مجلس الدان الحضرمي

[عمر الذيب]

اقتباس : المشاركة الأصلية كتبت بواسطة الواقعي [ مشاهدة المشاركة ]

كلامك ياعمر بلسم لضيق الحال والخاطر=فتح نفسي لقول الشعر يوم اتقفلت لبواب عرفتك نجم ساطع يهدي الربان لي حائر=ملك وسط العضيده وانت عالمنبر كما السياب خلل باين في القاسم وكبش الساريه دامر=وقد شفنا الرضّه تنخر في المسلف وفي لعتاب ولكن مصنعة حبان شف بنيانها فاخر=مهندسها يخُلّ العود ل أرضى بأفخر الاخشاب ولاهي مثل عرشه فالمطر ما تمنع القاطر=ولو بيتت فيها غصب تصبر عا الوخم والداب

انا مانا بحد مقطور يعبر بي طرق صافر=عرف كل الطرق واعرف كباري واجده وعقاب
ونعرف حجر بن كده ونعرف حصن باجابر=فوارق بينهن في كل شي ياطيب الانساب
ولكن بالبنا والجهد والمقدام بو عامر=عراش البدو با تصبح مصانع نا طحات سحاب
طرحنا القاعده صبه لها والسور والدائر=وزفلتنا الطرق من بعد ماكانت حصى وتراب

[ديك الجّن]

اقتباس : المشاركة الأصلية كتبت بواسطة عمر الذيب [ مشاهدة المشاركة ]

انا مانا بحد مقطور يعبر بي طرق صافر=عرف كل الطرق واعرف كباري واجده وعقاب ونعرف حجر بن كده ونعرف حصن باجابر=فوارق بينهن في كل شي ياطيب الانساب ولكن بالبنا والجهد والمقدام بو عامر=عراش البدو با تصبح مصانع نا طحات سحاب طرحنا القاعده صبه لها والسور والدائر=وزفلتنا الطرق من بعد ماكانت حصى وتراب

حزوم امطاء معك يالذيب لاتغالط ولاتكابر=ولايمكن تسد انته وياهم عينة الاحزاب
ومن قلبه نقي من حيث هو ماغبه الماطر=ومن قلبه حسودي مايلاقي شي ولا واعجاب
انا بغيتك تريّض ماتقع ملقوف ومغامر=وانا عارفك تفهمني وضني فيك ماقد خاب
بغيت الصدق والواقع سمع من هرج بو ناصر=اذا تبغى تجيب الجوهره من فوق راس الداب

[ديك الجّن]

اقتباس : المشاركة الأصلية كتبت بواسطة الواقعي [ مشاهدة المشاركة ]

خلل باين في القاسم وكبش الساريه دامر=وقد شفنا الرضّه تنخر في المسلف وفي لعتاب ولكن مصنعة حبان شف بنيانها فاخر=مهندسها يخُلّ العود ل أرضى بأفخر الاخشاب ولاهي مثل عرشه فالمطر ما تمنع القاطر=ولو بيتت فيها غصب تصبر عا الوخم والداب

هذه الابيات ماتجي الا من منطق جن (بحكم الخبره)

[ديك الجّن]

كلامك زين قل للواقعي باطنه والظاهر=ويعجبني لأنه شعر والقي له ثقل واحساب
تأكد ان مكنون العرش مايدوم للأخر=اذا هبت مهب تصبح مكانه بهذله وخراب

[ابن_اليمن]

شفت الهرج ياعواله على الرجال متواتر = ودايم فصلكم حوله وشفت الباب بعد الباب
ماهو جم تلقونه في الماضي وفي الحاضر = دامه شل مخزوني وخلا الرف والدولاب
ماشي فايدها مادام ترضع نفسها الفاطر = والحاشي مسى يرغي ويرغي جمبه الحلاب
خلوها كما اول وسوقو لي جمل عاصر = جمل باداس ذي يهدر ولاشي في الجمل ينعاب

[الشبامي]

اقتباس : المشاركة الأصلية كتبت بواسطة ديك الجّن [ مشاهدة المشاركة ]

حزوم امطاء معك يالذيب لاتغالط ولاتكابر=ولايمكن تسد انته وياهم عينة الاحزاب ومن قلبه نقي من حيث هو ماغبه الماطر=ومن قلبه حسودي مايلاقي شي ولا واعجاب انا بغيتك تريّض ماتقع ملقوف ومغامر=وانا عارفك تفهمني وضني فيك ماقد خاب بغيت الصدق والواقع سمع من هرج بو ناصر=اذا تبغى تجيب الجوهره من فوق راس الداب

لله درّك يابوناصر !!
كلام قوي وحكمه ياشاعر السقيفه !!

[سبع الليل]

اقتباس : المشاركة الأصلية كتبت بواسطة ابن_اليمن [ مشاهدة المشاركة ]

شفت الهرج ياعواله على الرجال متواتر = ودايم فصلكم حوله وشفت الباب بعد الباب ماهو جم تلقونه في الماضي وفي الحاضر = دامه شل مخزوني وخلا الرف والدولاب ماشي فايدها مادام ترضع نفسها الفاطر = والحاشي مسى يرغي ويرغي جمبه الحلاب خلوها كما اول وسوقو لي جمل عاصر = جمل باداس ذي يهدر ولاشي في الجمل ينعاب

مقاله من زمن بتقول مايوقع سوى الشاطر=جمل باداس قده الا شبيه الجرو والسنجاب
قنع يا ابن اليمن واصبر وشف كل زام له ناظر=قريب الحكم بايصدر على نغمة وتر زرياب

[سبع الليل]

خواطرنا وسيعه باشرب حتى من القاطر=سقيفتنا حديقه مثمره بالتين والعناب
دخل والا خرج فيها مكانك قلبها العامر=ولا باتنكر الصحبه وعيش وملح باستهذاب

[سبع الليل]

ظهر بوصالح القائد بريح المسك بيباخر=وبيسلم على اصحابه بطيبة قلب واستلباب
ونعمك قل لبوصالح وشهرك دائما جابر=شرب من صافي القربه شراب السُعد والاحباب

[سبع الليل]

انا ماشي معي شكوى خلاف اني مسي حاير=عبود الدوح واصحابه لقوا شولين عاكلاب
وذا باطل وذا منكر عيال أبليس بتجاكر=مرازح في وسط داري من الضيقه الى الاسياب