من عادات اسلافنا

[بنت شبامية]

ايوا نعم تذكرت .. ونحنا صغرين لما نتشيطن ونتضارب على امي ( نتشاقى ) ..
تقول روحوعند حبابتكم بتلعبكم ..
نجلس تحتها وتقول حطو اياديكم ..
وتقوم بترديد نشيد حليييييييييييييو .. ما احفظ منه الا ( حدليه بدليه ياسبع نجوم ) .. الي حافظه يدركني بيه بلعب عيالي بيه .. >> مثل عمي ابو الكرش قالي عد لحدعش ..
الين توصل لنهايته وتقف عند يد واحد وتقوله بغيت قبصة هواه .. ونتمنى وتقول يالا الحس يدك .. ...
الله يرحم حبابتي كانت طيوبة وحنونة وتلعبنا العاب كثيرة لو اسعفتني الذاكره بقولها ..

[من السادة]

	من الذكريات الجميلة حنظل بايعشوت في شبام وحنظل باشيغوان في سيؤن الطويلة لما تسرح سيؤن يقولون هديتنا العيال حنضل زين وصمبرة وكوشان وفحيط0 بس أخي باغوزة العيال الحين كبرت تبغاء توكس وسنيكرس.

[الفارس الهاشمي]

صراحة رغم اني من جيل التسعينات بس حضرت الكلام ذا لي قلتوه كله ,,
بس الله يسامح الكهربا والسفلت من يوم جابوها البلاد معاد شي الكلام ذا
معاد شي المحازي والعادات ذيك بسبب التلفزيون والتحضر النوعي وللأسف خرب ذوق البلاد بطبيعتها البدوية البحته


المهم
أذكـر يوم نحنا صغيرين لا قد نحنا بانراسل الشيبه الله يرحمه وهو في السعودية نجيب شريط جديد ونحطه في المسجل ونظلي نسجل فيه انا والاهل كلام للوالد ونرسله لاحد مسافر بعدين يوصله ويرد علينا بشريط آخر لاقد حد مسافر بيجي
رغم ان الكلام ذا قريب في التسعينات لكن البلاد كانت بعيده عن العالم ومقطوعه وسبحان مبدل الاحوال

[باغوزه]

بصراحة تفاعل كبير ورائع من اخواننا الكرام واخواتنا الفاضلات في الموضوع الذي يفتح الباب للتذكير بعادات اسلافنا في الماضي .. شكرا لتواصلكم جميعا فاستمروا فان لم تتذكروا فلا تبتعدوا كثيرا فكل لحظة سالفة جديدة قد تكون غابت عن ذاكرتكم او لم تعرفوا عنها من واقع عادات اسلافنا ..
-----------------
نعم وهذه سالفة من العادات القديمة في بلادنا وهي :
عندما تولد المرأة في البيت يقومون بحفر حفرة صغيرة طولها ذراع ( لازم ذراع ) وهذه الحفرة توضع فيها مايسمى ب ( اللماة ) اي المشيمة . فان كانت المولودة بنت تحفر الحفرة داخل البيت تحت المفقر حق السدة او الباب الخارجي وان كان المولود ذكر تحفر خارج الباب الرئيسي للبيت ( السدة ) وحسبما يذكر لي انه البعض لازال يمارس هذه العادة او الظاهرة حتى ولو ولدت المرأة في المستشفى ياخذونها ليتم دفنها حسب ما جرت عليه العادة ..
ومن الطريف في هذه السالفة ان الاعتقاد بأنه اذا رمو المشيمة ( اللماة ) واخذتها الكلاب فان المولود يطلع شقي . .

2- كلما نكتبه هنا هو حقيقة عن واقع عادات سابقة في بلادنا ومجتمعاتنا :
-------------------------------------------------------------------
وامتدادا لسالفة الولادة .. كانت المرأة التى تولد عندنا قديما لازم يكون معها ( شريم ) اي محش القضب والقصب الخ .. ويكون مرافق معها كما الجوال هالايام وهذا الشريم ( انتبهي زين يابنت شبامية ) هذا الشريم تغز به في بطنها وخز وخز بلطف كلما احست بالالم عشان فيه اعتقاد انه يخفف الم مابعد الولادة . سبحان الله ووضع المر الاسود على صكة الطفل واقدام الام اعتقاد بانه يذهب العين والحسد .

[binsilm]

الف شكر اخي باغوزه..هههههههههههههههههههههههههههههههههها ذكرتنا بسنتيان الضانه صح كلامك سنتيان يرتبط بالخصر فريد من نوعه ...والوكيل عاده يعطي ضمان سنه كامله ...

