الديوان الملكي لشعراء الشِعر الشعبي .

[عيبون]

اقتباس : المشاركة الأصلية كتبت بواسطة سبع الليل [ مشاهدة المشاركة ]

انا بالخبار باتيكم وبنشرها حسب عرفي=مكينة بن عمر هادي قرح مثناتها لكويل ثلاث ايام وان زادت ودار الهاجري مطفي= جزاء لي يومنا سايرت بن هادي وسبت هديل

وانا مثلك وصدقتك ولكن ناس جم تنفي=يقولو وش تسوّي قبصة الذرّه برجل الفيل
وانا خالفتهم والضرب لاماصاب بايحفي=وضربي دوب في الجبهه ولا نضرب خور والذيل

[سبع الليل]

فصل بعد أدنكم

ترى ام الدار زعلانه غدو من بايراضيها =ومن بايطفي السبر وكير أبليس لي مرشون
عسى ربي يرد العقل للغبراء ويهديها=وتلقي مثل بوتونس فرك والناس يتعاشون

[عيبون]

اقتباس : المشاركة الأصلية كتبت بواسطة سبع الليل [ مشاهدة المشاركة ]

فصل بعد أدنكم ترى ام الدار زعلانه غدو من بايراضيها =ومن بايطفي السبر وكير أبليس لي مرشون عسى ربي يرد العقل للغبراء ويهديها=وتلقي مثل بوتونس فرك والناس يتعاشون

ترى يالسبع ام الدار قد قربت لياليها=ولاقد فارقت باتصبح الدنيا زهر وغصون
وقم بشّر وحوّل لا السما ظهرت مناشيها=وقل للطارف ارفع بايجيك السيل من عقرون
وبايوصل الى الصفرا وبايحيي اراضيها=وبايوصل الى حوطة حمد بن زين مع سيئون

[محمد سعيد بن مخاشن]

اقتباس : المشاركة الأصلية كتبت بواسطة سبع الليل [ مشاهدة المشاركة ]

فصل بعد أدنكم ترى ام الدار زعلانه غدو من بايراضيها =ومن بايطفي السبر وكير أبليس لي مرشون عسى ربي يرد العقل للغبراء ويهديها=وتلقي مثل بوتونس فرك والناس يتعاشون

عسى ربّك يجيب العاقبه زينه ..... وينهيها=على سهاله لكل مظلوم يا سبعي وكل مغبون
ترى الحَلْمِه في النّاقه وما تتعب تُمُص فيها=وما تندر سوى لَفْقَشْتَها بيديك يا عبدون

[سبع الليل]

اقتباس : المشاركة الأصلية كتبت بواسطة عيبون [ مشاهدة المشاركة ]

ترى يالسبع ام الدار قد قربت لياليها=ولاقد فارقت باتصبح الدنيا زهر وغصون وقم بشّر وحوّل لا السما ظهرت مناشيها=وقل للطارف ارفع بايجيك السيل من عقرون وبايوصل الى الصفرا وبايحيي اراضيها=وبايوصل الى حوطة حمد بن زين مع سيئون

معد شي لي اعترف مابين بايعها وشاريها=ولكن لاقعت قمراه مساك الخير ياعيبون
حذاري لا تقع عوجاء وتقصف ظهر راعيها =وتصبح فاشله همة عبادي والمدد والعون

[سبع الليل]

اقتباس : المشاركة الأصلية كتبت بواسطة محمد سعيد بن مخاشن [ مشاهدة المشاركة ]

عسى ربّك يجيب العاقبه زينه ..... وينهيها=على سهاله لكل مظلوم يا سبعي وكل مغبون ترى الحَلْمِه في النّاقه وما تتعب تُمُص فيها=وما تندر سوى لَفْقَشْتَها بيديك يا عبدون

معانا الواحد المعبود خالقها وباريها=ويعلم بالذي يجري ومايحصل بهذا الكون
بشارة خير بأولها ولا ندري بتاليها=لمن باتبرك الناقه لجعفر او لبن عزّون

[ابوشيخ الشبامي]

صح لسانكم يا شعار ولكم مني تحيه

[نجم سهيل]

اقتباس : المشاركة الأصلية كتبت بواسطة سبع الليل [ مشاهدة المشاركة ]

فصل بعد أدنكم ترى ام الدار زعلانه غدو من بايراضيها =ومن بايطفي السبر وكير أبليس لي مرشون عسى ربي يرد العقل للغبراء ويهديها=وتلقي مثل بوتونس فرك والناس يتعاشون

وحتى اعيالها شفها تعاني من بلاويها=احد خذها وسط راسه وحد بالجنبيه مطعون
عسى ربي يبارك جهدهم في خلع واليها=وتتيسر لهم بقعا ويصبح حبهم مطحون

[سبع الليل]

اقتباس : المشاركة الأصلية كتبت بواسطة نجم سهيل [ مشاهدة المشاركة ]

وحتى اعيالها شفها تعاني من بلاويها=احد خذها وسط راسه وحد بالجنبيه مطعون عسى ربي يبارك جهدهم في خلع واليها=وتتيسر لهم بقعا ويصبح حبهم مطحون

مسيكينه قريب الشهر مالحقت مداويها=بظني باتقع موته شنيعه قبل مايسرون
وشفها مقبله ماهي بعيده حس طاريها=وريح الدم في خشمي ودم البربري مغفون

[المتذوق]

ياسلام على زين الكلام انتظرونا قريبا حتى تتضح لنا الرؤيه ونتشجع معكم