مساجلات الزامــــل الشعبي

[سبع الليل]

اقتباس : المشاركة الأصلية كتبت بواسطة بن قطمان [ مشاهدة المشاركة ]

كيف باقول والخاين بيدّه لمانه=مايجي بالسوى ولا دروبه سوية ماتمسك على الملة وخان الديانه=يوم سرحان من ظلمه يواصل عوية

المكينه تباء قل للقطيمي صيانه=قرحّوها عمر حيمد وسالم عطيه
لنهم قد ربوا عالسفسفه والخيانه=كيف بأمن بحالي عند عرب مرتشيه

[سبع الليل]

مابظني يعود الصنقري لا مكانه=سحبوا الفرش من تحت الولد والبنيه
وامهم في خلاء خالي وتمسي ضمانه=وكل ماصابها من جور فعله رديه

[نجم سهيل]

اقتباس : المشاركة الأصلية كتبت بواسطة سبع الليل [ مشاهدة المشاركة ]

مابظني يعود الصنقري لا مكانه=سحبوا الفرش من تحت الولد والبنيه وامهم في خلاء خالي وتمسي ضمانه=وكل ماصابها من جور فعله رديه

روّح الصنقري لماتخرب كيانه=ريت لي بايجي بعده على طيب نيّه
باقي الهيج ماكن يالسبع في رصانه=والله انّه معه قدره وهمه قويه

[بن قطمان]

صاحبك لو تعب ماشي معه في الخزانه=اه له عووود ياريته بيلبس حذية
جذنة ابليس مركوزه على البير زانه=والدلي قطعوها والمسابت خلية

[بن قطمان]

ماتحزز مرزز صاحبي في مكانه=لو تقوم القيامة مابيرحم خويه
رد صرف المية في عام في نصف عانه=ميت مليون ياقهراه سعر المطيه

[سبع الليل]

اقتباس : المشاركة الأصلية كتبت بواسطة نجم سهيل [ مشاهدة المشاركة ]

روّح الصنقري لماتخرب كيانه=ريت لي بايجي بعده على طيب نيّه باقي الهيج ماكن يالسبع في رصانه=والله انّه معه قدره وهمه قويه

كل شي ينتهي مهما يطوّل ضمانه=وكل بضاعه لها تاريخها و منتهيه
وكل من هو برد لابد مايدوّر كنانه=وكل قوي له قوا منه واكثر حميه

[بن قطمان]

ليل يالسبع والمجنون زايد جنانه=من دخل ساحل ابين مايبا الطالعية
قسمت الشر مابين القلوب الضمانه=ضيعوني وقد ضاعت حقوق الهوية

[خالد بن قاسم]

ما شاء الله ياخير سمره بارك الله فيكم احنا خذتنا العزايم والمناسبات ضياع وقت

[احمدباعجره المشجري]

اقتباس : المشاركة الأصلية كتبت بواسطة خالد بن قاسم [ مشاهدة المشاركة ]

ما شاء الله ياخير سمره بارك الله فيكم احنا خذتنا العزايم والمناسبات ضياع وقت

مرحيب مرحيب يابن قاسم منور العضيده -
وعليك الفصل دامك مغيب عن الزامل كم يوم

[يمامه]

شفت فلتان مقبل لامضارب فلانه=بايعدّل وهي قدها تشوف المطيّه
ياصلاة البلا ذا زوج عدّا زمانه=لاتردونها مادامت النامسيّه