(قرم وفقير)لملك الروائع (حامد زيد )

[عفيه والراس مرفوع]

قصيده للشاعر حامد زيد




منـك العـذر وعـلـي المـعـذرة
لاتحسب حساب هجـر ولا هجيـر
كـل ذنـب بتذنـبـه بستغـفـره
واحـد مايعـذرك مافـيـه خـيـر
دور بصـدري وطـن واستعمـره
عندك مـن الضلـع الأول للأخيـر
عيش فينـي ودمـر اللـي تدمـره
واعتذر لي واعتبـر سـرك فبيـر
لاتبشـرنـي بـجـرح وتـذخـره
لاتعشمنـي بـحـزن وتستخـيـر
ولاتنومـنـي بلـيـل وتسـهـره
ولاتنـام الا ونـا جفنـي سهـيـر
خلنـي مثـل النـجـوم مبعـثـره
عيش فينـي لاشهيـق ولا زفيـر
لاتقـول العفـو عنـد المـقـدرة
خل قلبك صلب وحسابـك عسيـر
المسامـح والـزعـل للمـبـزره
والا أنا لانـي زعـول ولا صغيـر
ودي أدري كيـف للحـزن أثمـره
ودي أقطف مـن قساوتـك العبيـر
ودي أجفل مـن فراقـك وأحـذره
ودي أعرف لو فقدتك وش يصيـر
لو تقدر خاطـري صـدق أكسـره
لـو صحيـح تحبنـي لاتستشيـر
أزرع بقلبـي سـبـب يستنـفـره
أثبت أنك غير وأن النـاس غيـر
شاعـرك ماكـل بنـت تجـرجـره
حارت بـه عقـول نـاس ماتحيـر
النسـاء ماحركـن فيـه اشـعـره
ثار عشـق ومالقـى شـي يثيـر
أن سكـت كـن الوقـار بمنـبـره
وأن تكلـم زمهريـر بزمهـريـر
مايحضـر الا القلـوب مجمـهـره
ومايغيـب الا وعشـاقـه كثـيـر
أن هجرتـه تستـقـر بمحـجـره
وأن تبعت رضـاه ماعينـت خيـر
اسكنـه لكـن بـعـد ماتهـجـره
ابتسم لـه بـس لاشفتـه كسيـر
حـن لكـن حـن لاجبـت اخبـره
حـب لكـن خـل حبـك بالأخيـر
لو عطيته وجهك أعطـاك اظهـره
صد عنه ويتبعـك مثـل الضريـر
لاتـحـاول تكسـبـه ماتخـسـره
صير ثلج يصير لك مثـل السعيـر
ماتميـل الا الغصـون المثـمـره
ومايسيل من الجـروح الا الغزيـر
من قبـل لاتنقهـر منهـى أقهـره
قبـل لايستحقـرك خلـك حقـيـر
استفزه،شتـتـه، فــج انـحـره
اعشق،أكره،عاتب،أشره،حن،غيـر
أنثـره ،لملمـه ، لملمـه أنـثـره
صد ،كابر، طير لـو تقـدر تطيـر
مـن متـى ونـا تحرالـي مــره
تثبت أنـي لاوقعـت أوقـع كبيـر
أبك أنا مقطوع من غـص اشجـره
لاصديـق ولارفيـق ولاعشـيـر
ابـدوي شيـب الصبـر اشـعـره
ماعرف ريش النعـام ولا الحريـر
أن غفـا كـن السحـاب يـدثـره
وان صحا يفرش من الرمضا حصير
ماخـذ مـن قسـوة البيـد أكثـره
ومن شموخ البدو شـر مستطيـر
جنتـه صحـراه والشـوك أزهـره
والسـراب بنظرتـه مثـل الغديـر
أن فـزع يامشجـعـه يامظـفـره
من خلـق الله وهـو قـرم وفقيـر
كـان ماتقـدره قـول ماتـقـدره
صير غالـي صـدق ولاا لاتصيـر
الغـلا اللـي ماتزعزعـه اهجـره
كـان قلبـك لايجـار ولا يجـيـر
شوف لك واحـد بليـد استحقـره
واجد اللي يعشقـون بـلا ضميـر
بس أنا لو جبـت لـي ميـة مـره
متحـرك فـي شعـره لـو تطيـر

[اصيل]

هلا اختي عافيه والراس مرفوع
نقل موفق ورائع اختي
ودام لنا حظور واحساسك وعاطئه
ودمتي بود

[عفيه والراس مرفوع]

هلا بك اخوي اصيل


مشكورعلى مرورك


ودمت بحفظ الكريم