11-15-2012, 08:32 AM
|
#471 |
|
عميد شعراء سقيفة الشبامي
|
السلام عليكم ورحمة الله وبركاته
صبحكم الله باالخير |
|
|
11-15-2012, 09:15 AM
|
#472 |
|
عميد شعراء سقيفة الشبامي
|
هذه القصيده للعم الشاعر الجويد سالم عمر باقديم رحمه الله والقصيده لها قصه 
ياعود سيسم مرخ شوفك ماتجد فيك النبوع=ياعين سيلي باالدموع من يوم ماشفته هتز القلب من بين الضلوع=ياعين سيلي باالدموع عدى وانا صلي ونساني سجودي والركوع=ياعين سيلي باالدموع وسجدت سجدت سهو للمولى وفي قلبي خشوع=ياعين سيلي باالدموع النظره الاولى وغضيت النظر قبل الوقوع=ياعين سيلي باالدموع في اثم وترفعت يامحسن مكايين الرفوع=ياعين سيلي باالدموع وقال شربه قلت له حاضر ولو تشرب سبوع=ياعين سيلي باالدموع باسير في خدمتك عا طول الزمن لو موت جوع=ياعين سيلي باالدموع مديت له باالكاس ومليت النظر حول الدروع=ياعين سيلي باالدموع وشفت شي ياليم ياتفاح ياسكر قبوع=ياعين سيلي باالدموع وقلت له من اي ديره انت يازين الطبوع=ياعين سيلي باالدموع فقال انا من حيث تغرب شمسكم قبل الطلوع=ياعين سيلي باالدموع وقلت له نعم المواطن والوطن عز الفروع=ياعين سيلي باالدموع بن قول لك انستنا يازين شرفت الربوع=ياعين سيلي باالدموع ربوع طيبه ذي لها من كل فج اّتوا نزوع=ياعين سيلي باالدموع طيف البقاع الطاهره وحنا طويلين الشروع=ياعين سيلي باالدموع من زار قبر المصطفى لو هو طمع يصبح قنوع=ياعين سيلي باالدموع سافر وتصحبك السلامه في مبتك والرجوع=ياعين سيلي باالدموع واقصد الى مكه وطف باالبيت واسعى والطلوع=ياعين سيلي باالدموع الى جبل عرفات بتشوف المواكب والجموع=ياعين سيلي باالدموع في زي واحد كلهم وعيونهم تذرف دموع=ياعين سيلي باالدموع وذلة ارقاب الاكابر للمهيمن في خشوع=ياعين سيلي باالدموع مروا بمزتلفه ومنها لامنى للامر طوع=ياعين سيلي باالدموع واستبشروا باالعيد وتمام المناسك في خشوع=ياعين سيلي باالدموع ايش تشوف السبك والحبك والشاعر يابوجمال انت والمشاهدين ( وعلى القاري ان لا يقراء التخميس في كل بيت تكون قراءتها افضل هذا من باب الدقه )
|
|
التعديل الأخير تم بواسطة حسن محمد سالم باقديم ; 11-15-2012 الساعة 09:20 AM |
|
|
|
|
11-15-2012, 11:24 AM
|
#473 |
|
عميد شعراء سقيفة الشبامي
|
( قصيدة الشاعر الجويد سالم عمر باقديم رحمه الله )
يــا مرحـبـا عــدّ إبتـسـام الـبـرق فــي قنفـانـهـا = واجب بك الترحيب من خاطري يا أغلى صديـق وعــداد تسبـيـح الـرعـود القـاصـفـة وأمـزانـهـا = لا روّح العشـوى علـى الوديـان وغدقهـا غديـق حـنّـت ركــاب الـبـدو حـيـن تـذكــرت أوطـانـهـا = وحنينهـا فيـه المعانـي تشتـكـي كـربـة وضـيـق تشكي مـن التقصيـر ذي قـد صـار مـن رعيانهـا = ذي حمّلوهـا حمـل جائـر عـا حمولـة مـا تطيـق يالجـابـري تشـكـي محـيـل الـبـدو مــن حلاّنـهـا = والوالـدة تشكـي ولدهـا ذي صبـح فيهـا عقـيـق تـقـول انـــه بـعــد مـــا نـشــف لبـنـهـا خـانـهـا = وسـرح وخلاّهـا بـلا مـأوى علـى خـط الطـريـق وأمـسـى يهـددهـا إذا صـاحــت بـنـقـر لسـانـهـا = أو سحلهـا أو زقلـهـا فــي النّارتحرقـهـا حـريـق صاحـوا عليـه النـاس مـا هـذا جـزاء احسانـهـا = ربتـك فـي الشـدة ومــا هــذا