مساجلات الزامــــل الشعبي

[خالد بن مهنا]

يامرحبا والله باالكلام الزين..اللي ترتاح له النفس,,وماشي خلاف بين الاخوان..شكرأ جزيلأ ..واقولها بصراحه معرفة الرجال امثالكم كنز لن يفنأ..
الله يعطيكم العافيه لكم مني خالص التقدير والاحترام..وثقوا كل الثقه ان القلوب صافيه..والله يجملنا معاكم..

[الطامع]

والله ماندري اش الموضوع ولكن على كل حال ما يسعدكم يسدنا وبالعكس

ليلة النور نارت في السقيفه علينا = بانقدم تهانينا لأبنا عمامي

وان بيكيتوا كماكم شوفوا نحنا بكينا = عينت اثنين خلقوا ياصحابي توامي

[أحمد العمودي أبوفيصل]

مرحيب يالطامع

[الطامع]

اسمحوا لي بهذ الفصل كهدية للجميع

المخشني والسبع هو والذيب = وطالب معا خالد سعيفه

والشيخ لي هو يحكم الترتيب = يسقيك من صافي كريفه

والجيد بو زايد نعده نسيب = مثل المقدم با كتيفه

وقناصنا هو للهدف بيصيب = لو كان عاروس المنيفه

والطيف نا باقوله مرحيب = يكفيك يالطامع بطيفه

عاده مجمل لي ملانا طيب = بلغيه عنوان الصحيفه

وعلي ولد حامد دعه بحبيب = لنه من الأسره الشريفه

قولوا لبو شاكر ظهر لتغيب = ياصاحب النفس اللطيفه

وعيون هي عن اختها بتنيب = لا غابت الماسه النظيفه

وان حد نسيت اسمه خره بنجيب = ابيات فيها بانضيفه

وشبابكم والله هم والشيب = ما مثلكم وسط السقيفه

[سبع الليل]

يالف ياحيا باعز حبيب =ياصاحب النفس العفيفه
كله كلامك مكتسي تهذيب =مايصدر الا من عريفه

[الطامع]

اقتباس : المشاركة الأصلية كتبت بواسطة سبع الليل [ مشاهدة المشاركة ]

يالف ياحيا باعز حبيب =ياصاحب النفس العفيفه كله كلامك مكتسي تهذيب =مايصدر الا من عريفه

وانته وزير اوقافنا وخطيب = يالسبع ياولد الخليفه

تستاهل التشريف والتنصيب = مثل الرئاسه لك وظيفه

[محمد سعيد بن مخاشن]

اقتباس : المشاركة الأصلية كتبت بواسطة الطامع [ مشاهدة المشاركة ]

اسمحوا لي بهذ الفصل كهدية للجميع المخشني والسبع هو والذيب = وطالب معا خالد سعيفه والشيخ لي هو يحكم الترتيب = يسقيك من صافي كريفه والجيد بو زايد نعده نسيب = مثل المقدم با كتيفه وقناصنا هو للهدف بيصيب = لو كان عاروس المنيفه والطيف نا باقوله مرحيب = يكفيك يالطامع بطيفه عاده مجمل لي ملانا طيب = بلغيه عنوان الصحيفه وعلي ولد حامد دعه بحبيب = لنه من الأسره الشريفه قولوا لبو شاكر ظهر لتغيب = ياصاحب النفس اللطيفه وعيون هي عن اختها بتنيب = لا غابت الماسه النظيفه وان حد نسيت اسمه خره بنجيب = ابيات فيها بانضيفه وشبابكم والله هم والشيب = ما مثلكم وسط السقيفه

مشكور يا الطامع أبد ما تعيب=شاعر يسر سمعك هذيفه
يا بحر زاخر جيب كل ما تجيب=بحر العرب إنته و سيفِه
شعّار جم أبغى لهم ملهيب=إيجوك طيفه بعد طيفه
واحد تسمى فاطمه شرعيب=وواحد دعا نفسه عفيفه
ببعد قدا الملديف وِسْرَنديب=ولا نكالفهم كليفه

محمد بن سعيــد بن مخــاشــن

[الطامع]

اقتباس : المشاركة الأصلية كتبت بواسطة المخشني [ مشاهدة المشاركة ]

مشكور يا الطامع أبد ما تعيب=شاعر يسر سمعك هذيفه يا بحر زاخر جيب كل ما تجيب=بحر العرب إنته و سيفِه شعّار جم أبغى لهم ملهيب=إيجوك طيفه بعد طيفه واحد تسمى فاطمه شرعيب=وواحد دعا نفسه عفيفه ببعد قدا الملديف وِسْرَنديب=ولا نكالفهم كليفه محمد بن سعيــد بن مخــاشــن

الظن هو فيكم ابد ميخيب = يامن سبق غيثه قنيفه

قولك بغيه لي طعمته صبيب = وقت الشتا ينفع وصيفه

[سبع الليل]

باشوف قدامي شرر ولهيب= وكهور في الرمله شهيفه
بترول في صحراء يباء تنقيب=بتجيبه اليد الخفيفه
بيجيبها سالم ولد باذيب=هو صاحب السمعه الشريفه

[خالد بن مهنا]

اقتباس : المشاركة الأصلية كتبت بواسطة الطامع [ مشاهدة المشاركة ]

اسمحوا لي بهذ الفصل كهدية للجميع المخشني والسبع هو والذيب = وطالب معا خالد سعيفه والشيخ لي هو يحكم الترتيب = يسقيك من صافي كريفه والجيد بو زايد نعده نسيب = مثل المقدم با كتيفه وقناصنا هو للهدف بيصيب = لو كان عاروس المنيفه والطيف نا باقوله مرحيب = يكفيك يالطامع بطيفه عاده مجمل لي ملانا طيب = بلغيه عنوان الصحيفه وعلي ولد حامد دعه بحبيب = لنه من الأسره الشريفه قولوا لبو شاكر ظهر لتغيب = ياصاحب النفس اللطيفه وعيون هي عن اختها بتنيب = لا غابت الماسه النظيفه وان حد نسيت اسمه خره بنجيب = ابيات فيها بانضيفه وشبابكم والله هم والشيب = ما مثلكم وسط السقيفه

اورانيوم يحتاج له تخصيب=وإصابته ماهي طفيفه
ابيات زينه مرتبه ترتيب=تفرح بها النفس العفيفه