11-02-2008, 12:05 AM | #1 | |||||
مشرف سقيفة عذب القوافي
|
يالحضرمي ما مضى لك فيه كم عبره
اليكم مشاركتي المتواضعه المتأخره . .ارجوكم المعذره. فالمصاب جلل وقد اذهلني وهالني ما رأيت . لله الحمد من قبل ومن بعد. الذي لايحمد على مكروه سواه ذا فصل قال الفتى حسرة الم حسرة=يارب لطفك في الاولى وفي الاخره وارحم عبيدك بحق المصطفى ياسـين=من غير بارق سرى كل الجوين صبين على المكلا يهب النود من بحره=قالوا عسى الغيث يمطر ارضنا بكره ماصبحوا الا على الوديان يتساقين=من غير بارق سرى كل الجوين صبين طوفان جاهم وحسبوا انها شاره=جاهم عرمرم وفي المسيال له هدره يقلع اشجار وهن من تحت يتجفين= من غير بارق سرى كل الجوين صبين غضبك يارب صبه دوب ع الكفره=واحفظ بلادي تتمي للدول زهره فيها شذى العطر والمشموم ورياحين= من غير بارق سرى كل الجوين صبين والعبد عبدك وبيدك يالولي قدره=بيدك تطيله وبيدك من قصر عمره لا تيتم اطفال وبناويت يتباكين=من غير بارق سرى كل الجوين صبين وش جاك يالسيل تهدم بالعمد بدره=واسقطت جدان جم ستره قفا ستره ع القفل عديت و القاره وع الهجرين=من غير بارق سرى كل الجوين صبين في فضح شفنا المعلم قد فضحت امره=يبني بلا ساس وقد رمصوه في قبره سقطت منازل عموم الناس وسلاطين=من غير بارق سرى كل الجوين صبين وغصيص فيها تهدم قصر وش كبره=غصه توقع لكل من جاش في قصره ذا سلموا رجال كل ام المدر يفدين=من غير بارق سرى كل الجوين صبين يالراك لك دار سكانه بني مره=اهل الشكيمه واهل الباس والكثره اجواد في قلب بو طالب لهم قدرين=من غير بارق سرى كل الجوين صبين يا اهل الاغاثة الى الحمه لكم سفره=فيها تشتت بفعل السيل كم اسره يالله نسارع الى الاحسان يا اهل الدين=من غير بارق سرى كل الجوين صبين ماتعجبك قط ام الايتام والصفره=ع القل كلن يربي صدقت العسره الله يعمرش يالصفراء لهم تبقين= من غير بارق سرى كل الجوين صبين وسحيل حاسته بالامواج كم مره=ماحد من اهله تحذر او معه فكره ولا تعلم من الاوقات ذي عدين=من غير بارق سرى كل الجوين صبين وادي يصب قبلي الحوطه وله شهره=فيه الكواكب قمر وسهيل والزهره في ارض الاقطاب قولوا ع الدعاء آمين=من غير بارق سرى كل الجوين صبين سيؤن فيها علي حبشي سكن فتره=قد كان يدعوا الى ربه قضى عمره والآن فيها حبايب ع الاثر ماشين=من غير بارق سرى كل الجوين صبين تريم جاها من القبله ومن حدره=في ملتقى الســـــــــيل ياللاه كم قدره عدا وقطع طريق الخلق له يومين=من غير بارق سرى كل الجوين صبين ورغم كل الخطر لابو حمد حضره=يزأر مثيل الاســـــد زأره قفا زأره محبوب من كل شعبك يالرئيس الزين=من غير بارق سرى كل الجوين صبين وادي عدم قد غمرها ساه بالمره=في عشره امتار متعلي على الصخره عدا على دار بوغازي عليه العين=من غير بارق سرى كل الجوين صبين تحم حمه قال خوك الشخص في المهره=وتحم لك نبوت ياالمخلوق او خضره ولا تحم سيل كالقعدان ذا جفلين=من غير بارق سرى كل الجوين صبين يالحضرمي ما مضى لك فيه كم عبره=واحذر من الفقش لاتطرحه في الستره سوس مباني حجر ترك مباني الطين=من غير بارق سرى كل الجوين صبين قل للمهاجر تبرع لاتهـــــاب طفره=بايشــــوف من لاتبرع عاجلا فقره ويصترف كل ماله رقص وتلاحين=من غير بارق سرى كل الجوين صبين . |
|||||
مواقع النشر (المفضلة) |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
خذها من الدهر عبره..؟ | الوحدوي | سقيفة عذب القوافي | 18 | 11-02-2009 03:16 PM |
" عبره فهل من معتبر " | نديم | سقيفة الحوار الإسلامي | 9 | 11-01-2009 03:54 AM |
|