جـزاهـا يــا رفـيـق قــال الـولـد مــا شأنـكـم أمــي وشـأنـي شانـهـا = إن كنت عاصي با تنـال البـر مـن أخـي الشقيـق قــال إنـهـا قـــد أحرمـتـنـي عطـفـهـا وحنـانـهـا = مـا اليـوم فكونـي عليهـا باسحـق بوهـا سحيـق صـاح الشقيـق البارصيحـة وارتمـى باحضانهـا = وقـال أمـي مـن قربهـا بـا زهـق روحــه زهـيـق الله أوصـانـي بـهـا مــا عــاش مــن قــد هانـهـا = لازلـت مؤمـن لـم يـزل قلبـي علـى أمـي رقـيـق أرضـي شجرهـا ظللتنـي تـحـت ظــل أغصانـهـا = ما با نساها والنسم يجري وشي في الحلق ريق أرضـي ثراهـا مسـك طيـب والحصـى مرجانـهـا = حتـى كزيـم الخبـز فيهـا كالعسـل طعمـه ذويــق الـويــل ثـــم الـويــل لـلــذي هــدمــوا بنـيـانـهـا = ولبسوهـا ثــوب عــاري بالحشيـمـة مــا يلـيـق هـذا وثــم قــال الفـتـى الشـاعـر ولــد سيبانـهـا = آنستـنـا أرحـبـت يــا ركــن المـعـزّة يــا وثـيــق ســؤال يــا قــادم مــن الأحـقـاف عــن حـلاّنـهـا = جب في صراحة هت لنا تفصيل في معنى دقيـق جـواب هـل أوصـف لكـم عـن خيرهـا وزمانـهـا = قلنـا نعـم قـال الشجـار المخضبـة قـدهـا سقـيـق سـؤال ايــش أحــوال سلعتـهـا وايــش اثمانـهـا = جواب حـلّ القحـط فيهـا مـا يجـد قـرص الدقيـق سـؤال ايـش الحكـم فـي البـنـدر وفــي وديانـهـا = جــواب شوعـيـة بــلا مـبـدأ وقـطّـاعـة طـريــق شـلّـوا مــوال الـنـاس حـتـى نخـلـهـا وطيـانـهـا = واستعـبـدوا الأحــرار مــرة والسـيـادة للـرقـيـق عصبـة رفـاق إبليـس ذي قـد حالفـوا شيطانـهـا = ولـفّـوا عـيـال الـشــوارع للتـظـاهـر والـزعـيـق أعــوام تسـعـة تشتـكـي مـــن ذلّـهــا وهـوانـهـا = فـي ذلّ غرقـانـه عسـاكـم تنـقـذوا هــذا الغـريـق ان عـاد شـي نقـذة لـهـا بتـكـون مــن جيرانـهـا = وابناءها الأحرارفـي النقـذة لهـم ماضـي عريـق بالأمـس كانـوا يشتكـون الظـلـم مــن قحطانـهـا = واليوم مـن سالـم ربيـع هـو ويـا كـم مـن رفيـق وكــل مــا قــد صـابـها مـــن أهـلـهـا وأخـوانـهـا = وعمامهـا وأخوالهـا غطّـوا فـي الـنـوم العمـيـق نـامــوا ولا واحـــد يـهـمـه أمـرهــا أو شـانـهــا = لـو بـا تقرّحهـا مـدافـع عـنـد راســه مــا يفـيـق القـصـد هــذا كـــل مـــا فـيـهـا وفـــي سكّـانـهـا = يدعي لهم بالنصر كل من طـاف بالبيـت العتيـق وأدعـوا لـهـا بـإزاحـة الكـابـوس عــن حلاّنـهـا = وتعـود إلـى الاسـلام والتوحيـد ويحـق الحقـيـق تمـت وتختـيـم القصـيـدة شـطـر مــن عنوانـهـا = أرضي كزيم الخبـز فيهـا كالعسـل طعمـه ذويـق وهذا نموذج من جواب الشاعر ابوبكر الخيل باجابر رحمه الله
سبحانه الوالي على جمع الولا سلطانها = منجي الافلاك والمكروب من بحر الغرق ومسوس الدنيا وخالق انسها وجانها = سبحانه الخالق وعزة خالقه في ماخلق عسى بعفوه ساعة المحشر وطي اكفانها = يغفر لنا الزلات والسيئات في يوم الفرق والفي صلاة الله على طه النبي عدنانها = تعداد ماضوء القمر نوره على الدنيا شرق ذا فصل والهاجس ضوى علق كفف ميزانها = ساعه ينادينا وساعه تدرج افكاره فرق يفكر في الدنيا ويدرس همها واحزانها =قد تسقي الحالي ولا غلب شربها من قار عق ان صدت في يومك صفاها زام جاء غثرانها = سبعه وستطعشر تجي متقاطره مثل الحلق وبعد بتفقد جريده جات في عنوانها = اقوال من شاعر بني سيبان قوله له ذلق يشكي شجون الوالده تشكي اذا صبيانها = يهنى لها لا منهم المغص كله والحرق لو كانني لاعندهم باحط في صمخانها = والحلق باقبضبه وبادق راسها في الباب دق واسبابها ماعلمتهم من قديم ازمانها = ربيوا كما الاكباش تتناطح على لقط الورق وذكرت لي في الابل ذي تشكي اذا رعيانها = هذا جزاكم يومكم في البطح ملقين الرفق نقلناها في المجلس لتظل خالده
