ما حد يبات مهموم= با نصلي فروضه مع قيامه
وبا نرفع الكفين لله ثلاثين يوم = عسى ترجع لامتنا الكرامه

[بوطارق]

دنيا دنيه فوقهامتدوم =كلا يقايس في كلامه
لاغرغرت روحك في الحلقوم = تندم ولاتفيد الندامه
من واجبي رحب بشهر الصوم = كسبان من قامه وصامه

[ثابت بن ماضي]

يابالكرم ياحي ياقيوم=تغفر لنا يوم القيامه
بجاه النبي الهاشمي المعصوم=ذي هو ظهر حدك وقامه
وجاهد وبسمك ينصر المظلوم=وفي الحق مايخاف الملامه

[مبروك بن ماضي]

الشهر ذا مافيه حد محروم= كل يحصقق به مرامه
ياليته الا للعباد يْدوم= نعـمه وطاعه واستقامه

احترامي

[بن هاشم]

يالله طلبتك في صباح اليوم=تفتح لنا باب السلامة
لا حال يخرب لا يجينا لوم=نكفى العتب هو والملامة

[مرعي بن سرور]

فصل جديد ياشباب................. الليل الليل

سلام من عندي بلاتحديد=ياهل المروه والحميه
من شانكم باردده ترديد=مالاح برقه فالنشيه
فين بوراضي يفك القيد=ماباه يتاخر عليه
لاقد حضر عنتر مع بوزيد=حنوا بها كيه بكيه

[مبروك بن ماضي]

حنوا بها كيه بكيه:

يامرحبا يابن سرور الجيد =بضرب لمقدمكم تحيه
نسعد ونفرح بك بكل تأكيد= مثلك يشرفنا مجيّه
شوفتك يامرعي تراها عيد= عندي كما عيد الضحيه
نطلب حضورك دايماً ونريد= إحيا العـوايـد لوليه