الديوان الملكي لشعراء الشِعر الشعبي .

[نجم سهيل]

اقتباس : المشاركة الأصلية كتبت بواسطة عيبون [ مشاهدة المشاركة ]

خرج ذا فصل والثاني معي فالراس حنيّه=على لي ربّت اجدادي بلاد العز والمقدار فراق الارض قد اثّر لقا ازمات جم فيّه=وعاذكر الوطن شفني نبيّت ليلها ونهار

هلا يامرحبا ببيات من شاعر على نيه=دخل وحنا معه دحقه سرينا حيث ماقد سار
كلامك زين ونته زين واعلنها علانيه=بأنك اصلي المنسب من اسلالة رجال احرار
تشتتنا في ارض الناس ف الروحه وف الجيّه=وفارقنا المحب يابن هلابي والوطن والدار
ونا مثلك في الغربه بقلبي طعن جنبيه=احسه كل ساعه والحشاء وسطه لهيب النار

[عيبون]

اقتباس : المشاركة الأصلية كتبت بواسطة نجم سهيل [ مشاهدة المشاركة ]

هلا يامرحبا ببيات من شاعر على نيه=دخل وحنا معه دحقه سرينا حيث ماقد سار كلامك زين ونته زين واعلنها علانيه=بأنك اصلي المنسب من اسلالة رجال احرار تشتتنا في ارض الناس ف الروحه وف الجيّه=وفارقنا المحب يابن هلابي والوطن والدار ونا مثلك في الغربه بقلبي طعن جنبيه=احسه كل ساعه والحشاء وسطه لهيب النار

رحب ياسهيل بكلامك ولك نا بضرب اتحيّه=ويعجبني الكلام الزين ينسغ (م)الحشاء مسمار
سرحنا من بلاد العز طمعنا فالسعوديه=وبمّات العقال الزرق لي تقرب من الدولار
ولو هي بالخير باعيش في روس العقوبيه=لانها فرقة الاوطان يقولو تقصر الاعمار

[ملك اليمن]

اقتباس : المشاركة الأصلية كتبت بواسطة عيبون [ مشاهدة المشاركة ]

خرج ذا فصل والثاني معي فالراس حنيّه=على لي ربّت اجدادي بلاد العز والمقدار فراق الارض قد اثّر لقا ازمات جم فيّه=وعاذكر الوطن شفني نبيّت ليلها ونهار

لها مقدار في قلب الملك وأزهار ورديه = وهي يا صاحبي يا بن هلابي منبع الأفكار
وعشقي للعزيره يا صديقي صادق النيه = ونجم إسهيل في عشقته مثل اللوح والمسمار

[نجم سهيل]

انا بغيت الملك بلقيه في مثناة جونيه=وبابيعه بضاعه ناطقه في حجر بن دغار
ولكنه وسط سوق البصل وطرقه محجيه=ولكن باندور بنشد الدلال والسمسار
وباضّويه باطلّعه من وسط الحراميه=وسبع الليل بايدفع ثمن ف الثعلب المكار
وليته ينقبض والله ابا مكّنه ف الخيه=وباخليه لعبه يلعبوا فيها سقل وصغار

[عيبون]

اقتباس : المشاركة الأصلية كتبت بواسطة ملك اليمن [ مشاهدة المشاركة ]

لها مقدار في قلب الملك وأزهار ورديه = وهي يا صاحبي يا بن هلابي منبع الأفكار وعشقي للعزيره يا صديقي صادق النيه = ونجم إسهيل في عشقته مثل اللوح والمسمار

سقتني السمن والروبه ونعشقها بودّيه=محلها غرفة الصمّام ماتزعزع ولا ينهار
ولكن ناس خربوها لقولي فالحبل ليّه=وهي منجم ذهب تنتج ولكن الزمن غدّار
بغينا الهيج يتفدّم لقوله فالحنك كيّه=لانّه سار عالوادي وكل من كافة الاشجار

[سبع الليل]

اقتباس : المشاركة الأصلية كتبت بواسطة ملك اليمن [ مشاهدة المشاركة ]

لها مقدار في قلب الملك وأزهار ورديه = وهي يا صاحبي يا بن هلابي منبع الأفكار وعشقي للعزيره يا صديقي صادق النيه = ونجم إسهيل في عشقته مثل اللوح والمسمار

بظني منت بو حضرم ولا لهجتك عربيه =من الصومال يالصمصوم او من فرضت امنيبار
وما العربي شروعه وافيه وسمعته ذهبيه =عزيز النفس مايخشى ولا يطعن بعرض الجار

[نجم سهيل]

اقتباس : المشاركة الأصلية كتبت بواسطة عيبون [ مشاهدة المشاركة ]

رحب ياسهيل بكلامك ولك نا بضرب اتحيّه=ويعجبني الكلام الزين ينسغ (م)الحشاء مسمار سرحنا من بلاد العز طمعنا فالسعوديه=وبمّات العقال الزرق لي تقرب من الدولار ولو هي بالخير باعيش في روس العقوبيه=لانها فرقة الاوطان يقولو تقصر الاعمار

حدود الراسماليه مع حد لشتراكيه=ومن كثر الحسد يابن هلابي قلت الامطار
تجيب الكيّه اللي ناجحه متجيبها نّيه=واذا تكلمت جبت الفايده منته كما الثرثار
بحب الارض ياصالح لكل مخلوق عقليه=جدودك سافروا منها وقبل ايام لستعمار
وحنا ماقعدنا والزون عا البير مرسيه=وعفنا حلوها الصافي وشدينا مسا ونهار

[نجم سهيل]

اقتباس : المشاركة الأصلية كتبت بواسطة سبع الليل [ مشاهدة المشاركة ]

بظني منت بو حضرم ولا لهجتك عربيه =من الصومال يالصمصوم او من فرضت امنيبار وما العربي شروعه وافيه وسمعته ذهبيه =عزيز النفس مايخشى ولا يطعن بعرض الجار

لا والله عادها تخب عليه ههههههههههههههه

[عيبون]

تصبحو على خير يالربع ورانا دوام الساعه سبعه

[الخرمان]

عيبون نجم سهيل سبع الليل ملك اليمن
بيض الله وجوهكم
هنا قريت شعرا
وقلوب بيضاء نقيه
مبروك للسقيفه فيكم يالغالين حتى مزحكم زين
وين عقيل مايمر يشجعكم؟؟؟؟؟؟؟؟؟