|
|
التعديل الأخير تم بواسطة حسن محمد سالم باقديم ; 11-15-2012 الساعة 11:44 AM |
|
|
|
|
11-15-2012, 01:38 PM
|
#474 | ||
|
عميد شعراء سقيفة الشبامي
|
شاعر وعلم وثقافه وخلق ومعقليه الخ الله يزيدك .... وذكرتني بقصه لو ماعرفك يابوجمال باحزرك ونقص القصه بطي في رحاب تحت دار ملك اليمن جالسين في الظلال ع الوصف ووصلت قافله جمال محمله بحطب حق ناس بدو غراب مانعرفهم مترزقين الله وحطوا حمولهم وجلسوا في حده في ظلال ونحنا سدهم في حده وفؤجئنا بواحد منهم وهو مسدوح حق التعب يصفر صفير اللحان صوت قلت للجماعه ذي عندي هذا الرجال البدوي يامغني يامدرف قالوا لازم تحدد يامغني يامدرف وشتد الكلام بينا وبين صحابي ذيهم جالسين معي قالوا حدد مغني او مدرف ان طلع كلامك صائب علينا راس ضحى لك وللقوم وللبدوان بنعزمهم وان طلع خطاء عليك الراس قلنا ختمها الرحمن وجلست ترقب ترقيد الصفير حق الانسان هذا ونظرت في قصعه ماشي مدروف في ثبانه عند الجنبيه والشفره والمسله والمكحله بعد ماستمعت الصفير قلت لهم مدرف قالوا جواب نهائي قلت لهم جواب نهائي قوموا بنعبر عندهم بنسلم عليهم وبانشوف وعبرنا قداهم فطلع البدوي هذا مدرف حط يده عاسقى كبير وطلع المدروف .... وذه قصه ثانيه في رحاب زمان يوصفون الشيبان ايام ماظهرن الفوانيس من معه فانوس معاد حد كماه وكان السمر في القريه عندنا كل ليله بعد صلاة العشاء صباحي وقالوا الشيبان كانوا يجون ناس حضر من القرى المجاوره ومن قريتنا ثقال دم صمارير قالوا لاجوا وقفوا المغاني والمدروف بغوهم يسرون بيوتهم وليله من الليالي سروا الصمارير وبقي واحد معه فانوس يسمر عند القوم فقال جدي سالم باعمر باقديم رحمه الله
فروا لاباليس باقي من طرفهم بليس قاله عمر سلمان باقديم رحمه الله لو ماالفوانيس راحت عاالعرب حنبسيس ياالحليم ابن الحليم يامحسن الشخص ذي تكلم من واقع يؤخذ ويعطي ويفيد ويستفيد بحوار صادق هادي وهادف ينفع الحال والمشاهد وذي مابغا بانفتح له بواقع وصدق صفحه ومن كتبت عليه الجرسه والنيره والقدره تسوقه ولعد بيرد من نفسه الانسان يخلد ذكر وواقع لايكون فاشل وصمرور وبلطجي واللين واجب والعقل والصبر ولو زاد بن وضحهم باالاسم مابنا شي قهد الموروث غالي والمنتدى غالي هو واربابه ولا يغرك كثر العدد ... عودين قرض ولا قلابين ليف وكنبار تحياتي لك ولجميع المشاهدين |
||
|
|
|
11-15-2012, 02:06 PM
|
#475 |
|
عميد شعراء سقيفة الشبامي
|
يقول باحفي رحمه الله عاصوت مغنى وهذه من ضمن ابيات له
في يوليو جات التهاني=وبنوا قواعد حزب ثاني والفسل عاالجيد تجرى = وخالفوا باالمقطعه والدربكين قد كنت اسمك بو فلاني=من قبل يااتيك الجناني لاشفت بيضاء قلت حمراء=دريت ذي ماهم بفعلك داريين ويقول حسن باقديم