من العادات الاخري ((( حبة الديدو ))) وهي حبه تطلع في طرف جفن العين ..ودواها ظريف من نوعه...يقوم الشخص اللي تطلع الحبه في عينه يقوم (( يزعق في الزير )) كم مره في اليوم يعني يشرف براسه داخل الزير ويزعق ما ادري انت سويتها اخي باغوزه او لا ؟؟؟؟؟؟؟....هههها

اكيد العمليه ليست عبث...يمكن التردد الصوتي له اثر في العلاج خاصه الزير يصدر تردد صوتي او موجات صوتيه....وكثير من الامراض في يومنا هذا تداوى بالتردد الصوتي ...

مش عارفين اننا نحن اخترعنا العلاج بالتردد الصوتي.. (((( ظلم نسبو الاختراع لغيرنا )))))

[بنت شبامية]

اقتباس : المشاركة الأصلية كتبت بواسطة باغوزه [ مشاهدة المشاركة ]

بصراحة تفاعل كبير ورائع من اخواننا الكرام واخواتنا الفاضلات في الموضوع الذي يفتح الباب للتذكير بعادات اسلافنا في الماضي .. شكرا لتواصلكم جميعا فاستمروا فان لم تتذكروا فلا تبتعدوا كثيرا فكل لحظة سالفة جديدة قد تكون غابت عن ذاكرتكم او لم تعرفوا عنها من واقع عادات اسلافنا .. وامتدادا لسالفة الولادة .. كانت المرأة التى تولد عندنا قديما لازم يكون معها ( شريم ) اي محش القضب والقصب الخ .. ويكون مرافق معها كما الجوال هالايام وهذا الشريم ( انتبهي زين يابنت شبامية ) هذا الشريم تغز به في بطنها وخز وخز بلطف كلما احست بالالم عشان فيه اعتقاد انه يخفف الم مابعد الولادة . سبحان الله ووضع المر الاسود على صكة الطفل واقدام الام اعتقاد بانه يذهب العين والحسد .[/SIZE]

ايش معنى (بنت شبامية ) ليه قالولك مغرومة والا غرمت ..
هههههههههههههه ..
والله موضوع تووووووووووووووووحفة ..
الله يسعدك مشرفنا الغالي .. رديت لنا الروح الله يبسطك .. كل امرعلى الموضوع الا ما اقدر امسك نفسي من الضحك ..
استمروووووا انتم رائعيييييييييين ..

[باغوزه]

اخي بن سلم بصراحة لاول مره اسمع بسالفة الزير بس اعطنا شوية وقت بسأل عنها . بصراحة اتكلم بجد ترى فيه اشياء حصلت عندنا قديما لها اهمية اليوم وحقوقنا مضيعة . واصل ياعزيزي واستمر المتتبعين كثيييييييييييير لماضي اسلافنا وشيابتنا . الموضوع كلما له يأخذ طابع الاهمية وفعلا مفروض الكثير يهتم به لانه يناقش سوالف لم يناقشها احد من قبل .
تحية لك ولجهودك الرائعة اخي الكريم بن سلم حفظك الله .

[باغوزه]

يابنت ياشبامية يامغرومه . هذا موضوع ماهو حق ضحك لش الكبّه . هذا موضوع يناقش سوالف الماضي وعادات الاجداد والاسلاف قديما بس بيني وبينك فيه اشياء فعلا تضحّك الا وتفطّس من الضحك بس مساكين ماينلامون على نياتهم اي شي يصدقونه . لكن الموضوع المفروض يناقش كل العادات السلبية والايجابية في حياة اسلافنا واجدادنا وحباباتنا وشيابتنا .
سيري تخبري العجاوز لي عندش هاتى لنا من اخبار السنين الماضيات عندهن لاتخلون كله على باغوزه وبن سلم وبس
حفظك الله ورعاك . ولاتذهبوا بعيد فهناك الكثير والكثير
تحياتي

[binsilm]

خوي ياغوزه...زعقه الزير غير متأكد هي دواء الباقرنقاح او حبة الديدو...بدوري انا بسال كماك....بس متاكد من الزعقه كعلاج لماذكر من امراض ... عاده اخرى ظريفه..عندما تبداء اسنان الطفل بالتساقط.....كلما يسقط سن يقومون الاهل برمي السن في عين الشمس مع بعره ( بعره من بعر الاغنام ) ويقال عند رميها ( ياعين الشمس خذي ضرس ضلال وهاتي ضرس حلال ) واللي يخرج ضرسه في الليل يرمونه في الصباح وقت الشمس .....

[باغوزه]

صدقت اخي بن سلم ونحن عندنا نفس العادة حق الضرس بس اللي النداء لعين الشمس غير اللى عندكم . ولو اقول لك به بتضحك لكن لزوم اقوله لفائدة الموضوع :
عندكم يقولون :
ياعين الشمس خذي ضرس ضلال وهاتى ضرس حلال .
لكن عندنا :
ياعين الشمس خذي ضرس حمار وهاتي لي ضرس غزال هههههههههههههههه
تحية لك