من جعدها سلموت بو سعفه عقد متزقلات=تنعش بتاج الملك عاالمسرح امام الغاويات
الطبل في المسرح يحن هنوه لكن ياالمروسات=تفرح لهن من راسها ( فلفل ) كبر عاالحاسدات عازينة المولى بديع الخلق رب الكائنات=حساد غايتهم تعارضها السنن والواجبات تدني ولا ترفع سلوكيات شينه مكرهات=للركب والسعفه ( ثقل ) للصحب والعشره صفات من قامها وحفظ مراتبها ظفر باالطيبات=دعها لهم تحفه اّثر مونس سطور مخلدات يستنشقون الورد ذي فيها روائح نافحات = ويقرؤون الرعد واّيات الكتاب البينات يانزلت الرحمه عليهم والسكينه والثبات=يا شاطحة لاعمال خلتهم غثاء للذكريات |
|
التعديل الأخير تم بواسطة حسن محمد سالم باقديم ; 11-15-2012 الساعة 02:12 PM |
|
|
|
|
11-15-2012, 04:10 PM
|
#476 |
|
عميد شعراء سقيفة الشبامي
|
يقول الشاعر سعيد باحريز رحمه الله
كل من حموله ميل قولوله تريض ياحسن=ومولى الفشل نرشخه لما يطرح ايده في عشاه
ذي مامعاها قوت قال سعيد ماتلقي لبن = الوقت بغضنا الغنم ولعاد بتعرض لشاه صح ماتعوذ من بليس قدها طبيعه في البدن=ان كانها هذه حياتك علبوها من حياه |
|
|
|
11-15-2012, 08:58 PM
|
#477 | ||
|
عميد شعراء سقيفة الشبامي
|
هذه القصيده ل حسن محمد باقديم حررت بتاريخ 15/11/2012م ( بعنوان )
تصيح القبوله من ظلم جم وذلال ومهونه=اهانوها الخلف بعد السلف والاصل يدنونه صبر ياقلب كابد قدر كم من وعل بقرونه=وفاء لااهل الوفاء والموت قد يقصرك من دونه
مناهل تطرب الانسان من وحناه وشطونه=وتبقى خالده من خلد الحكمه يذكرونه
شعاع الشمس لايمكن عباد الله يحجبونه=ولايمكن نزيل النوب والحلبوب من كونه وللثابوب جنوه والزبد له ريش بغصونه=وللمقهى مئة فاشل وكذابين يضوونه وله ارباب باالحق واتباع الهدي يااتونه=عمارة كون وشرايع لمحق الهزل مسنونه لكل منبر زمر وارباب يرعونه ويحمونه=وقرقار الرشب مذهه على ذيهم يمزونه وباالمضاغ عاالكربوس مذهه بهذل اسنونه=مكاره من تبلته المكاره يسقل افنونه يمز حمي ويمضغ عود في المقهى يروحونه=وله بنه تسمر راس ذيهم مايحبونه وقرقار الرشب له ناس في المقهى يحكمونه=ومزازين تسمع للرشب من بعد حانونه كما المدروف يتقطب الى قصبته مدهونه=ولا قام المواثر واجتهد بخصال مزيونه وله وعليه خذ واعطى السوى والحق قانونه=غدوا خلف الستاير رشق والصادق يرجمونه اذله ضعف لاحقاً ولا صدقاً يرومونه=خساره فاذحه عاالاسم حسفه ذي يحملونه تصيح القبوله من ظلم جم وذلال ومهونه=اهانوها الخلف بعد السلف والاصل يدنونه صبر ياقلب كابد قدر كم من وعل بقرونه=وفاء لااهل الوفاء والموت قد يقصرك من دونه |
||
|
التعديل الأخير تم بواسطة حسن محمد سالم باقديم ; 11-15-2012 الساعة 11:39 PM |
|||
|
|
|
11-16-2012, 06:16 AM
|
#478 |
|
عميد شعراء سقيفة الشبامي
|
السلام عليكم ورحمة الله وبركاته
صبحكم الله باالخير جمعه مباركه |
|
|
|
11-16-2012, 06:23 AM
|
#479 | ||
|
شخصيات هامه
|
ياصباح الرضاء والنعيم يا المقدم ياصباح قطرات الندى على شرياف القصب وجمعة مباركه علينا وعليك؛؛؛؛؛ |
||
|
|
|
11-16-2012, 07:32 PM
|
#480 |
|
عميد شعراء سقيفة الشبامي
|
يالله اني طلبتك لاتقطع الغوث والمد=
عاعبد واقف تحت بابك ياكريم= |
|
|
 |
| مواقع النشر (المفضلة) |
|
|
|
|
العرض العادي
